Provides Latest News. Read news in telugu from telangana and Adhrapradesh sports ,politics ,facts and latest news
రూపాదేవి వర్ధంతి వేడుకలు
గంగాధర నేటిధాత్రి:
చొప్పదండి ఎమ్మెల్యే మేడిపల్లి సత్యం గారి సతీమణి రూపాదేవి మొదటి వర్ధంతి వేడుకలను శుక్రవారం గంగాధర మండలంలో ఘనంగా నిర్వహించారు. ఈ సందర్భంగా గంగాధర ప్రజా కార్యాలయంలో రూపా దేవి చిత్రపటానికి కాంగ్రెస్ పార్టీ నాయకులు, కార్యకర్తలు పూలమాలలు వేసి నివాళులర్పించారు. అనంతరం గంగాధర ప్రభుత్వ పాఠశాలలో 200 మంది విద్యార్థులకు నోటు పుస్తకాలు, పెన్నులు పంపిణీ చేశారు. కార్యక్రమంలో మండల కాంగ్రెస్ పార్టీ నాయకులు పాల్గొన్నారు.
నూతన ఎస్ఐ ని కలిసిన ఎస్ఎఫ్ఐ నాయకులు
పరకాల నేటిధాత్రి
పరకాల పట్టణానికి నూతనంగా బాధ్యతలు చేపట్టిన ఎస్ఐ విటల్ ని ఎస్ఎఫ్ఐ నాయకులు ఎస్ఎఫ్ఐ జిల్లా ఉపాధ్యక్షుడు బొచ్చు కళ్యాణ్,మండల అధ్యక్షుడు మడికొండ ప్రశాంత్ పట్టణ అధ్యక్షుడు బొచ్చు ఈశ్వర్ మర్యాదపూర్వకంగా కలిసారు.
ఆవోయిస్టు గణేష్ పార్థీవ దేహానికి నివాళులు అర్పించిన ఎమ్మెల్యే జిఎస్ఆర్
భూపాలపల్లి నేటిధాత్రి:
టేకుమట్ల మండలం వెలిశాల గ్రామానికి చెందిన మావోయిస్ట్ పార్టీ నాయకుడు గాజర్ల రవి అలియాస్ గణేష్ ఆంధ్రప్రదేశ్ రాష్ట్రం అల్లూరి జిల్లా మారేడుమిల్లి పోలీస్ స్టేషన్‌ పరిధిలోని కింటుకూరు అటవీ ప్రాంతంలో జరిగిన ఎన్‌కౌంటరులో మరణించారు విషయం తెలుసుకున్న ఎమ్మెల్యే గండ్ర సత్యనారాయణ రావు వెలిశాల గ్రామంలో గాజర్ల రవి అలియాస్ గణేష్ ఉదయ్ పార్థీవ దేహానికి పూల మాల వేసి నివాళులు అర్పించి వారి ఆత్మకు శాంతి చేకూరాలని కోరారు. అనంతరం మృతి చెందిన మావోయిస్టు కేంద్ర కమిటీ నేత గాజర్ల రవి ఉదయ్, గణేష్ సోదరుడు అయినటువంటి మాజీ మావోయిస్టు నేత, ప్రస్తుత పిసిసి అధికార ప్రతినిధి గాజర్ల అశోక్ ఐతుతో మాట్లాడి వివరాలు అడిగి తెలుసుకుని ఆయనను ఓదార్చారు. ఈ కార్యక్రమంలో వివిధ మండలాల కాంగ్రెస్ పార్టీ నాయకులు పాల్గొన్నారు.
కొత్తరంగులతో కనుసొంపైన హనుమాన్ దేవాలయ కమాన్
పరకాల నేటిధాత్రి:
హన్మకొండ జిల్లా పరకాల మండలపరిధిలోని మల్లక్కపేట గ్రామంలో గల భక్తంజనేయ స్వామి దేవాలయ కమాన్ కొత్త హంగులను పులుముకుంది.ఆలయ ముఖ ద్వారానికి భక్తుల సహ కారంతో నూతనంగా రంగులు మరియు విద్యుత్ దీపాల కాంతులతో కొత్త శోభ సంతరించుకుంది.సమారుగా 80 వేల రూపాయలతో ఈ పనులు జరిగినట్టు ఆలయ చైర్మన్ అంబీరు మహేందర్ ఒక ప్రకటనలో తెలిపారు.నూతనంగా ఎన్నికైన ఆలయ కమిటీ చైర్మన్ అంబీర్ మహేందర్ ధర్మకర్తల మండలి ఆధ్వర్యంలో ఆలయం నూతన వసతులతో విరాజీళ్ళుతుందని చెప్పడానికి ఇదే నిదర్శనంగా చెప్పుకోవచ్చు.ఆలయ అభివృద్దికి సహకరించే దాతలు ఆలయ చైర్మన్ మరియు ధర్మకర్తల మండలి లను సంప్రదించాలని కోరారు.
ప్రైవేట్ పాఠశాలను తలపిస్తున్న సర్కార్ బడి
ఇబ్రహీంపట్నం. నేటిధాత్రి
ఇబ్రహీంపట్నం మండలంలోని వర్ష కొండ గ్రామంలో మండల్ పరిషత్ పాఠశాల గత ఏడాది జూన్ నెలలో 20. మంది పిల్లలతో ఉన్న బడి ఈ సంవత్సరం 70.విద్యార్థులతో ప్రవేట్ పాఠశాలకు దీటుగా కేవలం ఒక సంవత్సరంలో పాఠశాలక మారిపోయింది ప్రమోషన్ ద్వారా ప్రధానోపాధ్యాయులుగా బాధ్యతలు స్వీకరించిన అచ్చ విజయ్ భాస్కర్ కేవలం సంవత్సర కాలంలోనే పూర్తిగా మార్చుకున్నారు దీని కొరకు గ్రామంలో ఇంటింటికి తిరిగి పిల్లల తల్లిదండ్రులకు నమ్మకం కలిగించేట్లు భరోసా ఇవ్వగలిగాడు వెంటనే గ్రామ పెద్దలను కలిసి బడికి కావలసిన అవసరాలపై చర్చించి ఒక్కొక్కటిగా రాబట్టుకునే ప్రయత్నం చేశాడు మొదట గ్రామ ఎంపీటీసీ పోనుకంటి చిన్న వెంకట్ పిల్లలకు టై. బెల్ట్. ఐడి కార్డు ఇచ్చారు తరగతి లో పాఠ్యాంశ బోధనకు గ్రామంలోకి తీసుకుపోయే విధంగా యూట్యూబ్ ఛానల్ లలో ఏర్పాటు చేశారు తద్వారా బడిని గ్రామానికి అనుసంధానం చేయడంలో సఫలం అయ్యారు అంతటితో ఆగకుండా గ్రామంలోని పెద్దలను. మరియు యువతను సభ్యులుగా చేస్తూ ఒక వాట్సాప్ గ్రూపును ఏర్పాటు చేసి బడిలో జరిగే ప్రతి కార్యక్రమాన్ని గ్రామంలోకి తీసుకువెళ్లారు దీనితో బడి వైపు దాతలు ముందుకు వచ్చారు జియో ఫైబర్.
బడికి అవసరం కొరకు ప్రింటర్ మరియు బడి రక్షణ కొరకై సీసీ కెమెరాలు దాతల సహకారంతో ఏర్పాటు చేశారు ఈ దశలో దుబాయిలో ఉండే గ్రామ నివాసి మంగలి పెళ్లి మహిపాల్.
దృష్టికి తీసుకువెళ్లారు బడి డెవలప్మెంట్ కోసం ఏమన్నా సహాయం చేయాలని కోరారు అతను వెంటనే స్పందించి బడికి టాయిలెట్స్ రిపేరు మరియు రన్నింగ్ వాటర్ కొరకు 110.000లక్ష పది రూపాయలు మరియు అంతేకాకుండా మరమూర్తులకు బడి ప్రైవేట్ పాఠశాల లాగా కనపడే విధంగా 90 వేల రూపాయలతో పెయింటింగ్. మరియు పిల్లలకు ఆడుకునేటట్లు పాట వస్తువులకు 80000 రూపాయలతో పాటవస్తులు ఏర్పాటు చేశారు ప్రజల ఉపాధ్యాయుల గదిలో 5000 రూపాయలతో దేశ నాయకుల ఫోటోలు ఏర్పాటు చేశారు అలాగే బడి వార్షికోత్సవ కార్యక్రమానికి పదిహేడు వేల రూపాయలు ఇచ్చారు మొత్తం కలిపి 300000 రూపాయలు తన సొంత డబ్బులతో పాఠశాలకు ఖర్చు చేశారు సొంత గ్రామ బడిని నిలబెట్టిన మంగలి పెళ్లి మహిపాల్ గ్రామస్తులు అభినందించారు లో ఉండేది మనుగడే ప్రశ్నార్థకంగా ఉన్నప్పటి పరిస్థితుల నుండి ఈ సంవత్సరం 70 మంది విద్యార్థులతో ప్రైవేట్ పాఠశాలకు దీటుగా కేవలం ఒక సంవత్సరంలోనే పాఠశాల మారిపోయింది
అంతర్జాతీయ యోగా దినోత్సవం విజయవంతం చేయండి
సిరిసిల్ల టౌన్:( నేటి ధాత్రి )
సిరిసిల్ల పట్టణ కేంద్రంలోని ఈరోజు ప్రెస్ క్లబ్ లో రేపు జరగబోయే అంతర్జాతీయ యోగా దినోత్సవ దశాబ్ద వేడుకల్లో భాగంగా ఈరోజు ప్రెస్ క్లబ్ లో ఆయుష్ యునాని డిస్పెన్సరీ యోగా శిక్షకులు బీ.శ్రీనివాస్ మాట్లాడుతూ భారత ప్రధాని అయిన నరేంద్ర మోడీ గారు 2014లో జూన్ 21 అంతర్జాతీయ యోగా దినోత్సవం ప్రపంచవ్యాప్తంగా ఏర్పాటు చేయడం జరిగినది. అందుకు రేపు సిరిసిల్ల జిల్లాలో అంతర్జాతీయ యోగా దినోత్సవం ప్రభుత్వం నుండి జరుపుతూ స్వచ్ఛంద సేవా సంస్థలు, విద్యార్థులు, యువకులు, అధికారులు, నాయకులు, ప్రజలు ఈ కార్యక్రమంలో పాలు పంచుకోవాలని కోరడం జరిగినది. నేటి పరిస్థితుల్లో మానవ జీవన గమనానికి యోగా ప్రతి వ్యక్తికి అవసరమైనటువంటిదని తెలిపారు. రేపు జరగబోయే యోగా దినోత్సవం విజయవంతం చేయవలసిందిగా కోరడం జరిగినది. ఈ కార్యక్రమంలో ఆయుష్ యునాని డిస్పెన్సరీ యోగా శిక్షకులు బీ.శ్రీనివాస్,మున్సిపల్ మాజీ చైర్మన్ ఆడెపు రవీందర్, బెల్లాజి శ్రీనివాస్,దూస రమేష్. ఉప్పరపల్లి విజయ్. వడ్నాల శ్రీనివాస్. కోడం రాంప్రసాద్ తదితరులు పాల్గొన్నారు.
మర్యాదపూర్వకంగా గ్రామపంచాయతీ సందర్శించిన మండల కాంగ్రెస్ పార్టీ అధ్యక్షులు…
తంగళ్ళపల్లి నేటి ధాత్రి:
తంగళ్ళపల్లి మండల నేరెళ్ల గ్రామపంచాయతీలో. తంగళ్ళపల్లి మండల అధ్యక్షులు ప్రవీణ్. మర్యాదపూర్వకంగా కలిసి ప్రభుత్వం ప్రవేశపెట్టిన. రైతు భరోసా. గ్రామంలో రైతులందరికీ సక్రమంగా పడుతుందా. ఏమైనా సందేహాలు ఉంటే సంబంధిత అధికారుల.దృష్టికి తీసుకెళ్లి రైతులకు ఎలాంటి నష్టం జరగకుండా చర్యలు తీసుకోవాలని. తరతరాలుగా పంటలు సాగు చేస్తూ జీవనోపాధి.పొందుతున్న రైతులకు రైతు భరోసా వచ్చేలా చర్యలు తీసుకోవాలని సంబంధిత. అధికారులకు.సూచించారు అలాగే మండలంలో రైతులు. ఎలాంటి మాయమాటలు నమ్మి మోసపోవద్దని ఈ సందర్భంగా తెలియజేశారు అలాగే నేను రైతులను దృష్టిలో ఉంచుకొని వచ్చాను తప్ప అధికారికంగా కాదు దయచేసి ప్రజలు గమనించాలి. ఈయన వెంట ఏ ఎం సి వైస్ చైర్మన్ నేరెళ్ళ నరసింహ గౌడ్. ఆరేపల్లి బాలు. రైతులు నాయకులు తదితరులు ఉన్నారు
అక్రమ రైస్ మిల్లర్ల మోసాలపై “రాష్ట్ర వ్యాప్త” ఆందోళనలకు “ప్రజా సంఘాల నిర్ణయం”!
రాష్ట్ర వ్యాప్తంగా “కోర్టులలో ప్రజా వాజ్యాలు” వేయాలని సమాలోచనలు!
త్వరలో “కోర్టులను” ఆశ్రయించనున్న “ప్రజా సంఘాలు”.
అక్రమ మిల్లర్లపై కేసుల నమోదుకు ప్రయత్నాలు.
“రైతులను” మోసం చేసినట్లు తేట తెల్లమైనా అధికారులు చలించకపోవడంపై “ప్రజా సంఘాల” ఆగ్రహం
హన్మకొండ జిల్లాలో ఓ మిలర్ల్ చేసిన మోసం వెలుగులోకి వచ్చింది.
“జాయింట్ కలెక్టర్” కూడా మోసం జరిగినట్లు “కమీషనర్‌”కు నివేదిక పంపడం జరిగింది.
ఖమ్మం “జేసి” సదరు మిల్లర్‌పై చర్యలకు సిఫారసు చేయడం కూడా జరిగిపోయింది.
ఇంకా మిల్లర్ పై చర్యలు తీసుకోకుండా ఎందుకు ఉపేక్షిస్తున్నట్లు ప్రశ్నిస్తున్న “ప్రజా సంఘాలు”.
రైతులను మోసం చేసి తప్పించుకునేందుకు ప్రయత్నించే వారిని ఉపేక్షించేది లేదని “ప్రజా సంఘాల” హెచ్చరిక.
హన్మకొండ జిల్లాలో రైతులను మోసం చేసిన మిర్లర్‌పై వెంటనే చర్యలు తీసుకోవాలని “ప్రజా సంఘాల” డిమాండ్.
“సివిల్ సప్లయ్” అధికారులు స్పందించకపోతే ఆందోళనకు “ప్రజా సంఘాల” కార్యాచరణ.
మీ “నేటిధాత్రి”లో ఎక్స్ క్లూజివ్ గా.
భారతదేశంలోని అతి ప్రాచీనమైన యోగ విద్యను అందరికీ అందుబాటులో ఉంచాలనే ఉద్దేశంతో తెలంగాణ రాష్ట్రంలోని వివిధ ప్రాంతాలలో యోగా శిబిరాలను నిర్వహిస్తూ యోగానే తన ఇంటి పేరుగా మార్చుకున్న యోగ గురువు శ్రీనివాస్ యోగా తో సంపూర్ణ ఆరోగ్యం అని భావించి, సమాజమే దేవాలయంగా గత 25 సంవత్సరాలుగా ఉచిత యోగ శిక్షణ శిబిరాలను ఏర్పాటు చేసి ఎన్నో లక్షలాది మంది ప్రజలకి ఆరోగ్యాన్ని ప్రసాదించిన యోగా గురువు పోశాల శ్రీనివాస్ అభినందనీయుడు.
నేటి ధాత్రి:
ఇల్లంద గ్రామంలో జన్మించిన శ్రీనివాస్ ఉస్మానియా యూనివర్సిటీలో పీజీ పూర్తి చేసి తదినంతరం తిరుపతిలోని సాంస్క్రిట్ విద్యాపీట్లో యోగ డిప్లమా పూర్తి చేసుకుని, కాకతీయ యూనివర్సిటీ ప్రొఫెసర్ ఎం శ్రీనివాసరావు గారి సూచనతో గ్రామీణ ప్రాంతాలలో అందరికీ ఆరోగ్యాన్ని అందించాలనే సత్సంకల్పంతో సుమారు 157 గ్రామాలలో ఇప్పటివరకు రెండు లక్షల మందికి యోగా లో శిక్షణను ఇవ్వటమే కాకుండా…
20 24 సంవత్సరానికి గాను యోగాలో గోల్డ్ రికార్డ్ సాధించినందుకు గాను వరంగల్ జిల్లా కలెక్టర్ శ్రీమతి సత్య శారద గారు అభినందిస్తున్న ఫోటో.
జూన్ 21.2024 వ అంతర్జాతీయ యోగా దినోత్సవం సందర్భంగా వరంగల్ జిల్లా కలెక్టర్ చేతుల మీదుగా వరల్డ్ రికార్డ్ సర్టిఫికెట్ ని అందుకున్న శ్రీనివాస్ మనందరికీ అభినందనీయుడు.
వృద్ధాశ్రమాలలో, అనాధాశ్రమాలలో , అందుల ఆశ్రమాలలో ఇలా అనేక సేవా కార్యక్రమాలను నిర్వహించి సమాజంలోని అనేకమందికి మార్గదర్శకుడిగా నిలిచాడు యోగా గురువు పోశాల శ్రీనివాస్.
సేవే పరమావధిగా భావించి అనేక రక్తదాన శిబిరాలను ఏర్పాటు చేసి ఎంతోమంది పునర్జన్మకు కారణమయ్యాడు
యోగా గురువు శ్రీనివాస్ చేసిన సేవలను గుర్తించి తెలంగాణ ప్రభుత్వం 2014వ సంవత్సరం కిలా వరంగల్ లో జరిగిన స్వాతంత్ర దినోత్సవ వేడుకల సందర్భంగా అప్పటి డిప్యూటీ సీఎం తాటికొండ రాజయ్య గారి చేతుల మీదుగా ఉత్తమ యోగ గురువు అవార్డును పొందడం జరిగింది.
శ్రీశ్రీశ్రీ త్రిదండి రామానుజ చిన్న జీయర్ స్వామి జీ వారి చేతుల మీదుగా…
2017 వ సంవత్సరంలో జనవరి (12- 18 ) జాతీయ యువజన వారోత్సవాల సందర్భంగా జిల్లా యువజన పురస్కారాన్ని అందుకోవడం జరిగింది.
2018 – 2022 సంవత్సరాలలో వరల్డ్ టూరిజం డే సందర్భంగా జరిగిన కార్యక్రమాలలో ఉత్తమ ప్రదర్శనను అందించినందుకు గాను తెలంగాణ ప్రభుత్వం నుండి అవార్డులను అందుకోవటం జరిగింది.
2019వ సంవత్సరంలో ప్రముఖ చారిత్రాత్మకమైన వేయి స్తంభాల దేవాలయంలో ఒక వెయ్యి మంది విద్యార్థులతో అంతర్జాతీయ యోగా దినోత్సవం నిర్వహించినందుకు గాను తెలుగు బుక్ ఆఫ్ రికార్డ్, తెలంగాణ బుక్ ఆఫ్ రికార్డ్ ని అందుకోవటం జరిగింది.
ధరిత్రి దినోత్సవం సందర్భంగా మొక్కలు నాటుతూ…
2019 సంవత్సరంలో ఆర్కియాలజీ డిపార్ట్మెంట్ ఆధ్వర్యంలో రామప్ప దేవాలయంలో, వేయి స్తంభాల దేవాలయంలో, కిలా వరంగల్ కోటలో అంతర్జాతీయ యోగా డేలను నిర్వహించినందుకు కాను అవార్డులను అందుకోవటం జరిగింది.
2019 వ సంవత్సరంలో భారతదేశ వ్యాప్తంగా జరిగిన యోగ డే ప్రోగ్రాం లో గవర్నమెంట్ ఆఫ్ ఇండియా పోస్టల్ డిపార్ట్మెంట్ ఆధ్వర్యంలో అవార్డును కోవడం జరిగింది.
శ్రీ శ్రీ శ్రీ త్రిదండి రామానుజ చిన్న జీయర్ స్వామీజీ తో
2021 వ సంవత్సరంలో పెరేడ్ గ్రౌండ్లో జరిగిన స్వాతంత్ర దినోత్సవ సందర్భంగా కరోనా సమయంలో ప్రతిరోజు వేలాదిమంది కి ఫుడ్, మెడిసిన్స్ అందించి రోగుల కొరకు విశేష కృషి చేసిన యోగా గురువుకు తెలంగాణ ప్రభుత్వ విప్ దాస్యం వినయ్ భాస్కర్ గారి చేతుల మీదుగా ప్రతిభా పురస్కారాన్ని అందుకోవటం జరిగింది.
25 సంవత్సరాలుగా యోగాలో చేస్తున్న విశేష కృషిని ఆదరించి వరల్డ్ రికార్డ్ సర్టిఫికెట్ ని యోగా గురువు శ్రీనివాస్ కి అందించడం జరిగింది.
అదేవిధంగా లయన్స్ క్లబ్, రోటరీ క్లబ్ మరియు శ్రీ షిరిడి సాయి సేవా సమాజ్ ఆధ్వర్యంలో అనేక అవార్డులను యోగా గురువు శ్రీనివాస్ అందుకోవటం జరిగింది. .
ప్రముఖ వ్యక్తులైన శ్రీ రాందేవ్ బాబా గారి చేతుల మీదుగా, శ్రీ శ్రీ శ్రీ త్రిదండి రామానుజ చిన్న జీయర్ స్వామీజీ చేతుల మీదుగా అంతర్జాతీయ యోగా దినోత్సవ వేడుకల సందర్భంగా అవార్డులను అందుకోవటం జరిగింది.
యోగా గురువు శ్రీనివాస్ తెలంగాణ రాష్ట్రంలోని అనేక ప్రభుత్వ మరియు ప్రైవేటు కళాశాలలో మరియు పాఠశాలలోను,
NSS, NCC క్యాండిడేట్లకి యోగాలో శిక్షణను ఇవ్వడం జరిగింది.
ఆరోగ్య ప్రదాత యోగా గురువు శ్రీనివాస్.
మామునూరు లో ఉన్నటువంటి ఫోర్త్ బెటాలియన్ CRPF పోలీస్ ఆఫీసర్లకి, భీమారంలో ఉన్నటువంటి 58వ బెటాలియన్ CRPF ఆఫీసర్ లందరికీ యోగాలో శిక్షణను ఇవ్వడం జరిగింది.తన ఆధ్వర్యంలో శిక్షణ పొందిన ఎంతోమంది విద్యార్థిని విద్యార్థులు జాతీయ మరియు అంతర్జాతీయ వేదికలపై యోగా లో ఉత్తమ ప్రదర్శనలు కనబరిచి అనేక అవార్డులను అందుకోవటం కూడా జరిగింది.
8 Vasantalu Review: ‘8 వసంతాలు’ ఎలా ఉందంటే
‘మను’, ‘మధురం’ చిత్రాల తర్వాత దర్శకుడు ఫణీంద్ర నర్సెట్టి తెరకెక్కించిన ప్రేమకథా చిత్రం ‘8 వసంతాలు’.
శుక్రవారం ప్రేక్షకుల ముందుకు వచ్చిన ఈ చిత్రం ప్రేక్షకులను ఏమేరకు మెప్పించింది?
ఫణీంద్ర నర్సెట్టి హిట్‌ అందుకున్నాడా?
రివ్యూలో చూద్దాం.
సినిమా రివ్యూ: 8 వసంతాలు (8 Vasantalu Movie Review)
విడుదల తేది: 20–6–2025
‘మను’, ‘మధురం’ చిత్రాల తర్వాత దర్శకుడు ఫణీంద్ర నర్సెట్టి (Phanindra Narsetti) తెరకెక్కించిన ప్రేమకథా చిత్రం ‘8 వసంతాలు’.
అనంతిక సనీల్‌కుమార్‌(ananthika sanilkumar), రవి దుగ్గిరాల, హనురెడ్డి, కన్నా పసునూరి కీలక పాత్రధారులు.
చిన్న పెద్ద అనే తారతమ్యం లేకుండా కంటెంట్‌ బేస్డ్‌ సినిమాలకు పట్టం కడుతున్న మైత్రీ మూవీ మేకర్స్‌ సంస్థ నిర్మించిన చిత్రమిది.
ఫస్ట్‌ లుక్‌ నుంచి ప్రచార చిత్రాలు ప్రేక్షకుల దృష్టిని ఈ సినిమా వైపు తిప్పుకొన్నాయి.
నిర్మాణ సంస్థకు ఉన్న క్రేజ్‌తో సినిమాకు బజ్‌ పెరిగింది.
శుక్రవారం ప్రేక్షకుల ముందుకు వచ్చిన ఈ చిత్రం ప్రేక్షకులను ఏమేరకు మెప్పించింది?
ఫణీంద్ర నర్సెట్టి హిట్‌ అందుకున్నాడా?
రివ్యూలో చూద్దాం.
కథ : (8 Vasantalu Story)
శుద్థి అయోధ్య (అనంతిక సనీల్‌ కుమార్) స్ట్రాంగ్‌ లేడీ.
చిన్నతనంలోనే తండ్రి మరణించడంతో తన అనుభవాల సమాహారంగా పదిహేడేళ్లకే భావోద్వేగభరితను ఓ పుస్తకంగా రాస్తుంది.
అది చదివి ఎంతోమంది ఆమెకు అభిమానులుగా మారతారు. ఆమెలో చక్కని రచయిత్రే కాదు..
తల్లి ప్రేమ, బాధ్యత, మార్షల్‌ ఆర్ట్స్‌ గురువు అంటే గౌరవం, స్నేహితుల పట్ల కరుణ ఉంచే స్వభావం కలది.
మార్షల్‌ ఆర్ట్స్‌లోనూ మంచి ప్రావీణ్యం ఉన్న అమ్మాయి శుద్ధి.
ఓ రోజు మార్షల్‌ డోజోలో వరుణ్‌ (హను రెడ్డి) పరిచయం అవుతాడు.
చూసిందే తడవు..
ఆమె ప్రేమకోసం తపిస్తూ వెంటపడతాడు.
కొంత సమయంలో తర్వాత ఆమె తనపై ప్రేమను పెంచుకుని చెప్పేలోపు వరుణ్‌ బర్క్‌లీలో తన గోల్‌ సాధించడం కోసం ఆమెను వదిలించుకుని విదేశాలకు వెళ్లిపోతాడు.
పగిలిన గుండెతో ఆమె మరో పుస్తకం రాస్తుంది.
తదుపరి ఊటీలో తెలుగు రచయిత సంజయ్ (రవి దుగ్గిరాల) పరిచయం అవుతాడు.
అతనిని శుద్ధి ప్రేమిస్తుంది.
తల్లికి చెబుదామనుకునేలోపు తల్లి ఆరోగ్యం బాగోకపోవడం, ఎస్టేట్స్‌ చూసుకునే బాధ్యత మీద పడటంతో తన ప్రేమ సంగతి తల్లికి చెప్పలేకపోతుంది.
తల్లి ఉన్న పరిస్థితిని బట్టి తన ప్రేమను త్యాగం చేయాలనుకుంటుంది.
సంజయ్ ఆమె ప్రేమను గెలిచాడా?
8 వసంతాలకు, సంజయ్‌కు సంబంధం ఏంటి?
అన్నది కథ.
‘మను’, మధురం వంటి చిత్రాల దర్శకుడి నుంచి వచ్చిన ప్రేమకథ ఇది.
గతంలో ఆయన తీసిన సినిమాల రిజల్ట్‌ బాధ పెట్టి ఉండొచ్చు.
ఆ కసితోనే 8 వసంతాలు చిత్రాన్ని తీసినట్లు సినిమా ప్రారంభంలో అనిపిస్తుంది.
2013 నుంచి 2020 మధ్యలో జరిగే ఓ సున్నిత ప్రేమకథ ఇది.
స్ట్రాంగ్‌ అండ్ టాలెంటెడ్‌ లేడీకి జీవితంలో ఎదురైన చేదు జ్ఞాపకాల నేపథ్యంలో ఓ ప్రేమకథగా మలిచారు దర్శకుడు.
సినిమా ప్రారంభం నుంచి ఇంటర్వెల్‌ వరకూ ఫ్లో బావుంది.
అయితే అక్కడక్కడా కాస్త సాగదీతగా ఉన్నా..
శుద్ధి పాత్ర తెరపై కనిపించిన ప్రతిసారీ సాగదీత అనేది గుర్తుకు రాదు.
దర్శకుడు పూర్తిగా కవితాత్మక కథ తెరపై చూపించాలనుకున్నాడు.
ఆ తరుణంలో అతనిలోని రచయిత దర్శకుడిని డామినేట్‌ చేసిన భావన కలుగుతుంది.
మాటలు బాగా రాసుకున్నాడు అయితే తన రాతతో కథను మించి కవిత్వం పెరిగింది.
ప్రాసల కోసం తపన కనిపించింది.
కొన్ని సందర్భాల్లో డైలాగ్‌ నలిగిపోయింది.
దాని వల్ల క్యారెక్టర్స్‌ మీద ఉన్న ఎఫెక్ట్‌ తగ్గిందనిపిస్తుంది.
తండ్రి మరణం, ఆ తర్వాతి సంఘటనలు శుద్ధికు రైటర్‌గా జన్మ ఇచ్చింది.
వరుణ్‌తో లవ్ ట్రాక్‌ బావుంది.
ఆమె ప్రేమను చెప్పాలనుకునే లోపు అతను విడిచివెళ్లిపోయాడు.
వరుణ్‌ క్యారెక్టర్‌ ఎంట్రీ, అతని రన్‌ చూస్తే నెగటివ్‌ అని గెస్‌ చేసేలా ఉంది.
ఇంటర్వెల్‌ వరకూ సినిమా ఒకలా ఉంటే..
అక్కడి మరోలా ఉంది.
తనని వదిలించుకుని వెళ్లున్న వరుణ్‌కి వర్షంలో నిలబడి చెప్పే డైలాగ్‌లో ప్రేక్షకుల హృదయాన్ని కదిలిస్తాయి.
‘మనిషికి మనిషి దూరంగా ఉన్నా..
దగ్గరగా ఉన్నా డిగ్నిటీ మాత్రం మారకూడదు’ అంటూ తల్లి గురించి చెప్పే డైలాగ్‌లు,
‘నేను వద్దు అనుకున్నానంటే నేను వేసుకున్న దుస్తులు పొరపాటున గాలి వల్ల కూడా నీ వైపు రావు. అంత స్ట్రాంగ్‌ నేను’
అంటూ మహిళల్ని మహారాణిలా పోలుస్తూ రాసిన డైలాగులు పేలాయి. ఆ డైలాగ్‌లు చప్పట్లు కొట్టించాయి.
తర్వాత ఇంటర్వెల్‌..
మార్షల్‌ ఆర్ట్స్‌ గురువు మరణం, అస్తికలు కలపడానికి కాశీకి వెళ్తే అక్కడ చేదు అనుభవం, సంజయ్ ఎంట్రీ, తల్లి అనారోగ్యం ఇవన్నీ పార్టుపార్టులుగా కథను, రన్నింగ్ ఫ్లోన్‌ డల్‌ చేసేశాయి. కాశీలో శుద్ధి తీసిన యాక్షన్‌ సీన్‌ బావుంది.
కానీ అంత యాక్షన్‌ పార్ట్‌ అవసరం లేదేమో అనిపిస్తుంది.
అమ్మాయి ఎంత స్ట్రాంగ్‌ అయినా లోపల సున్నితత్వం అనేది ఒకటి ఉంటుంది.
అలాంటి అమ్మాయి గుండెకు ప్రేమ పేరుతో బలమైన గాయమైనప్పుడు మళ్ళీ ప్రేమలో పడాలంటే ఎంత ఆలోచించాలి?
ఎంత బలమైన సిచ్చువేషన్‌ క్రియేట్‌ చేయాలి.
కానీ ఇక్కడ దర్శకుడు దానిని మిస్‌ చేశాడు.
ఓ వేశ్య కథకు అక్షర రూపం ఇవ్వడంతో పాటు పాఠకులలో ఆశ నింపాలని చూసిన ఓ రచయితను చూడగానే మనసిచ్చేస్తుంది శుద్ధి.
రెండో విజిట్‌కే ప్రేమమైకంలో పడుతుంది. అది సహజంగా లేదు.
నమ్మసఖ్యంగా లేదు.
రచయిత రాసిన మాటలు ప్రేక్షకుడి మదిలో రిజిస్టర్‌ అయ్యేలా రాయాలి, కానీ రిజిస్టర్‌ అవ్వడం కోసమే మాటలు రాయకూడదు.
కానీ దర్శకుడు ఇక్కడ అదే చేశాడు.
ఓ బుక్ స్టోర్‌లో మా రోజుల్లో చలంకు అమ్మాయిల్లో ఇంత క్రేజ్‌ ఉండేది..
ఇప్పుడు ఈ అబ్బాయికి’ అని ఇద్దరు మహిళలు మాట్లాడుకోవడం, ఓ సందర్భంలో ప్రేమికుడిని చెరకు తోటలో పడిన ఏనుగుతో పోల్చారు’ అని జనాలు యాక్సెప్ట్‌ చేసేలా లేవు.
కొన్ని సందర్భాల్లో పాత్రలు తమ వయసుకు మించి మాట్లాడుతున్న భావన కలుగుతుంది.
నటీనటులు పనితీరు..
శుద్థి అయోధ్య పాత్రలో అనంతిక సనీల్‌ కుమార్ అద్భుతంగా నటించింది.
హవభావాలు అద్భుతం. ప్రేక్షకుడి కన్ను తిప్పుకోనివ్వకుండా ఆమె నటన ఉంది.
ప్రతి సీన్‌లోను మెప్పించింది. ఒకటి రెండు సన్నివేశాల్లో ఎమోషన్‌ క్యారీ చేయలేకపోయిందనిపించింది.
పాత్ర పరంగా ఆమె ఈ సినిమాకు బిగ్‌ ఎసెట్‌. హను రెడ్డి వరుణ్‌ పాత్రకు న్యాయం చేశాడు.
అనంతిక, హనురెడ్డి పెయిర్‌ తెరపై బావుంది.
ఇద్దరి మధ్య యాక్టింగ్‌ కెమిస్ట్రీ బావుంది.
సెకెండాఫ్‌లో వచ్చిన రవి దుగ్గిరాల నటనలో ఇంకా బాలుడే.
ఇంప్రూవ్‌ కావాలి.
శుద్ధి స్నేహితుడి కన్నా పసునూరి కార్తిక్‌ పాత్రకు న్యాయం చేశాడు.
మిగతా నటీనటుల్లో గుర్తు పెట్టుకునేవారు ఎవరూ లేదు.
తమ పరిధి మేరకు యాక్ట్‌ చేశారు.
దర్శకుడికి మంచి టీమ్‌ కుదిరింది.
సినిమాటోగ్రాఫర్‌ విశ్వనాధ్‌రెడ్డి విజువల్‌ పరంగా ఎక్కడా పేరు పెట్టకుండా ప్రతీ సీన్‌ను అందంగా క్యాప్చర్‌ చేశారు.
అలాగే సినిమాకు మ్యూజిక్‌ ఎసెట్‌.
హేషమ్‌ అబ్దుల్‌ వాహబ్‌ చక్కని పాటలు, ఆర్‌ఆర్‌ అందించారు.
సాహిత్యం బావుంది.
ఎడిటర్‌ శశాంక్ మాలి సెకెండాఫ్‌కు కాస్త కత్తెర వేసుంటే బావుండేది.
దర్శకుడు ఫణీంద్ర నర్సెట్టి సినిమాను బాగానే గ్రాండ్‌గా తీశారు.
నిర్మాతలు ఖర్చు తెరపై కనిపించింది.
రచనపై ఎక్కువ దృష్టి పెట్టడంతో సినిమా మధ్యలో డ్రాప్‌ అయింది.
ఇంటర్వెల్‌, క్లైమాక్స్‌ అద్భుతం అనేలా తీశారు.
ఆ రెండు సీన్స్‌ చాలు సినిమాకు హిట్టుకు అనుకున్నారో ఏమో?
ఎక్కువ దృష్టి అక్కడే పెట్టి మిగిలినది సోసోగా కానిచ్చారు.
కానీ ఎక్కడా అసభ్యకర సన్నివేశాలు లేవు.
పొయిటిక్‌ లవ్‌స్టోరీగా తీసే ప్రయత్నం చేశారు కాబట్టి కామెడీకి ఎక్కడా చోటు ఇవ్వలేదు.
8 ఏళ్ల ప్రేమకథను దర్శకుడు సున్నితంగా చూపించారు కానీ..
అన్ని వర్గాల ప్రేక్షకులకు నచ్చేలా తెరకెక్కించడంలో విఫలం అయ్యాడు.
సింపుల్‌, కూల్‌ లవ్‌స్టోరీలను ఇష్టపడే ప్రేక్షకులకు ఈ సినిమా నచ్చుతుంది.
కమర్షియల్‌ యాక్షన్‌ హంగామా కోరుకునే ప్రేక్షకుల నుంచి ఆదరణ తక్కువే ఉంటుంది.
యోగా డే.. త‌ర‌లివ‌చ్చిన సినీతార‌లు
హైద‌రాబాద్ ఎల్బీ స్టేడియంలో నిర్వ‌హించిన యోగా డే కౌంట్‌డౌన్ శుక్రవారం క‌ల‌ర్‌ఫుల్‌గా మారింది.
జూన్ 21న అంతర్జాతీయ యోగా దినోత్సవం సందర్భంగా హైద‌రాబాద్ ఎల్బీ స్టేడియంలో నిర్వ‌హించిన యోగా డే (Yoga Day) కౌంట్‌డౌన్ శుక్రవారం క‌ల‌ర్‌ఫుల్‌గా మారింది. కేంద్ర మంత్రి కిషన్ రెడ్డి (Union Minister Kishan Reddy) ఆధ్వర్యంలో నిర్వ‌హించిన ఈ కార్యక్రమానికి తెలంగాణ గవర్నర్ జిష్ణుడేవ్ వర్మ (Telangana Governor Jishnu Dev Varma), మాజీ ఉపరాష్ట్రపతి వెంకయ్యనాయుడు (Venkaiah Naidu)ల‌తో పాటు ప‌లువురు కేంద్రమంత్రులు, బీజేపీ నేతలు,పెద్ద సంఖ్యలో హాజరైన ప్రజలు యోగాసనాలు వేశారు.
ఆపై సినీ తార‌లు తేజ స‌జ్జా (Teja Sajja), సాయుధ‌ర‌మ్ తేజ్ (Sai Dharam Tej), మీనాక్షి చౌద‌రి (Meenakshi Chaudhary), ఖుష్బూ (Kushboo) వంటి తార‌లు సైతం త‌ర‌లివ‌చ్చి ప్రొగ్రాంకు కొత్త క‌ళ తీసుకు వచ్చారు. తమ ప్ర‌సంగంతో అక్క‌డికి చ్చిన వారిలో ఉత్తేజం నింపారు. అంద‌రితో పాటుగా యోగా చేశారు. ఇందుకు సంబంధించిన వీడియోలు ప్రస్తుతం సోషల్ మీడియాలో వైర‌ల్ అవుతున్నాయి.
ఈ సందర్భంగా మంత్రి కిషన్ రెడ్డి మాట్లాడుతూ.. మోదీ ప్రధాని అయిన తర్వాత భారత దేశం ప్రపంచానికి ఇచ్చిన అద్భుతమైన బహుమతి యోగా అని అన్నారు. ఈ యోగాను ప్రపంచవ్యాప్తంగా గుర్తించారని.. మోదీ నాయత్వంలో యావత్ ప్రపంచంలో ఉన్న 2 వందల దేశాల నాయకులు, ప్రజలు యోగాను ఆచరిస్తున్నారంటే.. ప్రతి భారతీయుడు గర్వించాల్సిన విషయమని కిషన్ రెడ్డి అన్నారు.
స‌డ‌న్‌గా ఓటీటీకి.. లేటెస్ట్‌ ఇంటెన్స్ హర్రర్, సస్పెన్స్ థ్రిల్లర్‌
ఇటీవల థియేట‌ర్ల‌లోకి వచ్చిన ఓ హర్రర్, సస్పెన్స్ థ్రిల్లర్‌ చిత్రం ప‌క్షం రోజుల‌కే ఎలాంటి ముంద‌స్తు ప్రకటన లేకుండానే స‌డ‌న్‌గా డిజిటల్ స్ట్రీమింగ్ కు వ‌చ్చి షాకిచ్చింది
నిఖిల్ దేవాదుల (Nikhil Devadula) హీరోగా వాస్త‌వ ‘హర్రర్’ ఘ‌ట‌న‌ల‌తో ఇంటెన్స్ సస్పెన్స్ థ్రిల్లర్గా రూపొందిన చిత్రం ‘ఘటికాచలం’ (Ghatikachalam).
అమర్ కామెపల్లి (Amar Kamepalli) దర్శకత్వం వహించగా ప్రభాకర్, ఆర్వికా గుప్తా, జోగి నాయుడు, సంజయ్ రాయ్ చుర, దుర్గాదేవి కీలక పాత్రల్లో నటించారు.
ఎం.సి రాజు నిర్మాత.
మే31న ప్రేక్షకుల ముందుకు వచ్చిన ఈ మూవీ పాజిటివ్ టాక్ తెచ్చుకున్న‌ప‌ట్ప‌టికీ ప్రచార లోపం వ‌ళ్ల జ‌నాల‌కు చేర‌లేక పోయింది.
బేబీ వంటి బ్లాక్బస్టర్ సినిమాను నిర్మించిన ఎస్ కేఎన్ మారుతితో కలిసి
ఈ సినిమాను రిలీజ్ చేయడం విశేషం.
అయితే ఇప్పుడీ చిత్రం ప‌క్షం రోజుల‌కే ఎలాంటి ముంద‌స్తు ప్రకటన లేకుండానే స‌డ‌న్‌గా డిజిటల్ స్ట్రీమింగ్ కు వ‌చ్చి షాకిచ్చింది.
కథ విష‌యానికి వ‌స్తే..
నిర్మాత రాజు నిజ జీవితంలో జరిగిన ఘ‌ట‌న‌ల అధారంగా రెడీ చేసుకున్న‌క‌థ‌తో సైక‌లాజిక‌ల్ హర్రర్ థ్రిల్లర్గా తెర‌కెక్కిన
ఈ సినిమా చూసే ప్రేక్షకులకు ఓ ఢిప‌రెంట్ చిత్రం చూస్తున్నామ‌నే ఫీల్ ఇస్తుంది.
అక్క‌డ‌క్క‌డ లాగ్ ఉన్న‌ప్ప‌టికీ త‌ల్లిదండ్రులు పిల్లలతో స‌రిగ్గా లేక‌పోతే ఎలాంటి ఘ‌ట‌న‌లు జ‌రుగుతాయ‌నే అంశంతో మంచి సోషల్ మెసేజ్ అందించారు.
హర్రర్, సైక‌లాజిక‌ల్ సినిన‌మాల‌ను ఇష్ట‌ప‌డేవారు ఒక‌సారి ఈ మూవీని చూడ‌వ‌చ్చు.
ఇప్పుడీ ఘటికాచలం’ (Ghatikachalam).
సినిమా అమెజాన్ ప్రైమ్ వీడియో (Amazon Prime Video) ఓటీటీలో స్ట్రీమింగ్ అవుతుంది. ఫ్యామిలీతో కలిసి చూడ‌వ‌చ్చు.
డ్రగ్స్ గంజాయి నివారణలో విద్యార్థులు యువత భాగస్వాములు కావాలి
సిరిసిల్ల టౌన్ (నేటిధాత్రి ):
సిరిసిల్ల జిల్లా వ్యాప్తంగా పాఠశాల,కళాశాలలో విద్యార్థులకు మాదకద్రవ్యాల వలన కలుగు అనర్ధాలపై రేపటి నుండి వారం రోజుల పాటు అవగాహన కార్యక్రమాలు.
నషా ముక్త్ భారత్ అభియాన్ కార్యక్రమంలో భాగంగా తెలంగాణ ఆంటీ నార్కోటిక్స్ బ్యూరో ద్వారా జిల్లా వ్యాప్తంగా పాఠశాల, కళాశాలలో విద్యార్థిని విద్యార్థులకు మాదకద్రవ్యాల వినియోగం వలన కలిగే పరిణామాలపై అవగాహన కార్యక్రమాలు ఏర్పాటు చేయడం జరిగిందని జిల్లా ఎస్పీ మహేష్ బి. గితే ఐపిఎస్ గారు తెలిపారు..
ఈసందర్భంగా ఎస్పీ మాట్లాడుతూ….
విద్యార్థులు,యువత కు డ్రగ్ అవర్నెస్ వీక్ లో బాగంగా రేపటి నుండి వారం రోజుల పాటుగా ప్రతి పోలీస్ స్టేషన్లలో మత్తు పదార్థాల వలన కలుగు ఆనర్ధాలపై వివిధ కార్యక్రమాల ద్వారా అవగాహన కల్పించనున్నారు.
1. జిల్లా, మండల కమిటీ సమావేశం(20.06)
2. అంతర్జాతీయ యోగా దినోత్సవం(21.06)
3. డ్రగ్ హాట్ స్పాట్ లలో అవగాహన కార్యక్రమం(22.06)
4. మొక్కలు నాటడం(23.06)
5. స్లోగన్ రైటింగ్ కాంపిటీషన్(24.06)
6. పెయింటింగ్ కాంపిటీషన్(25.06)
7. అంతర్జాతీయ మాదక ద్రవ్య సేవన వ్యతిరేక దినోత్సవం , ర్యాలీ, ప్రతిజ్ఞ, సమావేశం(26.06)
డ్రగ్స్ నిర్ములనకోసం జరుగుతున్న పోరాటంలో ప్రతి ఒక్కరు భాగస్వామ్యమై డ్రగ్స్ మహమ్మరిని నిర్ములించి భావితరాలకు మంచి భవిష్యత్ అందించాలని,యవత , విద్యార్థులు మత్తు పదార్థాలకు,గంజాయికి దూరంగా ఉంటూ భవిష్యత్తులో ఉన్నత స్థానాల్లో ఉండాలన్నారు.
కుర్ర హీరోలను మించి వ‌రుస సినిమాల‌ను లైన్లో పెడుతూ పుల్ స్వింగ్‌లో ఉన్నాడు సూప‌ర్ స్టార్ రజనీకాంత్.
కుర్ర హీరోలను మించి వ‌రుస సినిమాల‌ను లైన్లో పెడుతూ పుల్ స్వింగ్‌లో ఉన్నాడు సూప‌ర్ స్టార్ రజనీకాంత్ (Rajinikanth) ఇప్పటికే లోకేశ్ క‌న‌గ‌రాజ్ దర్శకత్వంలో న‌టించిన కూలీ ఆగ‌ష్టులో విడుద‌ల‌కు సిద్ధ‌మ‌వుతుండ‌గా నెల్స్ డైరెక్షన్లో జైలర్2 షూటింగ్‌లో ఉంది. ఇది ఇలా ఉండ‌గానే తాజాగా మరో చిత్రాన్ని లైన్లో పెట్టాడు. త‌మిళ ఆగ్ర హీరోలు అజిత్‌తో తునీవు, వాలిమై, పింక్ రిమేక్ సినిమాల‌తో పాటు ప్రస్తుతం విజ‌య్‌తో జ‌న నాయ‌గ‌న్ సినిమ రూపొందిస్తున్న హెచ్ వినోద్ (H. Vinoth) దర్శకత్వంలో సూపర్స్టార్ రజనీకాంత్ తన తదుపరి చిత్రం చేయనున్నట్టు కోలీవుడ్‌ వర్గాల సమాచారం.
అదేవిధంగా హెచ్.వినోద్ కూడా అగ్రహీరో విజయ్ చిత్రానికి దర్శకత్వం వహిస్తున్నారు. ఈ రెండు ప్రాజెక్టులు పూర్తయిన తర్వాత రజనీ – హెచ్.వినోద్ కలిసి పనిచేయనున్నట్టు కోలీవుడ్‌ వర్గాల సమాచారం. ఈ విషయంపై రజనీతో హెచ్.వినోద్ రెండుసార్లు కలిసి చర్చించడంతో వీరిద్దరి కాంబినేషన్‌లో ఓ చిత్రం రావడం ఖాయమనే ప్రచారం జోరుగా సాగుతోంది. ఇదిలాఉంటే స‌రిపోదా శ‌నివారం వంటి బ్లాక్బస్టర్ అందించిన వివేక్ అత్రేయ సైతం రజనీతో సినిమా కోసం చ‌ర్చలు జ‌రుపుతున్న‌ట్లు సమాచారం.
గాజర్ల రవి అలియాస్ గణేష్ మృతదేహం గ్రామానికి తరలింపు.
నేడే అంత్యక్రియలు ముగిసిన 33 ఏళ్ల గాజర్ల కుటుంబ ప్రస్థానం.
సెంట్రల్ కమిటీ సభ్యుడు హోదాలో మరణం. జీర్ణించుకోలేని కుటుంబ సభ్యులు.
చిట్యాల నేటి ధాత్రి:
జయశంకర్ భూపాలపల్లి జిల్లా ఉమ్మడి చిట్యాల మండలంలోని వెలిశాల గ్రామానికి ఓ చరిత్ర ఉంది ఆ చరిత్ర నేటితో ముగియనుందా అనే సందేహం కలుగుతుంది వెలిశాల తల్లడిల్లుతుంది ఈ ప్రాంతంలో నక్సల్స్ ఉద్యమానికి పురుడు పోసిన గాజర్ల కుటుంబంలో మరొకరు పోలీసుల ఎన్కౌంటర్లో మృతి చెందారు, వివరాల్లోకి వెళితే గాజర్ల సారయ్య అలియాస్ ఆజాద్ 2008 ఎన్కౌంటర్లో చనిపోగా తాజాగా ఆంధ్రప్రదేశ్ రాష్ట్రం అల్లూరి సీతారామరాజు జిల్లా మారేడుపల్లి అడవుల్లో బుధవారం జరిగిన ఎన్కౌంటర్లో గాజర్ల రవి అలియాస్ గణేష్ మృతి.
యాపిల్, గూగుల్ సహా పలు డిజిటల్ సర్వీసులకు చెందిన 16 బిలియన్ పాస్వర్డ్స్, ఇతర లాగిన్ డీటెయిల్స్ బహిర్గతం కావడం సంచలనంగా మారింది.
ఇప్పటికే 184 మిలియన్‌ యూజర్ రికార్డులు బట్టబయలు అయినట్టు సైబర్ నిపుణులు ఇటీవల ప్రకటించారు.
ఇదేమీ సాధారణమైన లీక్ కాదని సైబర్ నిపుణులు ఆందోళన వ్యక్తం చేస్తున్నారు.
ఈ డాటాను భారీ స్థాయిలో దుర్వినియోగపరిచే ఆస్కారం ఉందని అంటున్నారు.
వీటిని ఆయుధంగా మలిచే ప్రమాదం ఉందని హెచ్చరిస్తున్నారు.
ఫిషింగ్ ఎటాక్స్, అకౌంట్ టేకోవర్స్, బిజినెస్ ఈమెయిల్ కాంప్రమైజ్ ఎటాక్స్‌కు వినియోగించే అవకాశం ఉందని అంటున్నారు.
అత్యంత విలువైన లాగిన్ క్రెడెన్షియల్స్ కూడా ఇలా బహిర్గతమవడంతో దీర్ఘకాలిక పరిణామాలు ఉంటాయని కీపర్ సెక్యూరిటీ కోఫౌండర్, సీఈఓ డేరెన్ గుసియోన్ హెచ్చరించారు.
ఇలాంటి దాడుల జరిగే అవకాశం ఉందని గూగుల్ లాంటి సంస్థలు ముందే ఊహించాయి.
యూజర్లు తమ డిజిటల్ అకౌంట్స్‌కు తాళం వేసుకునేందుకు పాస్వర్డ్స్, టూ ఫాక్టర్ ఆథెంటికేషన్‌లకు బదులు పాస్‌కీలు వాడాలని చెబుతున్నాయి.
ఇది బయోమెట్రిక్ ఆధారంగా పనిచేసే గుర్తింపు ధ్రువీకరణ వ్యవస్థ.
పాస్వర్డ్స్ వినియోగం ఇక ఎంత మాత్రం సురక్షితం కాదని భావిస్తున్న అనేక డిజిటల్ సంస్థలు పాస్‌కీల వైపు మళ్లుతున్నాయి.
పాస్‌కీతో యూజర్లు స్మార్ట్‌ఫోన్ల ద్వారా తమ బయోమెట్రిక్ ధ్రువీకరించుకున్నాకే లాగిన్ అయ్యే అవకాశం కలుగుతుంది.
పాస్‌కీలతో ఫిషింగ్ దాడులనుంచి పూర్తి రక్షణ లభిస్తుందని గూగుల్ చెబుతోంది.
పాస్‌కీలు వాడేటప్పుడు వినియోగదారులు తమ స్మార్ట్‌ఫోన్‌లో ఫింగర్ ప్రింట్, ఫేషియల్ స్కాన్ లేదా ప్యాటర్న్ లాక్ ఉపయోగించి తమ అకౌంట్‌లోకి లాగిన్ కావొచ్చు.
రైతు భరోసా పథకం
జహీరాబాద్ నేటి ధాత్రి:
ఝరాసంగం మండల ఆయా గ్రామాల ప్రజలకు
కొత్తగా వచ్చిన పట్టాదారు పాస్ పుస్తకం గల రైతులు ధరఖాస్తు పెట్టుకోవడానికి .చివరి తేదీ 20 జూన్ 2025 శుక్రవారం.(వ్యవసాయ పెట్టుబడి సహాయం పథకం వానాకాలం 2025-26)
05.06.2025 వరకు కొత్తగా వచ్చిన పట్టాదారు పాస్ పుస్తకం గల రైతులు దరఖాస్తు పెట్టుకోవడానికి అవసరమైన పత్రాలు:
1. పట్టాదారు పాస్ పుస్తకం లేదా డిజిటల్ సంతకం అయినా జిరాక్స్ 2. ఆధార్ కార్డు జిరాక్స్. 3. బ్యాంకు సేవింగ్ ఖాతా జిరాక్స్. 4. పూర్తిగా నింపబడిన దరఖాస్తు ఫారం.
ఈ పత్రాలను మీ క్లస్టర్ అధికారి అయిన వ్యవసాయ విస్తీర్ణ అధికారి గారికి సమర్పించాలి.
గమనిక 1 : 05.06.2025 నాటికి భూ భారతి (ధరణి) పోర్టల్ లో ఉన్న పట్టాదారుల డేటా రైతు భరోసా పథకం కింద అర్హులైన రైతులకు సాయం అందించేందుకు భూమి పరిపాలన ప్రధాన కమిషనర్ (CCLA) నుండి పొందబడింది. డిజిటల్ సంతకం అయినా రైతులు అర్హులు.
గమనిక 2: గతంలో రైతు బంధు పొందిన రైతులు మళ్లీ దరఖాస్తు చేయవలసిన అవసరం లేదు హారి
వ్యవసాయ శాఖ అధికారులను సంప్రదించగలరు
ఆరోగ్యశాఖ మంత్రి నియోజకవర్గంలో నాణ్యతలోపం
◆ ఏడాది గడవకుండానే రోడ్ కు మరమ్మ త్తులు.
జహీరాబాద్ నేటి ధాత్రి:
సంగారెడ్డి జిల్లా రాయికోడ్ మండల కేంద్రం నుంచి ఝరాసంగం మండలం కప్పాడు గ్రామం వరకు నిర్మించిన తారు రోడ్డు ఏడాది గడవకుండానే పాడవటం పై బిఎస్పి జిల్లా ఇంచార్జి మోహన్ ఆగ్రహం వ్యక్తం చేశారు. రాష్ట్ర వైద్య ఆరోగ్యశాఖ మంత్రి దామోదర్ రాజనర్సిహ్మ ఇలాకాలో సంబంధిత అధికారులు నాణ్యత ప్రమాణం పాటించకపోవడంపై బీఎస్పీ ఇంచార్జి మోహన్ ఎద్దేవా చేశారు.. పాడైన రోడ్డు ను, ప్యాచ్ వేసేందుకు చేపట్టిన పనులను గురువారం అయన పరిశీలించారు.ఈ సందర్బంగా అయన మాట్లాడుతూ అధికారులు రోడ్డు నిర్మాణ సమయం లో నిర్లక్షంగా వ్యవహరించడం వల్లనే మూన్నాలకే రోడ్డు పై తారు లేచిపోయి గుంతల మాయంగా మారిపోయిందని, దీంతో ప్రయాణికుల, వాహన దారుల కష్టాలు పునరావృతం అయ్యయన్నారు. రోడ్ లు, భావనలు నిర్మాణ క్రమంలోనే సంబంధిత ఇంజనీర్ లు తగిన విధులు నిబద్దతతో నిర్వహిస్తే ప్రజలకు ఇబ్బందులు ఉండవన్నారు. ఇప్పటికైనా అధికారులు, తారు, సీసీ రోడ్డు లు, భవనాలను ఎస్టిమేషన్ లకు తగ్గట్లు నిర్మించి తమ విధులను సక్రమంగా నిర్వహించాలని కోరారు. రోడ్ లు, భవనాల నిర్మాణం లో మరోసారి నిర్లక్ష్యం వహిస్తే జిల్లా, రాష్ట్ర స్థాయి ఉన్నత అధికారులకు పిర్యాదు చేసి నిర్లక్ష్యం వహించిన అధికారులపై చర్యలు తీసుకోవాలని కోరానున్నట్లు తెలిపారు. కొన్ని రోజుల క్రితం వర్షంలో చెర్ల రాయిపల్లి లోని వంతెన నిర్మాణాన్ని కొనసాగించిన అంశం, పలు గ్రామాల్లో నాసిరకం ఇసుకతో సీసీ రోడ్ల నిర్మాణం చేపట్టినట్లు తమ దృష్టికి వచ్చినట్లు తెలిపారు. నిబంధనల మేరకు అధికారులు నడుచుకోకపోతే ప్రజలతో ఆందోళన కార్యక్రమాలు నిర్వహిస్తామన్నారు.
ఉర్దూ సైన్ బోర్డుకు విజయవంతమైన ప్రాతినిధ్యం
జహీరాబాద్ నేటి ధాత్రి:
మజ్లిస్ ఇత్తెహాద్-ఉల్-ముస్లిమీన్ మరియు జహీరాబాద్ జిల్లాలోని వివిధ సామాజిక నాయకులు ఈద్గా ముందు ఉన్న కొత్త ఫ్లైఓవర్ వంతెన పైన ఉన్న సైన్ బోర్డుపై ఉర్దూ భాషను విస్మరించారు. మజ్లిస్ ఇత్తెహాద్-ఉల్-ముస్లిమీన్ జహీరాబాద్ అధ్యక్షుడు ముహమ్మద్ అథర్ అహ్మద్ పార్టీ నాయకులు మరియు సామాజిక నాయకులతో కలిసి నిరసన వ్యక్తం చేశారు మరియు సైన్ బోర్డు ఏర్పాటును నిలిపివేశారు మరియు ఉర్దూ సైన్ బోర్డు ఏర్పాటు చేసే వరకు పనిని నిలిపివేయాలని డిమాండ్ చేశారు. దీనిపై, ఆర్ అండ్ బి అసిస్టెంట్ ఇంజనీర్ సింధియా మరియు సబ్-ఇన్స్పెక్టర్ ఆఫ్ పోలీస్ జహీరాబాద్-2-IN వినయ్ కుమార్ అధ్యక్షుడు మజ్లిస్ జహీరాబాద్ ముహమ్మద్ అథర్ అహ్మద్ కు 24 గంటల్లోగా సైన్ బోర్డును ఉర్దూలో రాయించుకుంటామని హామీ ఇచ్చారు. బుధవారం, సైన్ బోర్డు ఉర్దూలో వ్రాయబడింది.దీనిపై, మజ్లిస్ జహీరాబాద్ అధ్యక్షుడు ముహమ్మద్ అథర్ అహ్మద్,మజ్లిస్ ఇత్తెహాదుల్ ముస్లిమీన్ తరపున మరియు జహీరాబాద్ ముస్లింల తరపున, R&B విభాగం మరియు పోలీసు శాఖకు ధన్యవాదాలు మరియు ఈ నిరసనలో పాల్గొన్న వారందరికీ ధన్యవాదాలు.ఈ సందర్భంగా, మజ్లిస్ పార్టీ సభ్యులు ముతామర్ బిన్ అమీర్ బిన్ అబ్దుల్లా, షేక్ ఇలియాజ్,మార్కెట్ కమిటీ మాజీ డైరెక్టర్ మహమ్మద్ అలీమ్,మహమ్మద్ సమీర్ మహమ్మద్ అఫ్సర్ మహమ్మద్ ఖవాజా తదితరులు పాల్గొన్నారు.
ఘనంగా రాహుల్ గాంధీ జన్మదిన వేడుకలు
మొగుళ్ళపల్లి నేటి ధాత్రి
మండల కేంద్రంలోని ప్రధాన కూడలిలో కాంగ్రెస్ పార్టీ జాతీయ మాజీ అధ్యక్షులు రాహుల్ గాంధీ జన్మదిన వేడుకలను ఘనంగా నిర్వహించడం జరిగింది. జన్మదిన వేడుకల్లో ముఖ్య అతిధిగా చిట్యాల ఎ ఎం సి వైస్ చైర్మన్ మహ్మద్ రఫీ పాల్గొని కేక్ కట్ చేసి స్వీట్లు, పండ్లు పంపిణి చేశారు.అనంతరం రఫీ మాట్లాడుతూ. దేశ వ్యాప్తంగా ప్రతి గుండెను హత్తుకునేలా చేపట్టిన జూడో యాత్రతో ప్రజల కష్టాలను దగ్గరుండి చూసిన రాహుల్ గాంధీ ప్రతి పక్షనేతగా పేద ప్రజలకు న్యాయం చేసేందుకు కేంద్ర ప్రభుత్వంపై అలుపెరుగని పోరాటం చేస్తూ. దేశ ప్రజల అభ్యున్నతికై అనుక్షణం పరితపించే మృధుస్వభావి రాహుల్ గాంధీ అని. అలాంటి మహా నాయకునికి మొగుళ్లపల్లి మండల కాంగ్రెస్ పార్టీ తరపున జన్మదిన శుభాకాంక్షలు తెలియజేసారు. ఈవేడుకల్లో కాంగ్రెస్ పార్టీ జిల్లా నాయకులు తక్కళ్లపెల్లి రాజు, నడిగోటి రాము,ఏలేటి శివారెడ్డి, ఆకుతోట కుమార్, నీల రాజు, మంగళపల్లి శ్రీనివాస్, చంద్రబోస్, నాయకులు పాల్గొన్నారు.
