ఊసరవెల్లి రాజకీయాలకు తెరపడనుందా?

ఉత్కంఠంగా మారిన రాజ్యసభ ఎన్నికలు?

`రాజ్యసభ ఎన్నికలో ట్విస్ట్ లే ట్విస్టులు!

`రాజకీయ రంగులు తేలిపోనున్నాయా?

`ఏ పార్టీ పొత్తు ఎవరితో తెలనుందా?

`పది మంది ఎమ్మెల్యే లు పదవులు పోయే సమయం ఆసన్నమైందా?

`కేసీఆర్ విప్ జారీ చేస్తారా! రాజకీయ వ్యూహం రచిస్తారా?

`కేసీఆర్ విప్ జారీ చేస్తే పరిస్థితి ఏమిటి?

`పార్టీ మారిన ఎమ్మెల్యే లు పదవులు కాపాడుకుంటారా?

`విప్ కు విరుద్దంగా ఓటేసి సభ్యత్వాలు కోల్పోతారా?

`ఇప్పుడున్న ఎమ్మెల్యే ల సంఖ్యా బలం కాంగ్రెస్ కు సరిపోదు.

`పార్టీ మారిన ఎమ్మెల్యే లు ఓట్లేసినా కాంగ్రెస్ రెండు సీట్లు గెలవలేదు.

`కేసీఆర్ దైర్యం చేసి ఒక సీటుకు పోటీ పెడతారా?

`పార్టీ మారిన పది మంది కాంగ్రెస్ కు చేయిచ్చి బి ఆర్ ఎస్ కు ఓటేస్తారా?

`వాళ్ళు కూడా గైర్హాజరుతారా?

`ఆలా చేసినా విప్ దిక్కారమే అవుతుంది?

`పది మంది ఎమ్మెల్యే లకు ముందు నుయ్యి వెనుక గొయ్యి కానుందా?

`అనారోగ్య కారణాలు చెప్పి తప్పించుకుంటారా?

`ఏక కాలంలో పది మంది కి అనారోగ్యం సాధ్యమౌతుందా?

`అనేక చిక్కు ముడులలో రాజ్యసభ ఎన్నిక ప్రక్రియ?

`గొప్యతకు తావులేదు… తప్పించుకునే ఛాన్స్ లేదు!

`కాంగ్రెస్ బలం 66

`సిపిఐ పార్టీకి ఒక్క సీటు వుంది.

`ఒక్క రాజ్య సభ గెలుపుకు 41 మంది ఎమ్మెల్యే లు అవసరం!

`10 మంది పార్టీ మారిన ఎమ్మెల్యే లు కలిస్తే 77 అవుతుంది.

`రెండు సీట్లు గెలుచుకోవాలంటే 82 ఓట్లు కావాలి.

`కాంగ్రెస్ కు ఎంఐఎం మద్దతు ఇస్తే లెక్క సరిపోతుంది?

`పార్టీ మారిన ఎమ్మెల్యే లు ఓట్లేస్తేనే సాధ్యమౌతుంది?

`పది మంది జారుకుంటే మొదటికే మోసం వస్తుంది?

`సీఎం రేవంత్ రెడ్డి ని నమ్ముకొని ఓటేస్తారా?

`పదవులు పోయినా సరే అని విప్ దిక్కరిస్తారా?

`పదవులు కాపాడుకోవడమే మేలనుకుంటారా?

 తెలంగాణలో ఖాళీ అయిన రెండు రాజ్యసభ సీట్లు కాంగ్రెస్ సొంతం కానున్నాయా? ఈ రెండు సీట్లు సాధించుకోవడం సాధ్యమా? కాంగ్రెస్‌కు సంఖ్యా బలం సరిపోతుందా? మిత్రులు కలిసి వచ్చినా రెండు రాజ్యసభ గెల్చుకునే అవకాశం వుందా? అంటే స్పష్టమైన సమాదానం ఎవరూ చెప్పలేరు. ఆఖరు నిమిషం వరకు చెప్పడానికి అవకాశమే లేదు. రెండు రాజ్యసభ సీట్లు ఏకగ్రీవంగా సాధించుకునే ఎమ్మెల్యేల కాంగ్రెస్‌కు లేదు. అలాగని కనీసం ఒక్క సీటు పొందేందుకు కూడా బిఆరఎస్ బలం సరిపోదు. మరి ఎలా? అనే ప్రశ్నలు అనేకం ఉత్పన్నమౌతున్నాయి. ఇప్ప్పుడే రాజకీయాల అసలు రంగు బైటపడే అవకాశం కనిపిస్తోంది. కాంగ్రెస్‌కు బిఆరఎస్ అవకాశం కల్పించినా బిజేపి చేసే ఆరోపణలకు బలం చేకూరుతుంది. బిఆరఎస్‌కు బిజేపి సహకరించినా కాంగ్రెస్ విమర్శలు నిజమని ఒప్ప్పుకున్నట్లౌవుంది. ఒక వేళ కాంగ్రెస్, బిజేపిలు లోపాయి కారి ఒప్పందాలు జరుపుకునే అవకాశం కనిపించలేదు. ఎందుకంటే రాజ్యసభ ఎన్నికల్లో సాద్యమే కాదు. ఏ రకంగా చూసిన పాలకపక్షం కాంగ్రెస్ రెండు సీట్లు కైవసం చేసుకోలేదు. ప్రతిపక్ష బిఆరఎస్‌కు ఒక్క సీటు దక్కేందుకు ఆస్కారం లేదు. కాని పార్టీ మారిన పది మంది ఎమ్మెల్యేలు, బిజేపి కలిస్తే బిఆరఎస్ ఒక్క సీటు సాధ్యమే? కాని ఇది కూడా సాధ్యమయ్యే పని అసలే కాదు. మరి కాంగ్రెస్ ఎలా రెండు సీట్లు సాదిస్తుంది. ఒక వేళ బిజేపి పోలింగ్‌కు గౌర్హాజరైనా సరే కాంగ్రెస్‌కు రెండు సీట్లు దక్కేలా కనిపించడం లేదు. కాని పది మంది పార్టీ మారిన ఎమ్మెల్యేలు కాంగ్రెస్‌కు ఓటు వేస్తే మాత్రం కచ్చితంగా రెండు సీట్లు దక్కడానికి ఇబ్బందేమీ లేదు. అయినా అది కూడా సాధ్యమేనా? అనే ప్రశ్న కూడా వుంది. బిఆరఎస్ వేసే అడుగుýతో రాష్ట్ర రాజకీయం ఒక్కసారిగా మారిపోయే అవకాశాలైతే కనిపిస్తున్నాయి. ఇక్కడ ఇరుక్కుపోయేది మాత్రం కేవలం పది మంది పార్టీ మారిన ఎమ్మెల్యేలే కీలకం. కాకపోతే మరో ఉపద్రవం ముందు రానున్నది. రాజ్యసభ ఎన్నికల పోలింగ్ మార్చి 16. ఇంకా చాలా సమయం వుంది. కాని ఈ లోపు సుప్రింకోర్టులో పిరాయింపు ఎమ్మెల్యేల తీర్పు ఎలా వచ్చినా వారికి రాజ్యసభ ఎన్నికల రూపంలో ముప్ప్పు కనిపిస్తూనే వుంది. ఇక్కడ ఆసక్తికరమైన విషయమేమిటంటే పిరాయింపు ఎమ్మెల్యేల మీద అనర్హత వేటు పడితేనే కాంగ్రెస్‌కు లాభం. ఏ బుజ్జగింపులతో పని వుండదు. సుప్రింకోర్టు అనర్హత వేటు వేయకుండా మరో వాయిదా ఇచ్చినా కాంగ్రెస్‌కు లాభమే? కాని ఎటు చూసినా పిరాయింపు ఎమ్మెల్యేలకు ముందు నుయ్యి వెనుక గొయ్యి కావడం మాత్రం ఖాయం. ఇప్ప్పుడు అసలైన రాజకీయం మొందలౌతుంది. రాజ్యసభ ఎన్నికల్లో బిఆరఎస్ గెలవకపోయినా ఒక అభ్యర్దిని నిలబెడితే మాత్రం పది మంది పార్టీ మారిన ఎమ్మెల్యేల పరిస్దితి ఆగమ్య గోచరమే? ఎన్నికలకు దూరంగా వుండేందుకు బిఆరఎస్ నిర్ణయం తీసుకుంటే అది పరోక్షంగా కాంగ్రెస్‌కు మేలు జరుగుతుంది. అప్ప్పుడు కాంగ్రెస్, బిఆరఎస్ చేస్తున్న రాజకీయాలపై బిజేపికి అస్త్రం దొరుకుతుంది. బిఆరఎస్, కాంగ్రెస్ ఆడుతున్న నాటకాల మూలంగానే రాజకీయ లలాటం జరగుతుందని తేలిపోతుంది. ఏ రకంగా చూసుకున్నా, అన్ని పార్టీలకు పితలాటకమే. ఇలాంటి సందిర్ఘ పరిస్ధితి గతంలో ఎప్ప్పుడూ లేదు. ఇక్కడ కాంగ్రెస్, బిఆరఎస్‌లు ఏ నిర్ణయం తీసుకున్నా ఇబ్బందే…ఏ నిర్ణయం తీసుకోకపోయినా ఇబ్బందే? ఇది విచిత్రమైన రాజకీయ వాతావరణాన్ని తెచ్చిపెడుతుంది. రాష్ట్ర రాజకీయాలను ఒక్కసారిగా మార్చే అవకాశం వుంది. గతంలో ఎమ్మెల్సీ ఎన్నికల్లో బిఆరఎస్ పోటీ చేయనప్ప్పుడు, బిజేపికి సపోర్టు చేస్తున్నారన్న విమర్శలు ఎదుర్కొన్నది. దేవనపల్లి కవిత చెబుతున్న మాట నిజమౌతుంది. కాంగ్రెస్‌కు సపోర్టు చేసేలా ఎన్నికల బరి నుంచి తప్ప్పుకుంటే కాంగ్రెస్ గెలుపుకు రాజ్యసభలో బిఆరఎస్ సహకరిస్తున్నట్లౌవుతుంది. ఏ రకంగా చూసినా ఇక్కడ బిఆరఎస్ కూడా ఇబ్బందికరమే అవుతుంది. ఇప్ప్పుడు కేసిఆర్ ఎలాంటి నిర్ణయం తీసుకుంటారన్నది ఆసక్తిగా మారింది. కాంగ్రెస్ ఎలాంటి వ్యూహాలు రచించాల్సిన అసవరం లేదు. ఒకటి మాత్రం పక్కా గెల్చుకుంటుంది. పది మంది పార్టీ మారిన ఎమ్మెల్యేలు సహకరిస్తే రెండో సీటు కూడా కైవసం చేసుకుంటుంది. ఇప్ప్పుడు కేసిఆర్ ఏ నిర్ణయం తీసుకుంటారన్నది ఆసక్తిగా మారింది. కాకపోతే పార్టీ మారిన పది మంది ఎమ్మెల్యేలు పదవీ త్యాగానికి సిద్దపడాలి. ఏ రకంగా చూసిన వారికి ముందు ముప్పు వున్నట్లే లెక్క. పదవి పోవడం ఖాయంగానే పక్కా!! ఏది జరిగితే అది జరుగుతుందని ఆ పది మంది ఓటు వేస్తారా? అనర్హత వేటు పడినా సరే అని దైర్యం చేస్తారా? సిఎం. రేవంత్‌రెడ్డిని నమ్ముతారా? ఈ విషయంలో సిఎం. రేవంత్‌రెడ్డే కాదు, బ్రహ్మదేవుడు కూడా పిరాయింపు ఎమ్మెల్యేలను ఎవరూ కాపాడలేరు. బిఆరఎస్ పార్టీ విప్ దిక్కరిస్తే పది మంది పదవులు పోవడం అనేది ఖాయం. అప్ప్పుడు మళ్లీ ఉప ఎన్నికలకు వెళ్లే ధైర్యం చేస్తారా? పదవులు పోయిన తర్వాత కాంగ్రెస్ పార్టీ మళ్లీ టికెట్ ఇస్తుందన్న నమ్మకం లేదు. అలాగని అందులోనూ కొంత మంది ఎమ్మెల్యేలు కాంగ్రెస్‌కు ఓటేస్తారన్న నమ్మకం కూడా లేదు. పటాన్‌చెరు ఎమ్మెల్యే గూడెం మహిపాల్ రెడ్డి ఎట్టిపరిస్దితుల్లోనూ కాంగ్రెస్ పార్టీకి ఓటు వేసే అవకాశం లేదు. ఇటీవల జరిగిన మున్సిపల్ ఎన్నికల్లో బిఆరఎస్ అభ్యర్ధులను గెలిపించారు. ఆయన విప్‌ను అనుసరిస్తే ఆయన పదవి పోదు. కాకపోతే ఇప్పట్లో బిఆరఎస్ చేరదీయదు. కాని ఎమ్మెల్యే పదవి మాత్రం కాపాడుకున్నట్లౌవుంది. అలా పార్టీన వారిలో ఓ నలుగురు విప్‌కు అనుగుణంగా వెళ్లినా కాంగ్రెస్ రెండు సీట్లు గెలిచే అవకాశం మళ్లీ మొదటికి వస్తుంది. అంతెందుకు ఎమ్మెల్యే పదవులు కాపాడుకోవాలంటే విప్‌ను అనుసరించాలి. కాంగ్రెస్‌కు ఓటు వేయకుండా వుండాలి. అప్ప్పుడు ఎమ్మెల్యే పదవులు పోవు. కాని కాంగ్రెస్‌కు దూరమౌతారు. అటు, ఇటు ఎటు కాకుండా పోతారు. రాజ్యసభ ఎన్నికల్లో కాంగ్రెస్‌కు ఓటు వేయకుండా బిఆరఎస్ విప్‌ను అనుసరిస్తే మరు నాటి నుంచే కాంగ్రెస్ నాయకులు, కార్యకర్తలు వారిని దూరం పెడతారు. పార్టీ కార్యక్రమాలను హజరు కానివ్వరు. ఒక రకంగా చెప్పాలంటే పార్టీ నాయకులే ఆ ఎమ్మెల్యేలను తరిమి కొడతారు. ఇప్పటికే జగిత్యాల, పటాన్ చెరువు నియోజకవర్గాలలో చూస్తూనే వున్నాయి. అది పది మందిఎమ్మెల్యేలు ఎదుర్కొవాల్సి వుంటుంది. సహజంగా అదికార పార్టీకి సంఖ్యాబలం పూర్తిగా వుంటేనే ఏకగ్రీవం అవుతారు. లేకుంటే ఎన్నికలు జరుగుతాయి. ఇక్కడ కాంగ్రెస్ పార్టీకి రెండు రాజ్యసభ సీట్లకు అవసరమైన సంఖ్యా బలం లేదు. సిఎం. రేవంత్ రెడ్డి రెండు సీట్లకు అభ్యర్దులను నిలబెడతామంటున్నారు. ఏకగ్రీవంగా ఎన్నికయ్యే సీటుకు కాంగ్రెస్ అదిష్టానం సూచించిన అభిషేక్ సింగ్వీ పేరు ఖరారైనట్లు వార్తలు వస్తున్నాయి. రెండో దానికి కాంగ్రెస్ పార్టీ తరుపున ఉప రాష్ట్ర పదవికి పోటీ చేసిన జస్టిస్. సుదర్శన్‌రెడ్డిని ఎంపిక చేస్తారని అంటున్నారు. గతంలో ఉప రాష్ట్రపతిగా పోటీ చేసినప్ప్పుడే సంఖ్యాబలం లేకున్నా నిలుచున్నారు. ఇప్ప్పుడు కూడా అదే పరిస్ధితి వుంది. అయినా ఆయన దైర్యం చేస్తారా? అన్నది కూడా ముఖ్యమైపోయింది. అనవసరంగా ప్రతిష్టకు కాంగ్రెస్ పోతుందా? అనే చర్చ కూడా పార్టీలో జరుగుతోంది. ఒక్క రాజ్యసభ సీటు కోసం పది మంది ఎమ్మెల్యేల పదవిని బలి చేస్తారా? అని కూడా అనుకుంటున్నారు. ఎలాగూ సుప్రింకోర్టు వేటు వేసే అవకాశాలు కనిపిస్తున్నప్ప్పుడు విప్ దిక్కరించి ఓటు వేయడం మేలనుకుంటున్నారా? అది కాంగ్రెస్ నిర్ణయమా? లేక పార్టీ మారిన పది మంది ఒప్ప్పుకుంటారా? ఇలా రకరకాల చిక్కు ముడులు వున్నాయి. ఇప్ప్పుడు బిఆరఎస్ విప్‌ను అసుసరించినా మళ్లీ బిఆరఎస్ తీసుకునే అవకాశం లేదు. అందులోకి వెళ్లేందుకు దారి లేదు. కేసిఆర్ క్షమిస్తారన్న నమ్మకం లేదు. ఎటు చూసినా గందరగోళమే కనిపిస్తోంది. ఒక వేళ బిజేపి విప్ జారీ చేయకపోతే పరిస్దితి ఎలా వుంటుందో అనే చర్చ కూడా సాగుతోంది. కేంద్రంలో అదికారంలో వున్న బిజేపి విప్ జారీ చేయకపోయినా, గౌర్హాజరైనా సరే ఎంతో కొంత కాంగ్రెస్‌కు మేలు చేసినట్లే…అవుతుంది. ఇలాంటి చిత్రమైన రాజకీయం ఎప్ప్పుడూ రాలేదు.

· ఓటర్ల ఆలోచనా తీరులో వస్తున్న పరిణితి

· ఏ స్థాయి ఎన్నికలకు ఆ స్థాయి సమస్యలకు ప్రాధాన్యత

· బోడిగుండుకు మోకాలకు లంకెపెట్టడం కుదరదు

· లీగల్ కేసులు, ఈడీ దాడుల వల్ల పాలనపై దష్టిపెట్టలేకపోతున్న ప్రభుత్వం

· “టీ4సి” అని ప్రభుత్వానికి బండి సంజయ్ పెట్టిన ముద్దుపేరు

· థర్మల్ టెండర్లలో అవినీతిపై హరీష్‌రావు ఆరోపణలు

· అవినీతిపై క్రూసేడర్లమంటూ రేవంత్ ప్రతిదాడి

· మున్సిపల్ ఎన్నికల్లో అవినీతిపై విపక్షాల ప్రచారం “పాక్షిక” సక్సెస్

· 2029 జమిలి ఎన్నికలు జరిగితే బీఆరఎస్‌కు నష్టం

· అప్పుడు బీజేపీ, కాంగ్రెస్‌లకు పెరగనున్న ప్రాధాన్యం

హైదరాబాద్, నేటిధాత్రి:

గత కొన్ని సంవత్సరాలుగా ఎన్నికల్లో ఓటింగ్ సరళిని పరిశీలిస్తే, స్థానిక, అసెంబ్లీ, లోక్‌సభ స్థాయిల్లో వోటర్ల ఆలోచనా పద్ధతి జరిగే ఎన్నికలను బట్టి మారుతోందన్నది స్పష్టమవుతోంది. నిజంగా ఇది ఓటర్లలో సానుకూల చైతన్యానికి చిహ్నం. “సైద్ధాంతికత” స్థానాన్ని “పనితీరు” ఆక్రమించిన నేపథ్యంలో ఇప్పుడు పార్టీలు తమ “పనితీరు”నే సిద్ధాంతంగా మార్చుకోవాల్సిన పరిస్థితి ఏ ర్పడింది. ఇందుకు బీజేపీకి పడిన ఓట్లే ఉదాహరణ. గత లోక్‌సభ ఎన్నికల్లో పార్టీకి 35% ఓట్లుపోలవగా, ఈసారి మున్సిపల్ ఎన్నికల్లో 15% మాత్రమే రావడం, ఈ పార్టీని జాతీయస్థాయి సమస్యలకు పరిష్కారంగా వోటర్లు పరిగణిస్తున్నారని అర్థమవుతోంది. ఈ కారణంగానే రాష్ట్రంలో అధికారంలో వున్న పార్టీకి స్థానిక ఎన్నికల్లో ఓటర్లు ప్రాధాన్యతనిస్తున్నారనుకోవాలి. ఇక బీఆరఎస్ విషయానికి వస్తే ఓట్ల కోసం ఇక ఎంతోకాలం తెలంగాణ సెంటిమెంట్‌ను ప్రయోగించడం వల్ల ఎటువంటి ప్రయోజనం వుండదని తేలిపోయింది. అధికారంలో వున్న పార్టీ మాత్రమే స్థానిక సమస్యలను సత్వరం పరిష్కరించగలుగుతుందన్న విశ్వాసం కూడా ఓటర్లు అధికార పార్టీ వైపునకు మళ్లడానికి మరో కారణం. గత మున్సిపల్ ఎన్నికల్లో బీఆరఎస్ ఎన్నికల్లో అప్రతిహత విజయాన్ని నమోదు చేసిన బీఆరఎస్ ఈసారి ఓటమి పాలవడానికి ప్రధాన కారణమేంటంటే, అధి కారంలో ఉన్న కాంగ్రెస్ వల్లనే సమస్యలు తీరతాయన్న విశ్వాసం. ఇక్కడ వోటర్లలో వున్నది పార్టీ సెంటిమెంట్ కాదు, తమ సమస్యలకు సత్వర పరిష్కారం ఎట్లా లభిస్తుందన్న దానిపై ఏర్పడిన నమ్మకం! ఇవ్వాళ బీఆరఎస్ లేదా బీజేపీ అధికారంలో వున్నా తప్పకుండా ఆ పార్టీలకే ఓటర్లు పట్టం కట్టేవారన్నది తధ్యం. దీన్ని పార్టీలు గుర్తెరిగి, ఏ స్థాయి ఎన్నికలకు అనుగుణంగా తమ వ్యూహాలను, పనితీరు ప్రదర్శనను ప్రజలకు వివరించాలి. లేకపోతే అంతే సంగతులు! ఇదే సమ యంలో తెలంగాణ ఓటర్లలో మరో మార్పును కూడా గమనించాలి. కేవలం కాంగ్రెస్, బీఆరఎస్‌లపైనే ఆధారపడకుండా మూడో పార్టీకి కూడా పోటీలో స్థానం కల్పించడం వీరి అద్భుత పరిణితికి నిదర్శనం. అదే బీజేపీ! ఇప్పటికి స్థానిక ఎన్నికల్లో పూర్తిస్థాయి బలాన్ని ప్రదర్శించలేకపోయినా, స్థిరమైన అభివద్ధిని నమోదు చేయడం, వోటర్లు కాషాయపార్టీని కూడా పోటీలోకి దించుతున్నా రనుకోవాలి. ఈ పరిణితి ఆంధ్ర ఓటర్లలో ఇంకా కనిపించడంలేదు! అందువల్ల వారి రాజకీయాలు కేవలం టీడీపీ, వైసీపీలకు మాత్రమే పరిమితమవుతోంది. ఈ ట్రెండ్‌నుంచి బయటపడితేఆంధ్రప్రజలు తమకు అవసరమైన రీతిలో పనిచేసేలా పార్టీలను శాసించగలుగుతారు.
ఫిబ్రవరిలో జరిగిన మున్సిపల్ ఎన్నికల్లో బీఆరఎస్ చాలా స్థానాల్లో తిరిగి బలం పుంజుకోవడం గమనార్హం. కాంగ్రెస్ ప్రధానంగా ఆరుగ్యారంటీల అమలుపై ఆధారపడి ఎన్నికల్లో పోటీపడగా, వీటి అమలు వైఫల్యాలను చూపుతూ బీఆరఎస్ కాంగ్రెస్‌ను ఎదుర్కొంది. ఫలితంగా పట్టణ ప్రాంత మున్సిపల్ ఎన్నికల్లో బీఆరఎస్ 29% వరకు ఓట్లను పొందగలిగిందంటే కాంగ్రెస్ అమలు చే స్తున్న సంక్షేమ పథకాల పట్ల ఇంకా పూర్తి విశ్వాసం కలగడంలేదనే అర్థం. ఈ కారణంగానే చాలా మున్సిపాలిటీల్లో బీఆరఎస్ ప్రధాన ప్రతిపక్షంగా నిలిచింది. ఇదే సమయంలో ఇక్కడ మరో కీలక పరిణామాన్ని కూడా గమనించాలి. ఆశ్చర్యకరంగా ఇప్పటివరకు బీఆరఎస్‌కు పెట్టని కోట లుగా పరిగణించే కరీంనగర్, నిజామాబాద్‌ల్లో బీజేపీ ప్రవేశించడం! ఇదేమాదిరిగా ప్రభుత్వ వ్యతిరేక ఓట్లను చాపకింద నీరులా బీజేపీ తన ఖాతాలో వేసుకుంటూ వెళితే అది బీఆరఎస్ ఆమేరకు క్రమంగా నష్టపోవడం ఖాయం. 2023 అసెంబ్లీ ఎన్నికల్లో ఓటమి తర్వాత ముఖ్యమైన నా యకులు కాంగ్రెలో చేరిపోవడం బీఆరఎస్‌కు తీరని నష్టం కలిగించింది. ఇక పార్టీ నాయకుడు కేటీఆర్‌కు పట్టణ ప్రాంతాల్లో మంచి పలుకుబడి, అభిమానం వుంది. కాకపోతే గ్రామీణ ప్రాంతా ల ప్రజల్లో కేసీఆర్ పట్ల లోతైన భావోద్వేగపరమైన అనుసంధానత ఇప్పటికీ వుంది. అయితే కేటీఆర్ దీన్ని నిలుపుకోవడంలో ఇంకా ఎంతో కషిచేయాలి. కాంగ్రెస్ అధికారంలోకి రావడానికి ప్రధాన కారణం కొత్త సంక్షేమ పథకాలతో ప్రజలను ఆకట్టుకున్న కేసీఆర్ స్థానాన్ని, ఆరు గ్యా రంటీల వంటి ఇతర సంక్షేమ పథకాలతో కాంగ్రెస్ ఆక్రమించడమే!
గ్రామీణ ప్రాంతాల్లో కేసీఆర్ సుస్థిరంగా నెలకొల్పిన భావోద్వేగపరమైన సంబంధాన్ని పార్టీ నిల బెట్టుకోలేకపోతే 2028 అసెంబ్లీ ఎన్నికల నాటికి పార్టీ పట్టణ ప్రాంతాలకే పరిమితమై కేవలం అర్బన్ పార్టీగానే మిగిలిపోయే అవకాశాలున్నాయి. సాధారణంగా అధికారంలోకి వచ్చిన తర్వాత మూడు నాలుగేళ్ల తర్వాత ప్రభుత్వంలోని పార్టీపై ప్రజల్లో వ్యతిరేకత మొదలవుతుంది. ఇప్పుడు కాంగ్రెస్ కూడా అందుకు అతీతమేం కాదు. అందువల్ల 2027 వరకు కేటీఆర్, హరీష్‌రావులు రాష్ట్రంలో పార్టీ పలుకుబడి పడిపోకుండా కాపాడుకోగలగాలి. ఇందుకు ప్రజల్లో ప్రభుత్వం పట్ల పెరిగే వ్యతిరేకతను తమకు అనుకూలంగా మలచుకునే రీతిలో గట్టి వ్యూహాలను అమలు చే యాలి. ఒకవేళ 2029లో జమిలి ఎన్నికలు ప్రకటిస్తే జాతీయ పార్టీలైన బీజేపీ, కాంగ్రెస్‌లను ఎదుర్కొనడం బీఆరఎస్‌కు కష్టమవుతుంది. ప్రాంతీయ పార్టీలతో పోలిస్తే జాతీయ పార్టీల వనరు లు మరింత బలంగా వుండటమే ఇందుకు కారణం. మొత్తంమీద చెప్పాలంటే బీఆరఎస్‌కు సం స్థాగతమైన క్షేత్రస్థాయి బలం బాగా వుంది. కానీ తిరిగి అధికారంలోకి రావడమనేది అనేక కారకాలపై ఆధారపడివుంటుందనేది సుస్పష్టం.
కాంగ్రెస్‌పై అవినీతి ఆరోపణలు బాగా వస్తున్నాయి. ముఖ్యంగా బీజేపీ నాయకుడు, కేంద్రమంత్రిబండి సంజయ్ కాంగ్రెస్‌ను ఇప్పటికే “టీ4సీ” అని పిలుస్తున్నారు. అంటే “తెలంగాణ కరప్షన్, కలెక్షన్, కమిషన్ కాంగ్రెస” అని ఆయన పెట్టిన ముద్దుపేరు! ముఖ్యంగా కొందరు మంత్రులు, ఐఏఎస్ ఆఫీసర్లు కుమ్మక్కయి యదేచ్ఛగా అవినీతికి పాల్పడుతున్నారన్నది ఆయన చేస్తున్న ప్రధాన ఆరోపణ. థర్మల్ విద్యుత్ కేంద్రం టెండర్లలో రూ.50వేల కోట్ల అవినీతి జరిగిందని హరీష్‌రావు ఆరోపిస్తున్నారు. ఈ మొత్తంలో 30% నుంచి 40% వరకు కమిషన్ల రూపంలో మింగేశార న్నది ఆయన చేస్తున్న ప్రధాన ఆరోపణ. ఇక రాష్ట్ర వ్యాప్తంగా ఏడు మున్సిపల్ కార్పొరేషన్లలో రూ.250కోట్ల మేర అవినీతి జరిగిందని బీజేపీ ఏకంగా గత మున్సిపల్ ఎన్నికల సందర్భంగా ఛార్జ్‌షీట్ విడుదల చేసింది. నేషనల్ హెరాల్డ్ కేసును ఎదుర్కొనేందుకు పార్టీకి అసరమైన నిధులను రేవంత్‌రెడ్డి సమకూర్చి ఇందుకు ప్రతిగా రాజకీయ పదవుల విషయంలో తన ఆధిపత్యం కొనసాగేగా చూసుకున్నారని బీఆరఎస్ ఆరోపిస్తోంది. అయితే బీజేపీ లేదా బీఆరఎస్‌లు చేస్తున్న ఈ అవినీతి ఆరోపణలను పట్టణ స్థానిక ఎన్నికల్లో ప్రజలు పూర్తిగా పట్టించుకోలేదనే చెప్పాలి. ఒకవేళ పూర్తిగా పట్టించుకున్నట్లయితే కాంగ్రెస్‌కు 1537 వార్డులు వచ్చివుండేవి కావు. ఒకవేళ అసలు పట్టించుకోకపోతే ఇంకా మరిన్ని స్థానాలను కైవసం చేసుకొని వుండేది. కేవలం 50% కంటే కొద్దిగా మాత్రమే గెలిచిందంటే విపక్షాల ప్రచారం, ప్రజల్లో కొంతమేర ప్రభావం చూపిందనేగా అర్థం! ఇదే సమయంలో ముఖ్యమంత్రి రేవంత్ రెడ్డి బీఆరఎస్ సమయంలో జరిగిన అవినీతిని ముఖ్యంగా కాళేశ్వరం ప్రాజెక్టులపై విమర్శల దాడులకు దిగారు. అంతేకాదు తమ ప్రభుత్వా న్ని “అవినితీపై పోరాటం చేస్తున్న క్రూసేడర”గా ప్రజల్లో ముద్ర వేసేందుకు ప్రయత్నించారు.
గ్రామీణ ప్రాంత ఓటర్లు సంక్షేమ పథకాల అమలుపై, పట్టణ ఓటర్లు రాజకీయ అవినీతి, కమిషన్లపై ప్రధానంగా దష్టిపెడతారు. బీజేపీ ఈ రెండు అంశాలను బాగా కనెక్ట్‌చేసి ప్రజల్లోకి తీసుకెళ్ల గలిగితే దీని ప్రభావం రాబోయే జీహెచఎంసీ ఎన్నికలపై అదేవిధంగా 2029 జమిలి ఎన్నికలపై తప్పకుండా వుండి తీరుతుంది.
తెలంగాణ ఆదాయం జాతీయ కాంగ్రెస్‌కు “ఏటీఎం” మాదిరిగా ఉపయోగపడుతున్ననదని విప క్షాలు ఆరోపిస్తున్నాయి. ఈ నిధులను అభివద్ధి పనులకు ఉపయోగిస్తే రాష్ట్ర పరిస్థితి మరో స్థా యిలో వుండేదని అవి స్పష్టం చేస్తున్నాయి. ఇందుకు రాష్ట్రంలో పడకేసిన మౌలిక సదుపాయాల కల్పనను ఉదాహరణగా చూపుతున్నాయి. పునరుద్ధానం కోసం యత్నిస్తున్న బీఆరఎస్ ఈ అవి నీతిని “తెలంగాణ ఆత్మగౌరవానికి” ముడిపెట్టి బలంగా ముందుకు సాగితే ఫలితం వుండవచ్చు. ప్రస్తుతం రాష్ట్ర ప్రభుత్వం విచారణలు, లీగల్ కేసులపై (నేషనల్ హెరాల్డ్ కేసు, ఈడీ దాడులు) ప్రభుత్వం అనివార్యంగా దష్టిపెట్టడంవల్ల పరిపాలన దెబ్బతింటోంది. పాలనాపరమైన ఈ అంతరాన్ని 2028 అసెంబ్లీ ఎన్నికల నాటికి విపక్షాలు ప్రజల్లో బాగా నాటగలిగితే, ప్రభుత్వ వ్యతిరేక తకు ఇది కూడా తోడవడం లాభిస్తుంది.
ఏతావాతా చెప్పొచ్చేదేమంటే రేవంత్ దూకుడును అడ్డుకోవడానికి విపక్షాలు అందుకు దీటైన ప్రణాళికలు వేస్తూ ముందుకెళ్లడం తప్ప మరోమార్గంలేదు. దీన్ని ఎంతమేర రాబోయే ఎన్నికల నాటికి విపక్షాలు అందిపుచ్చుకోగలుగుతాయన్నది వేచిచూడాలి.