NETIDHATHRI

పెరిగిన ఎన్డీఏ ఓట్ల శాతం

గ్రామీణ ప్రాంతాల్లోకి చొచ్చుకెళ్లిన బీజేపీ

ప్రత్యక్ష పోటీలో కాంగ్రెస్‌ అభ్యర్థులను ఓడిరచిన బీజేపీ నేతలు

ముఖ్యమంత్రి హిమంత్‌ బిశ్వ శర్మపై ప్రజల్లో సడలని విశ్వాసం

సంస్థాగత లోపాలతో కునారిల్లుతున్న కాంగ్రెస్‌

డెస్క్‌ ,నేటిధాత్రి: 

అస్సాంలో ఇటీవల జరిగిన పంచాయతీ ఎన్నికల్లో భారతీయ జనతాపార్టీ నేతృత్వంలోని ఎన్‌డీఏకూటమి అప్రతిహత విజయాన్ని నమోదు చేసింది. దీంతో రాష్ట్రంలో తన రాజకీయ ఆధిపత్యాని కి తిరుగులేదని నిరూపించింది. రాష్ట్రంలోని మొత్తం 376 జిల్లాపరిషత్‌ స్థానాల్లో 301 గెలుచు కున్న ఎన్‌డీఏ కూటమి తన ఆధిపత్యాన్ని నిరూపించింది. వీటిల్లో కూటమికి 76శాతం ఓట్లు లభించడం విశేషం. ఈ అప్రతిహత విజయం ప్రజల్లో ఎన్డీఏ ప్రభుత్వ పాలనపై పెరిగిన విశ్వాసానికి నిదర్శనంగా నిలిచింది. ఇక రాష్ట్రంలోని అంచలోక్‌ పంచాయతీ (ప్రాతినిధ్య పంచాయతీ ఎన్నికలు)ఎన్నిల్లో మొత్తం 2192 సీట్లలో 1445 సీట్లు సాధించి ఎన్డీఏ కూటమి తనకు తిరుగు లేదని నిరూపించింది. ఈ స్థానిక సంస్థల ఎన్నికల్లో 66శాతం ఓట్లు సాధించడంతో తనకు గ్రామీణ ప్రాంతాల్లో కూడా తిరుగులేదన్న సత్యాన్ని వెల్లడిరచింది. 2018లో కూటమి సాధించిన ఓట్లకంటే ఇప్పుడు మరిన్ని ఓట్లు సంపాదించడం గమనార్హం. ఇదే సమయంలో గత ఎన్నికల్లో పోలయిన ఓట్లశాతంతో పోలిస్తే 25% వృద్ధి నమోదు చేయడం కూటమికి అస్సాంలో తిరుగులేద న్న సత్యం రుజువైంది. విచిత్రమేమంటే లోక్‌సభ ఎన్నికలు జరిగిన 2024 సంవత్సరానికి సరిగ్గా ఏడాది తర్వాత, 2026లో జరుగనున్న అసెంబ్లీ ఎన్నికలకు ఏడాది ముందు ఈ ఎన్నికలు జరగ డం విశేషం. ఇక కాంగ్రెస్‌ పార్టీ జిల్లాపరిషత్‌ (జెడ్‌పీఎం)లో 72 స్థానాలు, అంచలోక్‌ పంచాయతీలో (ఏపీఎం)లో 481 స్థానాల్లో విజయం సాధించింది. అదేవిధంగా ఏఐయుడీఎఫ్‌ 8 జెడ్‌పీ ఎం స్థానాలను, ఏపీఎంలో 64 స్థానాలకు పరిమితమైంది. ఇక అఖిల్‌ గొగోయ్‌ నేతృత్వంలోని రాయ్‌జోర్‌ దళ్‌ మూడు జెడ్‌పీఎం మరియు 17 ఏపీఎం సీట్లను గెలుచుకుంది. అస్సాంలో పంచాయతీ ఎన్నికలు మే 2, 7 తేదీల్లో జరగ్గా 11వ తేదీన కౌంటింగ్‌ ప్రారంభమై 14వ తేదీన ఎన్నికల ఫలితాలు వెల్లడయ్యాయి. అస్సాంలో మొత్తం 14 మిలియన్లమంది ఓటర్లుండగా 74శా తం ఓటింగ్‌ నమోదైంది. 

అస్సాం పంచాయతీ చట్టరా1994 ప్రకారం రాష్ట్రంలో మూడంచెల పంచాయతీ వ్యవస్థ ఏర్పడిరది. అయితే 2023లో తీసుకొచ్చిన పంచాయతీరాజ్‌ సవరణ చట్టం అభ్యర్థులకు రాజకీయ గుర్తుల కేటాయింపునకు అనుమతించింది. అయితే గోవన్‌ పంచాయతీ ఎన్నికల్లో పోటీచేసే అభ్యర్థు లకు పార్టీ గుర్తులు కేటాయించలేదు. నిజానికి రాష్ట్రంలో పంచాయతీ ఎన్నికలు 2023లోనే జరగాల్సి వుంది. శ్రీభూమి జిల్లాలో డీలిమిటేషన్‌ ప్రక్రియపై హైకోర్టు ఇచ్చిన తీర్పు, హయ్యర్‌ సెకండరీ పరీక్షలు ఫిబ్రవరి/మార్చిలో నిర్వహించాల్సి రావడంతో, ఈ ఎన్నికలను మే నెలలో నిర్వ హించారు. 

ఈ ఎన్నికల్లో అన్ని రాజకీయ పార్టీలు ప్రధానంగా ఆసక్తి ప్రదర్శించిన నియోజకవర్గం జోర్హాట్‌. ఎందుకంటే 2024 లోక్‌సభ ఎన్నికల్లో జోర్హాట్‌ నియోజకవర్గంలో కాంగ్రెస్‌ విజయం సాధించింది. హిందువులు అత్యధికంగా వుండే ఈ నియోజకవర్గంలో కాంగ్రెస్‌ గెలుపు విపక్షాల్లో ఆశలు పెంచింది. ముఖ్యంగా పంచాయతీ ఎన్నికల్లో అత్యధిక శాతం సీట్లు సాధించవచ్చునని కాంగ్రెస్‌ ఎంతో నమ్మకంతో వుంది. కానీ పార్టీ ఆశలను వమ్ము చేస్తూ కేవలం మూడు అంచలోక్‌ సీట్లు మాత్రమే గెలుచుకోగా, బీజేపీ ఏకంగా 73 స్థానాలను తన ఖాతాలో వేసుకుంది. గత లోక్‌సభ ఎన్నికల్లో సాధించిన విజయంతో గౌరవ్‌ గొగోయ్‌ (కాంగ్రెస్‌), అఖిల్‌ గొగోయ్‌ (రాజోరీదళ్‌), లూరింజ్యోతి గొగోయ్‌ (అస్సాం జాతీయ పరిషత్‌)లు ముగ్గురు ఏకమై ఈ సారి పంచాయతీ ఎ న్నికల్లో ప్రచారం నిర్వహించారు. విశేషమేంటంటే ఈ ముగ్గురిని పరిశీలకులు ‘‘ముగ్గురు గొగోయ్‌ల కూటమి’’ అంటూ వ్యవహరిస్తుంటారు. వీరిలో గౌరవ్‌ గొగోయ్‌ ప్రధాన స్రవంతికి చెందిన రాజకీయవేత్త కాగా, అఖిల్‌ గొగోయ్‌కి రైతు ఉద్యమాలు నిర్వహించినవాడిగా మంచి పేరుంది. ఇక లూరింజ్యోతి గొగోయ్‌ అస్సామీ మరియు అహోం భాషోద్యమాలు నిర్వహించిన చరిత్ర వుంది. నిజానికి జోర్హాట్‌ నియోజకవర్గంలో బీజేపీకి మంచి పట్టుండేది. కానీ గత లోక్‌సభ ఎన్నికల్లో అస్సామీ, అహోం హిందూ విద్యావంతుల్లో పెరిగిన వ్యతిరేకత బీజేపీ ఓటమికి కారణమైంది. అయితే ఈసారి పంచాయతీ ఎన్నికల్లో తిరిగి బీజేపీ పుంజుకోవడం విశేషం. 

గ్రామీణ ప్రాంతాల్లో జరిగిన అంత్యలోక్‌ పంచాయతీ ఎన్నికల్లో ఎన్డీఏ కూటమి ఓట్లశాతం, సీట్ల సంఖ్య గణనీయంగా పెరగడం గమనార్హం. 2018లో 55శాతం ఓట్లు సాధించిన ఎన్డీఏ, ఇప్పుడు ఏకంగా 75శాతం ఓట్లు సాధించింది. ఇదే కాంగ్రెస్‌కు గతంలో 35% ఓటు షేర్‌ వుండగా ఇప్పుడది 18%కు కుంచించుకుపోయింది. ఎగువ ఆస్సాం ప్రాంతంలో కూడా బీజేపీ తన ఆధిపత్యాన్ని కొనసాగించింది. అయితే కేవలం ఎగువ అస్సాం మాత్రమే కాదు, మొత్తం అస్సాంలో కాంగ్రెస్‌తో ప్రత్యక్షంగా పోటీపడిన దాదాపు ప్రతిచోట బీజేపీ విజయం నమోదు చేసింది. అయితే బార్పేట, దరాంగ్‌, ధుబ్రి, హోజాయ్‌ నియోజకవర్గాల్లో మైనారీటీల ఓటర్లు అధికం. ఇక్కడ కాంగ్రెస్‌ గెలుపు సాధించింది. 

మొత్తంమీద చెప్పాలంటే ప్రభుత్వం అమలు చేస్తున్న ‘ఓరునోదయ్‌’ నగదు బదిలీ పథకం, ప్రభుత్వానికి అనుకూల ఫలితాలనిచ్చిందనే చెప్పాలి. అదేవిధంగా రాష్ట్రంలో లక్ష ఉద్యోగాల కల్పన కోసం నిర్వహించిన డ్రైవ్‌ కూడా ప్రభుత్వం పట్ల సానుకూలతను పెంచింది. వీటితో పాటు కొన్ని సాంస్కృతిక అంశాలు కూడా అధికారంలో వున్న ఎన్డీఏ కూటమి ప్రభుత్వానికి సానుకూల వాతావరణం ఏర్పడటానికి కారణమయ్యాయని చెప్పవచ్చు. ముఖ్యంగా ‘రaుమోయ్‌ బినందిని’’ పండుగను తోటపనుల్లో పాల్గనే స్థానిక ప్రజలు ఉత్సాహంగా జరుపుకుంటారు. ఈ పండుగ నిర్వహణలో ప్రభుత్వం పాల్గనడం ద్వారా స్థానిక ప్రజల్లో ఉత్సాహాన్ని నింపింది. అంతేకాదు ముఖ్య మంత్రి హిమంత్‌ బిశ్వ శర్మ అవినీతికి వ్యతిరేకంగా చేపడుతున్న చర్యలు ప్రజలను ఆకట్టుకుం టున్నాయి. 

ప్రస్తుతం జరిగిన ఈ ఎన్నికల్లో సాధించిన విజయం, అధికార ఎన్డీఏ కూటమిలో ఉత్సాహాన్ని నింపుతున్నాయి. ముఖ్యంగా 2026లో రాష్ట్ర అసెంబ్లీకి ఎన్నికలు జరుగనున్నాయి. మొత్తం 104 స్థానాలున్న అసెంబ్లీలో మూడోసారి ముచ్చటగా అధికారంలోకి రావడానికి ఈ ఎన్నికలు మా ర్గం సుగమం చేశాయని కూటమి నేతల్లో ఆనందం వ్యక్తమవుతోంది. ఇదే సమయంలో విపక్ష కాంగ్రెస్‌లో సంస్థాగత లోపాలు స్పష్టంగా కనిపించాయి. వీటిని సరిదిద్దుకొని సరైన నాయకుల నేతృత్వంలో పార్టీని మరింత సమర్థవంతంగా నడపకపోతే రాబోయే ఎన్నికల్లో గెలుపు మాట అట్లా వుంచి ఉనికి కూడా కష్టమయ్యే ప్రమాదం వుంది.

పాక్‌ను తాత్కాలికంగా దెబ్బకొట్టగలిగాం

ఉగ్రవాదం సమసిపోదు

ఈసారి పాక్‌, చైనాలు మరింత జాగ్రత్తపడక మానవు

భవిష్యత్తులో ఆధునిక ఆయుధాలు, సాంకేతికత యుద్ధ ఫలితాలను నిర్ణయించలేవు

ఆపరేషన్‌ సింధూర్‌తో బలూచ్‌ ఉద్యమానికి ఊతం

పాక్‌ను లంగదీయడానికి సింధూజలాలే బ్రహ్మాస్త్రం

క్యాన్సర్‌లా తొలిచేస్తున్న అంతర్గత శత్రువులు

హైదరాబాద్‌,నేటిధాత్రి: 

ఏప్రిల్‌ 22న పహల్గామ్‌ దాడికి ప్రతీకారంగా మనదేశం పాకిస్తాన్‌లోని తొమ్మిది ఉగ్రస్థావరాలనుధ్వసం చేయడమే కాకుండా సుమారు వందమంది ఉగ్రవాదులను హతమార్చింది. ఇదే సమ యంలో పాకిస్తాన్‌కు చెందిన 11 వైమానిక స్థావరాలను ధ్వంసం చేయడమే కాదు, దాని ఆణ్వస్త్ర ప్రాంతాలపై దాడిచేయగలమన్న సంకేతాన్ని స్పష్టంగా అందించింది. మరి ప్రపంచంలోనే అ త్యంత ధూర్త దేశమైన పాకిస్తాన్‌కు ఈశిక్ష సరిపోతుందా? అనేది ప్రధాన ప్రశ్న. ఎందుకంటే విధించే శిక్ష ఎదుటివాడిలో భయం కలగడానికి లేదా ఇకముందు ఎటువంటి దుశ్చర్యలకు పాల్పడకుండా వుండటానికి నిర్దేశించినదై వుంటుంది. కానీ ధూర్త దేశమైన పాకిస్తాన్‌ ఈ చర్యతో గుణపాఠం తెచ్చుకుంటుందని అనుకుంటే అంతకుమించిన అమాయకత్వం మరోటుండదు. ఆపరేషన్‌ సింధూర్‌ వల్ల పాకిస్తాన్‌ తాత్కాలికంగా దెబ్బతినుండవచ్చు, కానీ దాని బుద్ధి మార్చుకునేందటి స్థాయిలో గాయం కలిగించలేదన్నది మాత్రం వాస్తవం. అటువంటప్పుడు ఈ ఆపరేషన్‌ వల్ల మనం సాధించిందేంటి? కలిగిన లాభనష్టాలేంటనే ప్రశలు సహజంగానే ఉదయిస్తాయి. 

ఈ ఆపరేషన్‌ వల్ల అద్భుతమైన మన సాంకేతిక పరిజ్ఞానం, మన ఆయుధసంపత్తి పాటవం, త్రివిధ దళాల సమన్వయ సామర్థ్యం ప్రపంచానికి వెల్లడయ్యాయి. ఇది మనకు కలిగిన మొదటి ప్రయోజనం. పహల్గామ్‌ సంఘటనకు ప్రతీకారంగా భారత్‌ బహుశా బాలాకోట్‌ లేదా అంతకంటే కొంచెం ఎక్కువ స్థాయిలో ప్రతికారదాడులకు పాల్పడవచ్చునని పాకిస్తాన్‌ వ్యూహకర్తలు, సైన్యంఅంచనా వేసివుండవచ్చు. కానీ ఈ స్థాయిలో భారత్‌ దాడిచేస్తుందని వారు కల్లోకూడా ఊహించి వుండకపోవచ్చు. ఒకవేళ ఆవిధంగా అంచనావేసినట్లయితే పాకిస్తాన్‌ తప్పనిసరిగా తగిన జాగ్ర త్తలు తీసుకొని వుండేది. అందుకు చైనా దన్ను ఎలాగూ దానికి వుంది. ఈసారి మనం దాడులుతలపెడితే పాక్‌ స్పందన కచ్చితంగా భిన్నంగా మరింత సామర్థ్యంతో వుండితీరుతుంది. శత్రువు అజాగ్రత్తగా వున్నప్పుడు లేదా అంచనా సరిగ్గా వేయనప్పుడు మనం చేసిన దాడి ఉత్తమ ఫలితాలిచ్చిన మాట వాస్తవం. కానీ ఈసారి పరిస్థితి ఈవిధంగా వుండకపోవచ్చు. అదీకాకుండా ధ్వంసమైనవన్నీ చైనా ఆయుధాలు కనుక, చైనా అహంకారం పూర్తిగా దెబ్బతిన్నది. అంతేకాదు అంతర్జాతీయంగా దాని ఆయుధమార్కెట్‌ కుప్పకూలిపోయే పరిస్థితి ఏర్పడిరది. ఈ నేపథ్యంలో పాకి స్తాన్‌ను మరింత బలోపేతం చేసి భారత్‌ను మరింత దీటుగా ఎదుర్కొనేందుకు అవసరమని భా వించిన తమవద్ద ఉన్న ఉత్తమ ఆయుధాలను దానికి సమకూర్చే అవకాశాలే ఎక్కువ. చేతిలో చిల్లిగవ్వలేని పాకిస్తాన్‌కు ఇదొక అయాచితవరంగా మారకూడదనేంలేదు. ఎందుకంటే ప్రస్తుతం భారత్‌ తన సామర్థ్యం విషయంలో చైనాను కూడా దాటిపోయిందన్న సందేశం ప్రపంచ దేశాల కు వెళ్లింది. ఇదే సమయంలో ఇప్పటివరకు ప్రపంచానికి వెల్లడికాని చైనా ఆయుధ పాటవంలోని డొల్లతనం ప్రస్ఫుటంగా తెలిసిపోయింది. పాకిస్తాన్‌కు ఇప్పటికే ఏవిధమైన పరువు లేదు కనుక ఈ ఓటమితో దానికి పోయిందేమీ లేదు. కానీ చైనా ప్రతిష్ట తీవ్రంగా దెబ్బతిన్నదన్న మాట వాస్తవం. పోయిన ప్రతిష్టను నిలుపుకునేందుకు చైనా అనుక్షణం అవకాశం కోసం ఎదురుచూ స్తుంటుంది. ఇప్పుడు చైనా తన ప్రతిష్ట కాపాడుకోవడం కోసం పాక్‌ను తన ఆయుధ సంపత్తితో మరింత బలోపేతం చేసి భారత్‌ తనకు సరిసమానంగా ప్రపంచం పరిగణించకుండా వుండటానికి ప్రయత్నించి తీరుతుంది. అమెరికాను మించిపోవాలని ప్రయత్నిస్తున్న చైనా, తనకు సవాలు విసిరే స్థాయిలో భారత్‌ను ఎంతమాత్రం చూడలేదు. దాని దౌర్భాగ్యమేంటంటే అమెరికాతో వాణిజ్య యుద్ధం, ఆపరేషన్‌ సింధూర్‌ పుణ్యమాని కుప్పకూలుతున్న డిఫెన్స్‌ మార్కెట్‌, మరోవైపు ప్ర పంచ తయారీ హబ్‌గా ఇప్పటివరకు సుస్థిరంగా కొనసాగిన తన పేరు క్రమంగా దెబ్బతింటుండటం, అంతర్గతంగా కుప్పకూలుతున్న ఆర్థిక వ్యవస్థ వంటివి చైనాను పట్టిపీడిస్తున్నాయి. అందువల్ల భారత్‌తో 1962 నాటి దుస్సాహసం ఇప్పుడు చేయడం సాధ్యంకాదు. కేవలం తన ప్రాక్సీ పాకిస్తాన్‌ ద్వారానే తన లక్ష్యాలు సాధించుకోవాలని చూస్తుంది. ఇక పాకిస్తాన్‌ జనరల్స్‌, ఆర్మీ చీఫ్‌ అసీమ్‌ మునీర్‌ వంటివారు జిహాదీ ఉద్యమం ద్వారానే తమ పదవులను సుస్థిరం చేసుకోవాలని చూస్తారు కనుక వారు ఉగ్రవాద నెగళ్లను ఎగదోస్తారు తప్ప విరమించుకోరు. ఇక జిహాదీ ఉగ్ర వాదులు తమ మనసుల్లో నాటుకుపోయిన ‘‘ఆత్మబలిదానం ద్వారా 72మంది అప్సరసలను చేరుకోవడం’’ అనే ఒక విచిత్ర విశ్వాసం నుంచి బయటకు రాలేరు. దీనివల్ల ఉగ్రవాదం సమసిపో దు. ఉగ్రవాదులు పుట్టుకొస్తూనే వుంటారనేదానికంటే మతఛాందసులు ఇటువంటి ప్రలోభాలతో ఉగ్రవాదుల ఉత్పత్తిని కొనసాగిస్తూనే వుంటారనుకోవడం సమంజసం. 

పరివర్తనశీలమైన ఈ ప్రపంచంలో అనుక్షణం యుద్ధతంత్రం మారిపోతున్నది. రాబోయే యుద్ధా లు భౌతికం కంటే సాంకేతికత, కృత్రిమమేథ ఆధారంగా జరుగుతాయని ఆపరేషన్‌ సింధూర్‌ చెప్పకనే చెప్పింది. రాబోయేకాలంలో ఎఫ్‌`16, ఎఫ్‌`35, ఎస్‌యు`57, సుఖోయ్‌, రాఫెల్‌ వంటి యుద్ధవిమానాల వల్ల పెద్దగా ప్రయోజనం వుండకపోవచ్చు. ఎందుకంటే యుద్ధరీతి డ్రోన్‌ల వినియోగంవైపు మళ్లింది. అజర్‌బైజాన్‌`అర్మీనియా యుద్ధం డ్రోన్ల ప్రాధాన్యతను తెలియజేస్తే, ఆపరేషన్‌ సింధూర్‌ డ్రోన్‌లను నిలువరించే రక్షణ సాంకేతికత ఆవశ్యకతను ప్రపంచానికి వెల్లడిరచింది. ఇంతగా సాంకేతికత మారిపోతున్నప్పటికీ, సంప్రదాయికంగా వస్తున్న జిహాదీ ఉగ్రవాదంలో కూడా ఇవేరకమైన సాంకేతిక పరిజ్ఞానాలు ఉపయోగించే కాలం రాకమానదు. అంటే సాంకేతిక ప్రగతి అనేది ఒక నిరంతర ప్రక్రియ. దానికి అంతుండదు!

ఇప్పటికి ఆపరేషన్‌ సింధూర్‌లో ఉపయోగించిన సాంకేతిక పరిజ్ఞానం, సమన్వయం విలువ ప్ర పంచానికి వెల్లడైంది కనుక ఈ రెండు అంశాల్లో రాబోయేకాలంలో మరిన్ని కొత్త ఆవిష్కరణలు జరగవచ్చు. అందువల్ల భారత్‌ రాబోయేకాలంలో సరికొత్త వ్యూహాత్మక పద్ధతులు అనుసరించక తప్పదు. అయితే పాకిస్తాన్‌ను కట్టడిచేయడానికి ఈ సాయుధ పోరాటం లేదా సంఘర్షణ ఎంతమాత్రం పనిచేయవన్నది సుస్పుష్టం. ఈ నేపథ్యంలో భారత్‌ సాంకేతిక అభివృద్ధితో పాటు జిహాదీ ఉగ్రవాదాన్ని ఎదుర్కొనడానికి కొన్ని ‘ఉప`సంప్రదాయిక’ పద్ధతులు అనుసరించక తప్పదు. ప్రస్తుతం మనదేశం వీటిని అనుసరిస్తున్నది కూడా! 2030 నాటికి ప్రపంచంలో మూడో ఆర్థిక వ్యవస్థగా ఎదుగుతుందన్న అంచనాల నేపథ్యంలో భారత్‌ ఈవిధంగా సైనిక సంఘర్షణలకు దిగడంఅభివృద్ధిపరంగా ఆత్మహత్యా సదృశమే అవుతుంది. అదీకాకుండా మనల్ని ఆర్థికంగా దెబ్బకొట్టా లనుకునే పాక్‌, చైనాలకు ఇది వరంలా మారుతుంది కూడా!

ఈ పరిస్థితుల్లో పాకిస్తాన్‌కు నిద్రపట్టకుండా చేయాలంటే, అంతర్గత సంఘర్షణలను చల్లారకుం డా ఎగదోయడమే మార్గం. ఉదాహరణకు ఆపరేషన్‌ సింధూర్‌ వల్ల, బలూచ్‌ విమోచనోద్యమానికి ఎంతో ప్రోత్సాహం లభించింది. పాక్‌ రక్షణ వ్యవస్థలను, వాయుసేన స్థావరాలను ధ్వంసం చేయడంవల్ల దెబ్బతిన్న పాక్‌ సైన్యంపై బలూచ్‌ వీరులు మరింత విరుచుకుపడే అవకాశం లభిం చింది. ప్రస్తుతం ఇది జరుగుతున్నది కూడా. మూలిగే నక్కమీద తాటిపండు పడినట్టు స్వతంత్ర బలూచిస్తాన్‌ను బలూచ్‌ సాయుధులు ప్రకటించడం, పాకిస్తాన్‌కు కోలుకోలేని దెబ్బ. తన సైన్యాన్ని పూర్తి సాయుధ సంపత్తితో బలూచ్‌లపై దాడులకు ఉపయోగించలేని పరిస్థితి. ఇప్పటికే ఆర్థి కంగా దివాలాతీసిన స్థితిలో ఇంతటి ఖర్చును పాక్‌ భరించలేదు. పోనీ చావోరేవో అని బలూచ్‌ల పై సైనిక చర్య తీసుకుంటే, వాయువ్య ప్రాంతంలో తాలిబన్లు కాచుకు కూర్చున్నారు. పీఓకేలో ప్రజల నిరసనలు తీవ్రస్థాయిలో కొనసాగుతున్నాయి. అయితే వీటికి పెద్దగా మీడియా కవరేజీ రావడంలేదు. పంజాబ్‌ రాష్ట్రం తమకు నీళ్లు వదలడంలేదంటూ సింధూ రాష్ట్ర ప్రజలు ఆందోళన చేస్తున్నారు. ఇప్పుడు ఏకంగా సింధూ నదీ జలాలను భారత్‌ ఆపేయడంతో, అసలు మొత్తానికే పాక్‌ విలవిలలాడుతోంది. నీరు వదలక పోతే రక్తం పారుతుందని బీరాలు పలికిన నాయకులు ఇప్పుడు నోరు మెదపడంలేదు. మన జలశక్తి వనరుల శాఖకు పాకిస్తాన్‌ ఒక లేఖరాసింది. నీటి ఎద్దడి తీవ్రంగా వుంది…సిందూ జలాలను దిగువకు వదలమన్నది ఆ లేఖ సారాంశం. పాక్‌ వంటి ధూర్తదేశానికి తక్షణ మరియు శాశ్వత ఇబ్బందిని కలిగించేది సింధూనదీ జలాలు మాత్రమే నన్నది ప్రస్తుతం సుస్పష్టమైంది. భారత ప్రభుత్వం ఈ విషయంలో ఇప్పటివరకు కఠినవైఖరినే అనుసరిస్తోంది.

మరో ముఖ్య విషయమేంటంటే భారత్‌ాపాక్‌ల మధ్య యుద్ధాన్ని ఆపేసింది తానేనని ట్రంప్‌ ప్రచారం చేసుకుంటున్నారు. ఒబామాకు నోబెల్‌ ప్రైజ్‌ వచ్చినట్టుగానే తనకు కూడా శాంతి బహు మతి రావాలన్నది ఆయన ఆకాంక్ష కావచ్చు. అయితే చైనా విషయంలో ట్రంప్‌ అనుసరించినట్టు గా మనం కూడా పూర్తి శత్రుత్వ వైఖరితో వ్యవహరించే పరిస్థితి లేదు. ఇది చైనాకూ వర్తిస్తుంది. ఇప్పటికీ మనదేశంలోని చాలా పరిశ్రమలు ముఖ్యంగా ఔషధరంగానికి కావలసిన ముడిసరుకు చైనానుంచే సరఫరా అవుతుంది. రెండు దేశాల మధ్య వాణిజ్యలోటు చాలా అధికం. డోనాల్డ్‌ ట్రంప్‌ ఈ వాణిజ్యలోటును అధిగమించడానికి టారిఫ్‌ల యుద్ధానికి తెరతీశారు. ఇదేవిధానం నుసరిస్తే అంతకుమించిన మూర్ఖత్వం మరోటుండదు. ఇప్పటికీ వాణిజ్యం విషయంలో చైనాను మనం పక్కన పెట్టలేం. అందువల్ల ఈ లోటును పూడ్చుకోవడానికి ఇతర మార్గాలు ఎన్నుకోవ డం తప్ప ప్రస్తుతానికి మనం చేయగలిగిందేమీ లేదు. ముఖ్యంగా మనం కూడా ప్రపంచ తయారీ హబ్‌గా తయారవాలంటే ఇప్పటికప్పుడు సాధ్యమయ్యేదీ కాదు. అందువల్ల ఔనన్నా కాదన్నా చైనాతో మనకు ‘శత్రుామిత్ర’ మిశ్రమ వైఖరి అనుసరించక తప్పదు.

అన్నింటికన్నా మనదేశానికి అత్యంత ప్రమాదకరంగా మారిన అంశం మరోటుంది. అంతర్గతం గా పనిచేస్తున్న దేశవ్యతిరేకులు మరియు అతిచైతన్య దేశభక్తులతో ఇబ్బంది ఏర్పడుతోంది. ఉగ్రస్థావరాలపై దాడులు జరిపిన తర్వాత, పాక్‌ మనపై యుద్ధానికి ఉపక్రమిస్తే, మనదేశంలో శాంతి కాముకుల లాబీ ఒక్కసారిగా చైతన్యవంతమైంది. యుద్ధంవల్ల అంతా నష్టమే కాబట్టి మనం తక్షణం ఉపసంహరించుకోవాలంటూ ఈ శాంతికాముక లాబీ సుద్దులు చెప్పడం మొదలుపెట్టింది. అంతేకాదు ఉగ్రస్థావరాలను ధ్వంసంచేసి భారత్‌ తన సామర్థ్యాన్ని ప్రపంచానికి వెల్లడిస్తే, ఈ విజయాన్ని కూడా బలహీనపరచే స్థాయిలో వీరి కథనాలు వెలువడటం విచిత్రం. పహల్గాంలో అమాయకుల ప్రాణాలు తీసిన ఉగ్రవాదుల చర్యను మరుగునపడేసి, మనం చేపట్టిన ఆపరేషన్‌ సింధూర్‌ వల్ల తీవ్ర నష్టం వాటిల్లుతుందని, యుద్ధం మంచిదికాదంటూ వీరి ప్రచారం కొనసా గింది. ఇక అతిచైతన్య దేశభక్తులు సాధ్యాసాధ్యాలు ఆలోచించకుండా పీఓకేను ఆక్రమించాల్సింది ప్రభుత్వం ఈ అవకాశాన్ని చేజేతులారా వదిలేసిందంటూ వీరి భావోద్వేగాలు! ప్రభుత్వంలో వి ధానకర్తలు, పటిష్ట నాయకత్వం అటువంటి అంశాలపై క్షుణ్ణంగా పరిశీలించి చర్యలు తీసుకుం టారు. అంతేకాని, తాత్కాలిక భావోద్వేగాలకు లేదా యుద్ధంవల్ల నష్టం వస్తుందని చెప్పే సుద్దులను వారు పట్టించుకోరు. ఆపరేషన్‌ సింధూర్‌ వల్ల మన ప్రతిష్ట పెరగడమే కాదు, డిఫెన్స్‌ రంగ ఉత్పత్తుల ఎగుమతుల విషయంలో మనకు సానుకూల వాతావరణం ఏర్పడిరదన్నది సత్యం. ప్రపంచం మనల్ని చూసే విధానంలో సమూలంగా మార్పు తీసుకొచ్చింది. దీన్ని ఈ రెండు వర్గాలుగుర్తించాలి.

-ఆది నుంచి ఇదే వైఖరి..’’జీవన్‌ రెడ్డి’’ రాజకీయ కుసంస్కారి!

-‘‘జీవన్‌ రెడ్డి’’ రాజకీయం కాంగ్రెస్‌ లో పుట్టింది కాదు.

-దిక్కు లేక కాంగ్రెస్లో చేరింది నిజం కాదా ‘‘జీవన్‌ రెడ్డి’’!

-జనం మేలు ఇప్పుడు గుర్తుకొచ్చిందా?

-మంత్రిగా వున్నంత కాలం జనంలో వున్నావా!

-పదవి లేకుండా రాజకీయం చేయలేవా!

-కాంగ్రెస్‌ పార్టీ కోసం కష్టపడలేవా!

-కనీసం ‘‘మంత్రి’’ని గౌరవించే సంస్కారం లేదా!

-ఎల్లకాలం పదవుల కోసం పాకులాటేనా!

-అసహనం ఎల్లప్పుడూ అలవాటేనా!

-‘‘జీవన్‌ రెడ్డి’’ కాంగ్రెస్‌ ‘‘జీవనాడి కాదు’’.

-అవకాశామిచ్చిన ఎన్టీఆర్‌ను కాదని నాదెండ్ల తో చేతులు కలపలేదా!

-మంత్రి పదవి కోసం అప్పుడే అర్రులు చాచలేదా!

-అప్పుడు కాంగ్రెస్‌ అవకాశమిచ్చి అక్కున చేర్చుకోలేదా!

-అప్పటి నాయకులను కాదని కాంగ్రెస్‌ టిక్కెట్‌ ఇవ్వలేదా!

-కాంగ్రెస్‌ కష్టకాలంలో వున్నప్పుడు గెలిచావా?

-కాంగ్రెస్‌ గాలిలో గెలవడం తప్ప ఎదురీతలో ఎమ్మెల్యే అయ్యావా!

-పట్టుమని ఇద్దరు ఎమ్మెల్యేలనైనా ఒంటి చేత్తో గెలిపించావా!

-నీ గెలుపు కోసం అప్పటి పెద్ద నాయకుల మీద ఆధారపడలేదా!

-పదేళ్ల తర్వాత పార్టీని అధికారంలోకి తెచ్చిన ‘‘పొంగులేటి’’ మీదనా నీ విరుపు.

-42 మంది కాంగ్రెస్‌ ఎమ్మెల్యేల గెలుపులో ‘‘పొంగులేటి’’ హస్తం.

-హస్తం పేరుతో రాజకీయం తప్ప త్యాగం లేనిది జీవన్‌ రెడ్డి వ్యవహారం.

హైదరాబాద్‌,నేటిధాత్రి: 

 మాజీ మంత్రి కాంగ్రెస్‌ పార్టీ సీనియర్‌ నాయకుడు టి. జీవన్‌రెడ్డికి అసహనం తన్నుకొస్తోంది. కోపం కట్టలు తెంచుకుంటోంది. కాంగ్రెస్‌ పార్టీకి చెందిన నాయకులను చూస్తేనే ఆయనకు చిర్రెత్తుకొస్తోంది. పైగా ప్రభుత్వంలో కీలక భూమిక పోషిస్తున్న నాయకులను చూసినా, ఆఖరుకు మంత్రులను చూసినా ఆయన సహనం కోల్పోతున్నారు. ఏం మాట్లాడుతున్నారో కూడా అర్దం కాకుండా ప్రవర్తిస్తున్నారు. మంత్రులకు ఇవ్వాల్సిన కనీస గౌరవం ఇవ్వడం లేదు. ఆ నాయకులు ఇస్తున్న గౌరవం కూడా పుచ్చుకునేందుకు సిద్దంగా లేడు. కారణం తనకు పదవి లేకపోవడం. ప్రజాస్వామ్యంలో ఏ నాయకుడికైనా పదవి అనేది ప్రజలు ఇచ్చేది. దాన్ని దూరం చేసుకున్న తర్వాత పొందడం ఎంతో కష్టం. ఎందుకంటే నిజంగానే టి. జీవన్‌రెడ్డి ప్రజా నాయకుడైతే, ప్రజల మేలు కోరుకునే నాయకుడైతే, ప్రజలకు ఎప్పుడూ అందుబాటులో వుండే నాయకుడే అయితే ఆయనకు ఓటమి దరి చేరి వుండేదికాదు. జీవన్‌రెడ్డికి గెలవడం కొత్త కాదు. ఓడిపోవడం కూడా కొత్త కాదు. కాని గతంలో పదవులు వచ్చేవి. కాని తెలంగాణ రాక ముందు కాంగ్రెస్‌ వేరు. ఇప్పుడు కాంగ్రెస్‌ వేరు. అప్పుడు ఉమ్మడి పాలకులకు సద్దులు మోస్తే పదవులు వచ్చేవి. ఇప్పుడు ప్రజలకు సేవ చేస్తే పదవులు వస్తున్నాయి. ఈ విషయం ఇంకా జీవన్‌రెడ్డి గమనించినట్లు లేరు. అందుకే తనకు పదవులు కావాలనగానే ఒళ్లో వాలిపోతాయనుకుంటున్నారు. ఇక్కడ ఒక విషయం స్పష్టంగా చర్చించుకోవాలి. రాష్ట్ర మంత్రి పొంగులేటి శ్రీనివాస్‌ రెడ్డి జగిత్యాల పర్యటనకు వచ్చారు. సీనియర్‌ నాయకుడిగా జీవన్‌రెడ్డిని కాదనేవారు లేరు. ఆయన అధికారిక కార్యక్రమంలో పాలు పంచుకుంటే వారించేవారు లేరు. అడ్డుకునేవారు అసలే లేరు. పైగా అభివృద్ది పనుల కోసం మంత్రి జిల్లా పర్యటనకు వచ్చినప్పుడు ఎంతో హుందాగా ఆ కార్యక్రమంలో పాలు పంచుకోవడం జీవన్‌రెడ్డి బాధ్యత. జగిత్యాల అభివృద్ది ప్రణాళిక ఆయన కర్తవ్యం. అది మర్చిపోయి సొంత పార్టీ ప్రభుత్వాన్ని పది మందిలో పలుచన చేయడం ఆయన వయసుకు సరైంది కాదు. ఆయన హోదాకు అసలే మంచిది కాదు. ఆరు సార్లు ఎమ్మెల్యేగా జగిత్యాల నుంచి జీవన్‌రెడ్డి గెలిచారు. అందులో ఒకసారి మాత్రమే తెలుగుదేశం పార్టీ నుంచి గెలిచారు. ఐదుసార్లు కాంగ్రెస్‌ నుంచి గెలిచారు. ఒకసారి ఎమ్మెల్సీ అయ్యారు. అది కూడా కాంగ్రెస్‌ పెట్టిన బిక్ష వల్లనే గెలుపొందారు. ఇది చాలదా? ఇంకా పదవులు కావాలా? అయినా ఎప్పుడూ నాకే పదవి కావాలి. ఎప్పుడూనేనే అదికారంలో వుండాలనుకోవడం తప్పు కాకపోవచ్చు. కాని ప్రజాస్వామ్యంలో మాత్రం ఒక్కరే ఎల్లకాలం పదవులు అనుభవించాలనుకోవడం కూడా ప్రజాస్వామ్య స్పూర్తికి విరుద్దం. గతంలో కూడా అనేక సార్లు జీవన్‌రెడ్డి ఓటటి పాలయ్యారు. కాని అప్పుడు పార్టీ ఆయనను పక్కన పెట్టలేదు. ఆయన గౌరవానికి భంగం కల్గించలేదు. గెలిచినా, ఓడినా ఆయనకు టిక్కెట్లు ఇస్తూనే వచ్చింది. పార్టీ ఆయనను గెలిపిస్తూనే వచ్చింది. కాంగ్రెస్‌ పార్టీ అధికారంలో వున్నంత కాలం ఆయనకు మంత్రి పదవి కూడా అవకాశమిచ్చింది. గౌరవించింది. ఇంతకన్నా పార్టీ ఏం చేయాలి. పదేళ్లపాటు కాంగ్రెస్‌పార్టీ ప్రతిపక్షంలో వున్నది. తెలంగాణ వచ్చిన తర్వాత పదేళ్లపాటు అధికారానికి దూరమైంది. ఇప్పుడు కాంగ్రెస్‌ పార్టీ తెలంగాణ ఎలా అదికారంలోకి వచ్చింది? ఎందుకు వచ్చింది? అనే సంగతి జీవన్‌రెడ్డికి తెలియందా? జగిత్యాల పర్యటనకు వచ్చిన మంత్రి పొంగులేటి శ్రీనివాస్‌రెడ్డి ఎంత గౌరవంగా పెద్దమనిషిగా జీవన్‌రెడ్డికి అభివాదం చేశారు. ఆలింగనం చేసుకోవాలనుకున్నారు. కాని దాన్ని తిరస్కరించడం అనేది జీవన్‌రెడ్డి తలబిరుసు తనమనే చెప్పాలి. ఆ సమయంలో ఆయన హావభావాలు ఎంతో భయంకరంగా వున్నాయి. అదే సమయంలో జీవన్‌రెడ్డి తన అనుచరల ముందు మంత్రి శ్రీనివాస్‌రెడ్డికి విజ్ఞాపన పత్రమిచ్చారు. అది శ్రీనివాస్‌రెడ్డి తీసుకున్నారు. వెంటనే వెళ్లండి…మీ పనులు మీరు చూసుకోండి. మా పనులు మేం చేసుకుంటాం…ఇక మేరు ఏలుకోండి? అంటూ హేళన చేసినట్లుగా జీవన్‌రెడ్డి వ్యాఖ్యనించారు. జీవన్‌రెడ్డి వ్యాఖ్యల వల్ల మంత్రి పొంగులేటి శ్రీనివాస్‌రెడ్డికి పోయేదేమీ లేదు. కాని జీవన్‌రెడ్డి తనకు తానుగా తన గౌరవాన్ని తనే తగ్గించుకున్నారు. తాను ఆవేశపరుడినని నిరూపించుకున్నారు. కాంగ్రెస్‌లో వుంటూ ప్రభుత్వ కార్యక్రమంలో పాలుపంచకోవాల్సిన జీవన్‌రెడ్డి, కార్యక్రమ విశిష్టతను దెబ్బతీసేలా వ్యవహరించడం పార్టీ వ్యతిరేకతగానే భావించాలి. అయినా ఆయన అక్కసు మంత్రి శ్రీనివాస్‌ రెడ్డి మీద చూపించాల్సిన అసవరం లేదు. ఎందుకంటే మంత్రి పొంగులేటి శ్రీనివాస్‌ రెడ్డిది, జీవన్‌రెడ్డిది ఒకే జిల్లా కాదు. టీ.జీవన్‌రెడ్డి రాజకీయాలతో పొంగులేటి ప్రభావితమైనదేమీ లేదు. పొంగులేటికి రాజకీయ అవకాశాలు ఇచ్చిన చరిత్ర జీవన్‌ రెడ్డికి లేదు. నిజంగా నికార్సైన కాంగ్రెస్‌ వాదే జీవన్‌రెడ్డి అనుకున్నప్పుడు పార్టీ అధిష్టానంతో మాట్లాడుకోవచ్చు. అంత అర్హత వుంటే పదవులు తెచ్చుకోవచ్చు. ఒక వేళ పార్టీ జాతీయ నాయకత్వం జీవన్‌రెడ్డికి పదవి ఇవ్వాలంటే, ప్రజా ప్రతినిధిని చేయాలనుకుంటే రాష్ట్ర నాయకులు ఎవరూ అడ్డుచెప్పరు. అంత సాహసం కూడా చేయరు. కాని ఆయన అక్కసంతా రాష్ట్ర నాయకుల మీదనే…ఇంతకీ కాంగ్రెస్‌ పార్టీ ఎందుకు అదికారంలోకి వచ్చిందన్న అక్కసుతో జీవన్‌రెడ్డి వున్నారా? అన్న అనుమానం కూడా కల్గుతోంది. పార్టీ అధికారంలోకి వస్తే తన ప్రాదాన్యత తగ్గిపోతుంది..ప్రతిపక్షంలో వుంటే తనకు గౌరవం లభిస్తుందని అనుకుంటున్నారా? అన్న ప్రశ్నలు కూడా తలెత్తే అవకాశాలులేకపోలేవు. ఎందుకంటే పదేళ్ల తర్వాత కాంగ్రెస్‌ పార్టీ అధికారంలోకి రావడం వల్ల అందరికంటే ముందుగా సంతోషపడాల్సింది జీవన్‌రెడ్డి. ఎందుకంటే ఆయన సీనియర్‌ నాయకుడు. తన పార్టీ అధికారంలోకి వస్తే చాలు. కాంగ్రెస్‌ పార్టీ అదికారంలో వుంటే చాలు అనుకోవాలి. కాని ఆయనకు ఆ సంతోషం లేదు. ఆ ఆనందం అసలే లేదు. ఎందుకంటే కాంగ్రెస్‌ పార్టీ అధికారంలో వున్నా, లేకున్నా తనకు పదవి మాత్రం ముఖ్యమనుకునేలా జీవన్‌రెడ్డి వ్యవహార శైలి వుంది. తాను మాత్రమే కాంగ్రెస్‌ వాదినన్నట్లు ఆయన వ్యహరిస్తున్నారు. నిజానికి జీవన్‌రెడ్డి ఆది నుంచి కాంగ్రెస్‌ నాయకుడు కాదు. ఆయన ముందుగా తెలుగుదేశం పార్టీ నాయకుడు. రాజకీయ ఓనమాలు తెలుగుదేశంలో దిద్దుకున్నాడు. 1983లో తెలుగుదేశం పార్టీ నుంచి గెలిచారు. ఎన్టీఆర్‌ తన మంత్రి వర్గంలోకి తీసుకున్నారు. మొదటి సారి ఎమ్మెల్యే అయినా ఆయన రాజకీయ చంచలత్వం అప్పటి నుంచే చూపించడం మొదలు పెట్టారు. రాజకీయ అత్యాశను అప్పటి నుంచే ప్రదర్శించారు. జీవన్‌రెడ్డికి టికెట్‌ ఇచ్చి, గెలిపించిన ఎన్టీఆర్‌ను మర్చిపోయారు. నాదేండ్ల బాస్కర్‌రావు వర్గంలో చేరిపోయారు. మరో నెల రోజుల కోసం ఆశపడి మొత్తానికే తెలుగుదేశానికి దూరయ్యారు. నాదేండ్లను నమ్ముకొని, అత్యాశకు పోయి మొదటికే మోసం తెచ్చుకున్నాడు. తెలుగుదేశం నుంచి భహిష్కరించబడ్డాడు. నాదేండ్లతోపాటు కాంగ్రెస్‌లో చేరిపోయాడు. తర్వాత ఎన్నికల్లో ఓడిపోయాడు. తర్వాత కాంగ్రెస్‌ గెలిచినప్పుడల్లా గెలుస్తూవచ్చాడు. అంతే కాంగ్రెస్‌కు ఆయన వల్ల ఒరిగిందేమీ లేదు. పైగా జీవన్‌రెడ్డి పచ్చి సమైక్య వాది. తెలంగాణ వ్యతిరేకి. ఉమ్మడి పాలకుల చెప్పినట్లు ఆడిన మర బొమ్మ అని అనేక విమర్శలు ఎదుర్కొన్నారు. 2004 ఎన్నికల్లో కరీంనగర్‌ ఎంపిగా గెలిచిన కేసిఆర్‌కు రాజీనామాకు పరోక్షంగా జీవన్‌రెడ్డి కారకులయ్యారు. తెలంగాణ ఉద్యమ ప్రభావం కరీంనగర్‌లో లేదని నిరూపించేందుకు కేసిఆర్‌ మీద పోటీ చేశారు. ఆ సమయంలో కేసిఆర్‌ మీద పోటీ చేయడానికి ఇష్టపడలేదు. తెలంగాణ కోరిక ప్రజల్లో లేదని చెప్పడానికి ఎవరికీ మనసు రాలేదు. అందుకే ఆ ఎన్నికల్లో పోటీచేసేందుకు ఎవరూ ముందుకు రాలేదు. కాని అప్పటికే మంత్రిగా పనిచేస్తున్న జీవన్‌రెడ్డి నేను పోటీ చేస్తానని వచ్చారు. కేసిఆర్‌ను ఓడిస్తానని సవాలు చేసి, రంగంలోకి దిగారు. మంత్రి పదవికి రాజీనామా చేయకుండానే ఎంపిగా పోటీ చేశారు. ఓడిపోయారు. అయినా ఆయన తెలంగాణ వాది కాలేకపోయారు. తెలంగాణ కోసం ఎమ్మెల్యేలు, మంత్రులు రాజీనామా చేస్తే జీవన్‌రెడ్డి రాజీనామా చేయడానికి ముందూ వెనుక ఆలోచించాడు. అయినా ఆ రాజీనామాకు కట్టుబడి లేకుండా వెంటనే రాజీనామాను వెనక్కి తీసుకున్నారు. ఇలాంటి పచ్చి అవకాశవాదిగా ముద్ర పడిన జీవన్‌రెడ్డి, తానేదో ఫక్తు కాంగ్రెస్‌ నాయకుడిగా చెప్పుకోవడం విడ్డూరం. గత ఎన్నికల్లో 42 మంది కాంగ్రెస్‌ ఎమ్మెల్యేలను ఒంటిచేత్తో గెలిపించి, పార్టీ అదికారంలోకి రావడానికి కృషి చేసిన పొంగులేటి మీద అక్కసు చూపించి, జీవన్‌రెడ్డే అబాసు పాలయ్యారు. తన పెద్దరింకంలో గొప్పతనంలేదని, కుత్సిన గుణం వుందని మరోసారి నిరూపించుకున్నారు.