ముందు పరిషత్ ఎన్నికలు మేలు!

`వెనువెంటనే పరిషత్ ఎన్నికలు నిర్వహించాలని “సీఎం రేవంత” ఆలోచన.

`ప్రతిపక్షాల మధ్య ఐక్యత లేని సమయం.

`ప్రజా వ్యతిరేకత పెద్దగా లేదు.

`బీఆరఎస్ చేస్తున్న అసత్య ప్రచారాలు జనం నమ్మడం లేదు.

`ప్రభుత్వం మీద ప్రజలకు విశ్వాసం తగ్గలేదు.

`బీఆరఎస్ ను నమ్మడానికి జనం సిద్ధంగా లేరు.

`బీఆరఎస్, బీజేపీ ల వైరం ప్రజలకు అర్ధమైపోయింది.

`రెండు పార్టీల వల్ల ప్రజలకు ఉపయోగం లేదని తేలిపోయింది.

`కేంద్రం నుంచి బీజేపీ ఎంపీలు నిధులు తెచ్చే శక్తి లేదని తెలిసిపోయింది.

`బీజేపీ నాయకులను ఆ పార్టీ కార్యకర్తలు నమ్మడానికి దైర్యం చేయడం లేదు.

`ఆ పార్టీలో వున్న లుకలుకలు బీఆరఎస్ కు అనుకూలంగా మారక ముందే పరిషత్ ఎన్నికలు నిర్వహించాలి.

`కాంగ్రెస్ శ్రేణులు మంచి ఊపులో వున్నారు.

`ఎన్నికలకు కస్టపడి పనిచేస్తున్నారు.

`పార్టీ గెలుపు కోసం కృషి చేస్తున్నారు.

`గెలుపు బాధ్యతలు నాయకులు, కార్యకర్తలు మోస్తున్నారు.

`వారికి కూడ పదవులోస్తాయన్న నమ్మకం బలపడింది.

`ఇతర పార్టీల నుంచి వలసలు పెరిగే అవకాశం కనిపిస్తోంది.

`ఆలస్యం అమృతం విషమౌతుంది.

`వేడిలో వేడి ఎన్నికలు పూర్తి చేస్తే గట్టం గడిచిపోతుంది.

`పదేళ్ల తర్వాత పదవులోస్తే పార్టీ మరింత బలపడుతుంది.

`వచ్చే ఎన్నికలకు నాయకులను ఇప్పటి నుంచే సన్నద్ధం చేసినట్లుఔతుంది.

హైదరాబాద్, నేటిధాత్రి:

వేడిగా వున్నప్ప్పుడే ఇనుమును వంచాలి. జనం ఆదరణ వున్నప్ప్పుడే ఎన్నికలకు వెళ్లాలన్న సూత్రాన్ని రేవంత్ సర్కార్ పక్కాగా అమలు చేస్తోంది. వరుసగా ఎన్నికల్లో కాంగ్రెస్ పార్టీ గెలుస్తూ వస్తోంది. నిజానికి కాంగ్రెస్ పార్టీ కూడా ఇంతటి విజయాలను ఆరు నెలల క్రితం ఊహించలేదు. కిందిస్దాయి నుంచి పై స్దాయి దాకా ఆ నమ్మకం కలగలేదు. ఎందుకంటే ప్రతిపక్ష బిఆరఎస్ చేసిన అసత్య ప్రచారాలు బలంగా ప్రజల్లోకి వెళ్లాయన్న భావన కాంగ్రెస్ నాయకుల్లో కనిపించింది. దాంతో స్ధానిక సంస్ధల ఎన్నికలు కావాలని కూడా కాంగ్రెస్ శ్రేణులు ప్రభుత్వం మీద ఒత్తిడి తేలేదు. సరైన సమయం చూసడి ప్రభుత్వం నిర్వహిస్తుందని అనుకున్నారు. డిల్లీ నుంచి కూడ పరిశీలకులు వచ్చి, ఎన్నికల నిర్వహణ మీద నాయకులు,కార్యకర్తలతో రాష్ట్ర వ్యాప్తంగా చర్చలు కూడా జరిపారు. ఆ సమయంలో కాంగ్రెస్ నాయకులు ఇది అనువైన వాతావరణం కాదనే తేల్చి చెప్పారు. ఆ సమయంలో హైడ్రా దూకుడు కొనసాగింది. పైగా ఎరువుల కొతర తీవ్రంగా వుంది. ఈ రెండు కారణాలు స్దానిక సంస్ధల ఎన్నికల మీద ప్రభావం పడతాయన్న భావన అందరూ వ్యక్తం చేశారు. అనుకోకుండా కాంగ్రెస్‌కు జూబ్లీ హిల్స్ ఉప ఎన్నిక వరమైంది. ఆ ఉప ఎన్నికలో కాంగ్రెస్ ఓటమి ఖాయమని కాంగ్రెస్ నాయకులు కూడా అనుకున్నారు. ప్రచారం చేయడానికి కూడా పెద్దగా పెద్ద పెద్ద నాయకులే ఆసక్తి చూపలేదు. ఒక్కసారిగా ఎవరూ ఊహించని అభ్యర్దిని సిఎం. రేవంత్‌రెడ్ది తెరమీదకు తేవడం, స్వయంగా ఆయన ప్రచారం నిర్వహించడంతో వార్ వన్ సైడ్ అయ్యింది. అలా మారుతుందని ప్రతిపక్ష బిఆరఎస్ కలలో కూడా ఊహించలేదు. సిఎం. రేవంత్ రెడ్డి వేసిన ఎత్తుల ముందు బిఆరఎస్ చిత్తయిపోయింది. జనంలో వ్యతిరేకత వుందన్న బిఆరఎస్ మాటలకు చెల్లు చీటి రాసింది. ఆ ఉప ఎన్నికలో కాంగ్రెస్ పార్టీ అనూహ్యమైన విజయం సాదించింది. ఎవరూ ఊహించనంత మెజార్టీ వచ్చింది. దాంతో సిఎం. రేవంత్‌రెడ్డికి మరింత విశ్వాసం పెరిగింది. సర్పంచ్ ఎన్నికలకు వెళ్లారు. ఉప ఎన్నిక గెలుపుతో వున్న కాంగ్రెస్ శ్రేణుల్లో ఒక్కసారిగాఊపు వచ్చింది. అంతకు ముందు పంచాయితీ ఎన్నికల్లో పోటీ చేద్దామా లేదా? అన్న డైలమాలో వున్న అనేక మంది నాయకులు తర్వాత ముందుకొచ్చారు. టికెట్ నాకంటే నాకు అని పోటీ పడ్డారు. అంతగా కాంగ్రెస్ పుంజుకున్నది. నిజానికి ప్రజల్లో ప్రజా ప్రభుత్వం మీద ప్రజా వ్యతిరేకత లేదు. రేవంత్ సర్కారు మీద ప్రజలకు ఎలాంటి అనుమానం లేదు. కాని బిఆరఎస్‌చేసిన అసత్య ప్రచారం నిజమని కాంగ్రెస్ నాయకులే నమ్మడంతో కొంత ఇబ్బందికరమైన పరిస్దితి వచ్చింది. జూబ్లీ ఉప ఎన్నికను ఎలా మలుపు తిప్పారో, అలాగే పంచాయితీ ఎన్నికలను కూడాసిఎం. రేవంత్‌రెడ్డి మలుపు తిప్పారు. తాను సిఎంగా వుండి ప్రచారానికి వెళ్లనని అనుకోలేదు. ప్రజల్లోకి వెళ్లారు. సభలు నిర్వహించారు. ప్రజలకు భరోసా కల్పించారు. పంచాయితీ ఎన్నికలను కూడా వార్ వన్ సైడ్ చేశారు. అప్పటికే దెబ్బమీద దెబ్బ పడుతున్న బిఆరఎస్‌కు కోలుకోలేని పరిస్తితి ఎదురయ్యేలా చేశారు. ఎన్నికలంటే బిఆరఎస్ భయం పుట్టేలా సిఎం. రేవంత్‌రెడ్డి ఎన్నికలను నిర్వహిస్తున్నారు. బిఆరఎస్‌ను కోలుకోకుండా చేస్తున్నారు. ఇక ఎన్నికలు అనే పదం బిఆరఎస్ నేతలకు నోటికి రాకుండా చేస్తున్నారు. అంతకు ముందు ఊ అంటే ఎన్నికలకు వెళ్లాలని సవాలు చేసేవారు. పంచాయితీ ఎన్నికల ఓటమి నుంచి బిఆరఎస్ తేరుకోకముందే మున్సిపల్ ఎన్నికలు నిర్వహించారు. అక్కడ కూడా బిఆరఎస్‌ను చావు దెబ్బ కొట్టారు. పంచాయితీ ఎన్నికలు పార్టీ గుర్తులు కాకపోవడంతో, తమ ఖాతాలో వేసుకున్నారని కాంగ్రెస్‌ను ఆడిపోసుకున్న బిఆరఎస్‌కు మున్సిపల్ ఎన్నికల్లో ప్రజలు కూడా దిమ్మతిరిగే సమాధానం చెప్పారు. రేవంత్ సర్కారుకు ప్రజలు అండగా వున్నారని, ఆదరిస్తున్నారని, గెలుపులు అందిస్తున్నారని తేలిపోయింది. నిజానికి జనంలో ప్రభుత్వం మీద వ్యతిరేకత పెద్దగా లేదు. కాని అలాంటి వాతావరణం వున్నట్లు ఊహించుకొని అసత్య ప్రచారం చేసుకున్న బిఆరఎస్ ప్లాన్ బూమ్‌రాంగ్ అయ్యింది. డామిట్ కథ అడ్డం తిరిగింది. మున్సిపల్ ఎన్నికల్లో మెజార్టీ సీట్లు సాదిస్తామని బిఆరఎస్ మళ్లీ పగటి కలలు కని, కారు బోల్తా పడింది. కనీసం పది శాతం చైర్మన్‌లు కూడ గెల్చుకోలేకపోయంది. ప్రజల్లో ప్రభుత్వం మీదవ్యతిరేకత వుంటే కాంగ్రెస్‌కు ముప్పై నలభై చైర్మన్‌లకన్నా దాటకూడదు. కాని ప్రతిపక్షానికి పట్టు మని ఇరవై చైర్మన్‌లు కూడా రాలేదు. అంటే ప్రజల్లో బిఆరఎస్‌కు ఆదరణ లేదన్నది తేలిపోయింది. ఇలా వరుస విజయాలతో దూసుకుపోతున్న తరుణంలోనే పరిషత్ ఎన్నికలు నిర్వహించాలని రాష్ట్ర ప్రభుత్వం భావిస్తోంది. అయితే ముందు జిహెచఎంసి ఎన్నికలు నిర్వహిస్తారా? లేక పరిషత్ ఎన్నికలు నిర్వహిస్తారా? అన్నదానిపై క్లారిటీ రావాల్సి వుంది. ఏ ఒక ఎన్నిక మాత్రం పక్కాగా త్వరలోనే జరుగుతుంది. ఎప్ప్పుడూ ఎన్నికల వాతావరణం వుండేలా చేసి, సరికొత్త రాజకీయ వ్యూహన్ని సిఎం. రేవంత్‌రెడ్డి అమలు చేస్తున్నారు. నిజానికి సర్పంచ్ ఎన్నికలతో పాటు, పరిషత్ ఎన్నికలు కూడా ఏక కాలంలో నిర్వహించేవారు. కాని ఇప్ప్పుడు అదును చూసి, బిఆరఎస్‌ను దెబ్బ మీద దెబ్బ లేవకుండా కొట్టాలంటే కూడా ఎన్నికలను కూడా వ్యూహాత్మకంగా నిర్వహిస్తూ సరికొత్త రాజకీయాన్ని సిఎం. రేవంత్ రెడ్డి రుచి చూపిసున్నారు. బిఆరఎస్ నాయకులకు కళ్లు బైర్లు కమ్మేలా చేస్తున్నారు. గతంలో ఎన్నికలు, ఎన్నికలు అని కలవరించిన బిఆరఎస్‌కు ఎన్నికలంటేనే చలి జ్వరం వచ్చేలా చేస్తున్నారు. కలలో కూడా బిఆరఎస్ నాయకులు ఎన్నికలంటేనే ఉలిక్కిపడేలా చేస్తున్నారు. ఇదే ఊపులో మెజార్టీ పరిషత్‌ను సొంతం చేసుకునేలా సిఎం. రేవంత్ వ్యూహాలు రచిస్తున్నారు. అయితే తెలంగాణలో పరిషత్‌లను రద్దు చేసే యోచనలో ప్రభుత్వం వుందంటూ ఓ వార్త చక్కర్లు కొడుతోంది. అది ఎంత వరకు వాస్తవం కాదు. ప్రభుత్వం ఒక వేళ ఆ ఆలోచన చేసినా అది సాధ్యమయ్యే పని కాదు. ఒక వేళ అదే ఆలోచన ప్రభుత్వం చేసినా కాంగ్రెస్ నాయకులే ఊరుకోరు. ఏది ఏమైనా పరిషత్ ఎన్నికలు జరగడం అనివార్యం. నిజానికి ఒకప్ప్పుడు రెండంచెల విధానమే వుండేది. దానిని మూడంచెల విధానానికి మార్చిన తొలి రాష్ట్రం ఉమ్మడి ఆంధ్ర ప్రదేశ్. దేశంలో ఏ రాష్ట్రంలో లేనప్ప్పుడే మూడంచెల విధానాన్ని తీసుకొచ్చి, దేశానికే ఆదర్శంగా నిలిచింది ఉమ్మడి తెలుగు రాష్ట్రం. అలాంటిది ఇప్ప్పుడు పరిషత్‌లను తొలగించి, రెండంచెల విధానం తీసుకురావడం సాద్యం కాదు. 73 వ రాజ్యాంగ సవరణ ద్వారా తెచ్చిన ఈ విదానాన్ని మార్చే అవకాశం లేదు. 234 అదికరం ప్రకారం 73,74 రాజ్యాంగ సవరణలను మళ్లీ సవరించాల్సి వుంటుంది. అందుకు సాదారణ మెజార్టీ సరిపోదు. రెండింట మూడో వంతు సభ్యుల ఆమోదం పార్లమెంటు తెలిపితే తప్ప మార్చే అవకాశం వుండదు. అయినా ప్రజలకు మెరుగైన పాలన, పాలనా వికేంద్రీకరణల కోసం చేపట్టిన గొప్ప కార్యక్రమం మూడంచెల విదానం. దానిని మార్చడం అంటే మళ్లీ పాత రోజుల్లోకి వెళ్లడమే అవుతుంది. అలాంటి తిరోగమనం కోరుకోవడం సరైంది కాదు. ఉమ్మడి రాష్ట్రంలో మూడంచెల విదానం తీసుకొచ్చినప్ప్పుడు ఎంపిటిసిలు, జడ్పీటీసిలు లేదు. ఆ రోజుల్లో ఎన్టీఆర్ కాలంలో మండల్ పరిషత్ ప్రెసిడెంటును మండల ప్రజలంతా కలిసి ఎన్నుకునేవారు. జడ్పీ చైర్మన్‌ను జిల్లా ప్రజలంతా కలిసి ఎన్నుకునేవారు. దాని వల్ల ప్రతిపక్షాలకు చెందిన నాయకులు ఒక వేళ ఎంపిపిగా, జిల్లా పరిషత్ చైర్మన్‌లు ఎన్నికైతే ప్రభుత్వానికి ఇబ్బందికరమైన పరిస్దితులు వస్తాయని ఆలోచన చేసి, ఈ రకమైన విదానం తెచ్చారు. అప్పటి నుంచి రెండు గ్రామాలకు ఒక్కరుగా ఎంపిటిసిలు, ప్రతి మండలం నుంచి ఒక జడ్పీటిసిలను ఎన్నుకొని, ఎంపిపిలు, జడ్పీ చైర్మన్‌లను ఎన్నుకునే విధానం తెచ్చారు. అది కూడా 73,74 రాజ్యాంగ సవరణకు అనుగుణంగా ఎన్నికల నిర్వహణ జరుగుతోంది. దానిని ఇప్ప్పుడు తొలగించడం అసాద్యం. గతంలో తెలంగాణ వచ్చిన తర్వాత బిఆరఎస్ ప్రభుత్వం కూడా ఆలోచన చేసిందన్న వార్తల్లో నిజం లేదు.

`విజేతల విశ్వరూపం.. ఎన్నికలన్నీ ఘన విజయం!
`రాజకీయ ఉక్కు సంకల్పం..రేవంత్ రెడ్డి నాయకత్వం.

`కాంగ్రెస్ కు కంచు కవచం..ఈ ఇద్దరి నాయకత్వం.
`సీఎం. రేవంత్ రెడ్డి నాయకత్వపాలనకు నిదర్శనం.

`కాలానికి ఎదురీదిన రేవంత్ రాజకీయ పోరాటం.
`రాజకీయంగా అలుపెరుగని ఆత్మ విశ్వాసం.
`సమర్థ నాయకత్వానికి సీఎం రేవంత్ చిహ్నం.
`ఒడిదొడుకులెన్ని ఎదురైనా మొక్కవోణి దైర్యం.
`ఎప్పటికైనా ఏదో ఒక రోజు తనదౌతుందన్న నమ్మకం.
`ఏకలవ్య రాజకీయాలతో రేవంత్ ఎదురు లేకుండా ఎదిగిన వైనం.
`రాజకీయ సమరంలో విజేయుడై నిలిచిన అభినవ సామ్రాజ్యం.
`తెగింపు తో రేవంత్ కు విజయాలు దాసోహం.
`కడుపు నిండా కత్తులు పెట్టుకున్న వారిని ఓడించిన చాణక్యం.
`తోడేవరు లేకున్నా తానే కోట్లమంది బలవంతులకు సమానం.
`కాంగ్రెస్ లో నెగ్గుకు రావడం అంత సులువు కానీ వ్యవహారం.
`అన్నింటినీ అధిగామిస్తూ కుర్చీ ఎక్కిన సిఎం రేవంత్ సామర్థ్యం.
`తెలంగాణా రాజకీయాలలో ఎదురు లేని రాజకీయ శక్తికి నిలువెత్తు సాక్ష్యం.
`తిరుగు లేని నాయకత్వానికి తెలంగాణా సమర నాదం.
`పొంగులేటి శ్రీనివాస్ రెడ్డి తోడుతో ఐక్యతకు నిదర్శనం.
`ఖమ్మం నుంచి పొంగులేటి, పాలమూరు నుంచి సిఎం రాజకీయ వేట గెలుపుకు సంకేతం.
`పంచాయతీ ఎన్నికలతో మరింత పాటిష్టంగా నాయకత్వ ద్వయం.
`మున్సిపల్ ఎన్నికలలో ఇద్దరి తిరుగు లేని విజయం.
`కాంగ్రెస్ కు రెండు కళ్లుగా సాగుతున్న ప్రయాణం.

హైదరాబాద్, నేటిధాత్రి:
కషి వుంటే మనుషులు రుషులౌతారు. మహా పురుషులౌతారు అన్నట్లే ఈ ఇద్దరూ ఇద్దరే. ఇద్దరూ తమ పట్టుదలతో ఎదిగిన వారే. అనుకున్న లక్ష్యాన్ని చేరుకున్నవారే. పట్టుదలకు మారు పేరుగా నిలిచిన వారే. ఈ ఇద్దరూ ఎవరి సహాకారంతో ఎదిగిన వారు కాదు. ఎవరో నిలబెడితే తెలిచిన వారు కాదు. ఎవరికి వారు, తమ స్వంత శక్తియుక్తులతో రాజకీయాల్లోకి వచ్చినవారు. ఎదిగిన వారు. తమ శక్తి యుక్తులు ప్రదర్శించిన వారు. ఇప్ప్పుడు రాష్ట్ర రాజకీయాలను శాసిస్తున్నారు. ఆ ఇద్దరూ సిఎం. రేవంత్ రెడ్డి, రెవిన్యూ శాఖ మంత్రి పొంగులేటి శ్రీనివాస్‌రెడ్డి. ఈ ఇద్దరి రాజకీయాల్లో కొన్ని సారూప్యతలున్నాయి. ఇద్దరూ స్వయం కషితో ఎదిగిన నాయకులు. తాము నాయకులుగా ఎదగడానికి ఎవరి దగ్గర సాగిలపడిన వారు కాదు. ఎవరినో సీట్లు కోసం ప్రాదేయపడాల్సిన అవసరాలు వచ్చిన వారు కాదు. వారి తమ శక్తి సామార్ద్యాలను నిరూపించుకొని నాయకులుగా ఎదిగినవారు. ఎదిగి నిలదొక్కుకున్నవాళ్లు. రాష్ట్ర రాజకీయాల చరిత్రను మార్చినవారు. తెలంగాణ రాజకీయ కొత్త చరిత్రను లిఖించిన వారు. అవును. ఈ ఇద్దరి రాజకీయ ప్రస్తానం అంత సాఫీగా సాగలేదు. ఎత్తులు, పల్లాలు చూడాల్సి వచ్చినా అది వారి వల్ల జరగలేదు. వారు రాటు దేలడానికి జరిగిందనే చెప్పాలి. వారి స్వయంకతాపరాదం ఏమీ లేదు. కాని నమ్మించి మోసం చేయాలనుకున్నారు. కాని మోసం చేయాలనుకున్న వారు ఆఖరుకు ఆగమయ్యారు. ఈ ఇద్దరు నాయకులు తెలంగాణలో హీరోలయ్యారు. రాష్ట్ర రాజకీయాలను శాసిస్తున్నారు. పాలన సాగిస్తున్నారు. పార్టీని పట్టిష్ట పరుస్తున్నారు. పార్టీకి మరింత బలమైన పునాదులు వేస్తున్నారు. ఏ ఎన్నిక వచ్చినా పార్టీని విజయ తీరాలకు చేర్చుతున్నారు. ఎవరికి వారు తమను తాము రుజువు చేసుకుంటున్నారు. సిఎం. రేవంత్ రెడ్డి మొత్తం తెలంగాణలో తమ ప్రాభల్యాన్ని చూపిస్తున్నారు. ఎదురులేని నేతలుగా ఎదుగుతున్నారు. తిరుగులేని రాజకీయ శక్తులుగా మారుతున్నారు. ఎవరి నోట విన్నా అదే మాట అంటున్నారు. ఇద్దరి రాజకీయ ప్రస్తానాలు ఒకసారి చూసుకుంటే ఒంటరి రాజకీయ ప్రయాణం మొదలుపెట్టిన నాయకుడు సిఎం. రేవంత్‌రెడ్డి. ఎవరి తోడు కోసం చూడలేదు. ఎవరి అండ కోసం ఆరాటపడలేదు. ఎవరో టికెట్ ఇవ్వాలని కోరుకోలేదు. తనను తాను స్వయం ప్రకాశ శక్తిగా ఎదిగారు. ముందు ఇండిపెండెంటుగా జడ్పీటీసిగా గెలిచి తెలంగాణ రాజకీయాల్లో ఒక సంచనలం నమోదు చేశారు. అలా జడ్పీటీసిగా ఎన్నికైన కొద్ది కాలానికే ఏకంగా స్దానిక సంస్ధల ఎమ్మెల్సీగా ఎన్నికై అందరి దష్టిని ఆకర్షించారు. ఏ పార్టీ అండ లేకుండా, రాజకీయ పార్టీలకు దీటైన రాజకీయం ఆనాడే చేశారు. బలమైన పార్టీలను ఆనాడే డీకొన్నారు. ఎవరూ ఊహించని విజయం సాదించారు. సహజంగా పట్టభద్రుల ఎన్నికలో ఇండిపెండెంట్లు విజయం సాధించడం ఒక వేరు. కాని పార్టీ సభ్యులు తమ పార్టీలకు కాదని, ఇండిపెండెంటుగా పోటీ చేసిన రేవంత్‌రెడ్డిని గెలిపించడం అంటే మాటలు కాదు. ఆ విజయం అంత సామాన్యమైంది కాదు. అలా గెలిచిన రేవంత్‌రెడ్డిని అప్పటి తెలుగుదేశం పార్టీ ఆహ్వానించింది. పార్టీలో చేర్చుకున్నది. ఆ తర్వాత 2009లో అసెంబ్లీ టికెట్ ఇచ్చింది. అతి తక్కువ సమయంలో జడ్పీటిసి, ఎమ్మెల్సీ, ఆ వెంటనే ఎమ్మెల్యే అయిన ఏకైక నాయకుడు రేవంత్‌రెడ్డి. జడ్పీటీసిగా పూర్తి కాలం పనిచేయాల్సిన అసవరం రాలేదు. ఎమ్మెల్సీగా పూర్తి కాలం అవసరం లేకుండాపోయింది. ఎమ్మెల్యే అయ్యే ఛాన్సు వచ్చింది. ఇలా అవకాశాలు ఆయనను వెతుక్కుంటూ వచ్చాయి. అతి చిన్న వయసులోనే ఆయన రాష్ట్ర స్దాయి నాయకుడిగా ఎదిగారు. చంద్రబాబుకు సన్నిహితుడయ్యారు. పార్టీలో సీనియర్లను దాటిపోయారు. అలా తన రాజకీయ ప్రస్తానాన్ని ఒక్కొ మెట్టు ఎంచుకుంటూ, ఎక్కుకుంటూ ముందుకు వెళ్లారు. రాష్ట్ర విభజన తర్వాత ఆయన కొంత కాలానికి కాంగ్రెస్ పార్టీలో చేరారు. కాంగ్రెస్‌లో చేరుతూనే పార్టీ వర్కింగ్ ప్రెసిడెంటు అయ్యారు. పార్లమెంటు సభ్యుడిగా వుంటూ, పార్టీ ప్రెసిడెంటు అయ్యారు. పార్టీకి వెయ్యేనుగుల బలం తెచ్చారు. ఆఖరుకు పార్టీని అదికారంలోకి తీసుకొచ్చిన నాయకుడయ్యారు. రాష్ట్రానికి రెండో సిఎం. అయ్యారు. తన ýక్ష్యాన్ని చేరుకున్నారు. రాష్ట్ర ప్రజలకు ముఖ్య పాలకుడుగా తన సేవ అందిస్తుందిస్తున్నారు. తాను మండలో అడుగుపెట్టిన తొలి రోజు మీరు ఏమవ్వాలని రాజకీయాలోకి వచ్చారని మరో ఎమ్మెల్సీ అడిగితే సిఎం. అవుతానని అన్నారట. అప్ప్పుడే తదాస్తు దేవతలు తదాస్తు అన్నాట్టున్నారు. అందుకే అతి తక్కువ సమయంలో రాష్ట్ర నేతగా సిఎం. రేవంత్ రెడ్డి ఎదిగారు. అయినా ఆ సీటు ఊకూకనే రాలేదు. అనేక అవరోధాలను దాటుకుంటూ వచ్చారు. అడుగడుగునా అటు సొంత పార్టీలోనూ, అప్పటి పాలకులతోనూ ఇబ్బందులు ఎదుర్కొన్నారు. అయినా గుండె ధైర్యం చెదరలేదు. ఆయన ఎంచుకున్న మార్గం మార్చుకోలేదు. తన దారిని మరింత రహదారి చేసుకున్నారు. ఆరు గ్యారెంటీలతో రాష్ట్రమంతా ప్రచారం చేసి, ప్రజల విశ్వాసం చూరగొని తెలంగాణ ప్రజా ప్రభుత్వ రాజ్యానికి రాజయ్యారు. ఇక మరో నాయకుడు పొంగులేటి శ్రీనివాస్‌రెడ్డి. తెలంగాణ రాజకీయాలలో ఉత్తుంగ తరంగంలా దూసుకువచ్చారు. వస్తూ వస్తూనే తన రాజకీయ భవిష్యత్తుకు బలమైన పునాదులు వేసుకుంటూనే వచ్చారు. తొలి రాజకీయ అనుభవం, ప్రజా ప్రతినిధిగా ప్రస్తానం ఏక కాలంలో జరిగిపోయాయి. రాష్ట్రం విడిపోయిన తర్వాత జరిగిన తొలి ఎన్నికల్లోనే ఆయన ఎంపిగా ఎన్నికయ్యారు. తన అనుచరులను కొంత మందిని ఎమ్మెల్యేలను చేశారు. తెలంగాణవైసిపి పార్టీకి అద్యక్ష బాద్యతలు మోశారు. ఖమ్మం జిల్లాలో బలమైన నాయకుడిగా తన ప్రస్తానం తొలి రోజు నుంచే మొదలు పెట్టారు. అలా ఎంపిగా ఎన్నికైన పొంగులేటి శ్రీనివాస్‌రెడ్డి కొంత కాలానికి అప్పటి పాలకుడు కేసిఆర్ కోరిక మేరకు, వైసిసి అదినేత ఆలోచన మేరకు బిఆరఎస్‌లో చేరారు. ఇక్కడ సిఎం. రేవంత్ విషయంలోనూ, మంత్రి పొంగులేటి రాజకీయంలోనూ ఒకే విధమైన అనుభవం వుంది. ఇద్దరు నాయకులు వారి వారి అప్పటి అదినేతలను ఒప్పించి, పార్టీ మారారే గాని, ఏనాడు ఆ అదినేతలపై ఏనాడు రాజకీయ విమర్శలు చేయలేదు. అప్పటికీ ఇప్పటికీ అదే మాట నిలబడి రాజకీయాలు చేస్తున్నారు. రాజకీయ పార్టీలకు కొత్త ఒరవడి నేర్పారు. సహజంగా పార్టీలు మారగానే ఆ పార్టీల అదినేతలను తూర్పారపడుతూ రాజకీయాలు చేస్తుంటారు. కాని ఈ ఇద్దరు నేతలు అందుకు భిన్నం. వారి రాజకీయాలే వేరు. వారు వేసే అడుగులే వేరు. వారిద్దరూ వేసే ఎత్తుగడలే వేరు. ఎవరికీ అందని రాజకీయ వ్యూహాలు రచించడంలోనూ ఈ ఇద్దరిని మించిన వారు లేరు. నమ్మించి మోసం చేసిన వారిని ఈ ఇద్దరూ వదిలిపెట్టరు. శపధం చేసి మరీ వారిని ఎదుర్కొంటారు. 2014లో బిఆరఎస్‌లో ఒక్క మాటతో చేరిన పొంగులేటిని 2018 ఎన్నికల్లో అసెంబ్లీకి కేసిఆర్ అవకాశమివ్వలేదు. తర్వాత పార్లమెంటు ఎన్నికల్లోనూ అవకాశం కల్పించలేదు. అయినా ఎంతో ఓపికతో తన పార్టీకి సేవ చేశారు. కాని అడుగడుగునా ఆయనను అవమానాలకు గురి చేస్తూ వచ్చారు. ఆయన ప్రాదాన్యత తగ్గిస్తూ వచ్చారు. మొత్తానికి పొంగులేటిని రాజకీయాలకే దూరం చేయాలన్న ఆలోచన కేసిఆర్ చేశారు. కాని పొంగులేటి మంచి తనం కేసిఆర్ గుర్తించలేదు. నమ్మిన సిద్దాంతానికి కట్టుబడి వుండే పొంగులేటిని కట్టుబానిసను చేసుకోవాలనుకున్నారు. కాని సింహంలా రాజకీయాల్లోకి వచ్చిన పొంగులేటిని బోనులో బందించాలని చూశారు. కాని కుదరలేదు. ఎక్కడున్నా సింహం, సింహంలానే వుంటుంది. అది బిఆరఎస్ గుర్తించలేదు. పొంగులేటి రాజకీయ శక్తిని తక్కువగా అంచనా వేశారు. బిఆరఎస్ నుంచి బైటకు వచ్చిన పొంగులేటిని మరింత ఇబ్బంది పెట్టాలని చూశారు. దాంతో సింహం జూలు విదిలిస్తే ఎలా వుంటుందో బిఆరఎస్‌కు చూపించారు. 2023 ఎన్నికల్లో బిఆరఎస్‌ను ఖమ్మం నుంచి అసెంబ్లీ గేటు తాకనివ్వనని శపధం చేశారు. అటు ఖమ్మంలోనూ, మొత్తం తెలంగాణలో బిఆరఎస్‌ను మట్టికరింపించారు. ఖమ్మంలో మాత్రం బిఆరఎస్‌ను జీరో చేశారు. తెలంగాణ రాజకీయాల్లో తన ప్రస్దానాన్ని పొంగులేటి పదిలం చేసుకున్నారు. తర్వాత జరిగిన అన్ని ఎన్నికల్లో సిఎం. రేవంత్‌తో కలిసి బిఆరఎస్‌ను నామరూపాలు లేకుండా చేస్తున్నారు.