పేలిన లిక్విడ్ గ్యాస్ ట్రక్.. సీసీటీవీలో రికార్డైన భయానక దృశ్యాలు
చిలీలోని రెంకా ప్రాంతలో గురువారం లిక్విడ్ గ్యాస్ రవాణా చేస్తున్న ట్రక్ పేలింది. నలుగురు ప్రాణాలు కోల్పోగా.. 17 మంది తీవ్రంగా గాయపడ్డారు. పేలుడుకు సంబంధించిన వీడియో ఒకటి సోషల్ మీడియాలో వైరల్గా మారింది.
ఇంటర్నెట్ డెస్క్: లిక్విడ్ గ్యాస్ రవాణా చేస్తున్న ట్రక్ పేలిన ఘటనలో నలుగురు ప్రాణాలు కోల్పోగా.. 17 మంది తీవ్రంగా గాయపడ్డారు. ఈ సంఘటన గురువారం చిలీలో చోటుచేసుకుంది. స్థానిక అధికారులు తెలిపిన వివరాల మేరకు.. గురువారం ఓ ట్రక్ హైవేపై లిక్విడ్ గ్యాస్ తీసుకెళుతూ ఉంది. ఈ నేపథ్యంలోనే రెంకా ప్రాంతలో డ్రైవర్ వాహనంపై కంట్రోల్ కోల్పోయాడు. ట్రక్ అదుపు తప్పి బోల్తా పడింది. ఆ వెంటనే భారీ పేలుడు సంభవించింది. పేలుడు తీవ్రత 150 నుంచి 200 మీటర్ల వరకు పడింది. దాదాపు 50 వాహనాలు ప్రమాదంలో కాలిపోయాయి.