· పదేళ్ల కేసీఆర్ పాలనలో తెలంగాణ అద్భుత ప్రగతి

· కాళేశ్వరం ప్రాజెక్టు తప్పిదాలను పట్టించుకోని సర్వే

· సాగు విస్తీర్ణం 1.31 కోట్ల ఎకరాలనుంచి 2.2 కోట్ల ఎకరాలకు వద్ధి

· కాళేశ్వరం ప్రాజెక్టుతో రెట్టింపయిన ధాన్యం దిగుబడులు

· నీటిఎద్దడితో కటకట పడిన రాష్ట్రం…అన్నపూర్ణగా వెలిగిన వైనం

· తాగునీటిని అందించే మిషన్ భగీరథకు ప్రశంసలు

· మిషన్ కాకతీయ కింద చెరువుల పునరుద్ధరణ

· రాష్ట్రంలో తలసరి ఎనఎస్‌డీపీ 212% వది

· జీఎస్‌డీపీ 224.38% వద్ధి నమోదు

· రైతుబంధు ప్రవేశపెట్టిన తొలి రాష్ట్రం

హైదరాబాద్, నేటిధాత్రి: 

కాళేశ్వరం ప్రాజెక్టును “కూలేశ్వరం” అంటూ కాంగ్రెస్ ప్రభుత్వం విమర్శల దాడి చేస్తున్నప్పటికీ, కేంద్ర ప్రభుత్వం జనవరి 29న పార్లమెంట్‌లో ప్రవేశపెట్టిన 2025`26 ఆర్థిక సర్వే, 2014` 2023 మధ్యకాలంలో కల్వకుంట్ల చంద్రశేఖర్‌రావు పదవీకాలంలో తెలంగాణ అద్భుతమైన ప్రగతి సాధించిందంటూ ప్రశంసలు కురిపించడం రేవంత్ ప్రభుత్వానికి ఇబ్బంది కలిగించే అంశం! విచిత్ర మేమంటే కాళేశ్వరం ప్రాజెక్టుపై ఏర్పాటు చేసిన జస్టిస్ ఘోష్ కమిషన్ తన నివేదికను 2025, జులై 31న ప్రస్తుత కాంగ్రెస్ ప్రభుత్వానికి సమర్పించింది. కాళేశ్వరం ఎత్తిపోతల పథ కం నిర్మాణం, నిర్వహణ విషయంలో గత బీఆరఎస్ ప్రభుత్వ తప్పిదాలను ఎత్తిచూపుతూ 665 పేజీల సుదీర్ఘ నివేదికను ఈ కమిషన్ రూపొందించింది. కాళేశ్వరం తప్పిదాలకు కర్త, కర్మ,క్రియ కేసీఆరేనని నివేదికలో కమిషన్ కుండబద్దలు కొట్టింది. మేడిగడ్డ బ్యారేజ్‌లో ఒక పిల్లర్ కుంగిన నేపథ్యంలో సమర్పించిన ఈ నివేదిక ఆధారంగా రేవంత్ ప్రభుత్వం ఈ ప్రాజెక్టు విషయం లో కేసీఆర్ వైఫల్యాలను ఎండగట్టడమే కాకుండా, ప్రాజెక్టులో పెద్దఎత్తున అవినీతి జరిగిందని ప్రచారం చేస్తూ వస్తోంది. గత స్థానిక ఎన్నికల్లో, ప్రస్తుత మున్సిపల్ ఎన్నికల్లో రేవంత్ ప్రభు త్వం కేసీఆర్ పై విమర్శల దాడిలో ప్రధానంగా ఈ కాళేశ్వరం ప్రాజెక్టునే ప్రస్తావిస్తుండటం గ మనార్హం.

విచిత్రమేమంటే, కాంగ్రెస్ ప్రభుత్వం ఇంతగా కేసీఆర్‌పై ఆరోపణల దాడులు చేస్తున్నప్పటికీ, కేంద్ర ప్రభుత్వం సమర్పించిన ఆర్థిక సర్వే కేసీఆర్ పదేళ్ల పాలనా కాలంలో తెలంగాణ అద్భుత ప్రగతి సాధించిందని ప్రశంసించడం విశేషం. కాళేశ్వరం ప్రాజెక్టు, మిషన్‌భగీరథ పథకం కారణంగా 2014లో రాష్ట్రంలో 1.31కోట్ల ఎకరాలుగా వున్న సాగు విస్తీర్ణం, 2023 నాటికి 2.2కోట్ల ఎకరాలకు పెరిగిందని పేర్కొంది. ఇక ఆర్థికంగా రాష్ట్రం పనితీరు ఈ పదేళ్ల కాలంలో అద్భుతంగా వున్నదని స్పష్టం చేసింది. జీఎస్‌డీపీ 224.38% వద్ధి నమోదు చేయగా, తలసరి ఎనఎస్‌డీపీ 212% వద్ధి చెందడం నిజంగా రాష్ట్రం సాధించిన అద్భుత విజయానికి చిహ్నమని పేర్కొంది. ఇదే సమయంలో విద్యుత్ వినియోగం, ధాన్యం ఉత్పత్తిలో దేశంలోనే అగ్రస్థానంలో నిలవడం విశేషమని వివరించింది. దేశ జనాభాలో మూడుశాతం జనాభా కలిగిన ఈ రాష్ట్రం జాతీయస్థాయి ఉద్యోగాల్లో 5% వాటాతో, 1.7లక్షల ప్రభుత్వ, 7లక్షల ప్రైవేటు ఉద్యోగాల కల్పన సాధించిందని పేర్కొంది. నీటిసరఫరా, నిధులు, ఉపాధి కల్పన రంగాల్లో ఈ దశాబ్దకాలంలో అ ద్భుతమైన పనితీరు ప్రదర్శించిందని స్పష్టం చేసింది. 

ఐటీ, ఫార్మా, తయారీ, ఎంఎసఎంఈల రంగంలో కూడా రాష్ట్రం గణనీయ పురోగతి సాధించిందని వెల్లడించింది. మిషన్ కాకతీయ కింద రాష్ట్రవ్యాప్తంగా 27,625 చెరువుల పునరుద్ధరణతో పాటు, మహిళాసాధికారత, గ్రామీణ ప్రాంతాల ఆర్థిక పురోగతి విషయంలో మంచి ఫలితాలు రాబట్టిందన్నది. మొత్తంమీద చెప్పాలంటే ఈ కాలం రాష్ట్ర చరిత్రలో ఒక “స్వర్ణయుగం”గా మిగిలిపోతుందని ముఖ్యంగా అభివద్ధి దిశగా అద్భుతమైన పరిణామ క్రమాన్ని నమోదు చేసిన కాలమిదని ప్రశంసించింది. ఈ సందర్భంగా కాళేశ్వరం ఎత్తిపోతల పథకం, మిషన్ భగీరథ పథకం రాష్ట్ర రూపురేఖలనే మార్చి వేసాయని స్పష్టం చేసింది.

కేసీఆర్ పదవీకాలంలో ఎనిమిదేళ్ల పాటు దేశ స్థూల జాతీయోత్పత్తి (జీడీపీ)కి రూ.6.7లక్షల కోట్లు రాష్ట్రం జతచేసిందంటూ ప్రశంసించింది. 2014కు ముందు ఇది కేవలం రూ.2.67లక్షల కోట్లు మాత్రమేనని గుర్తుచేసింది. మౌలిక సదుపాయాల కల్పనను వేగవంతం చేసే ప్రక్రియలో భాగంగా కేసీఆర్ ప్రభుత్వం ప్రవేశపెట్టి టీ`ఐపాస్ విధానం సత్వర అనుమతులకు దోహదం చేసి అద్భుతమైన ఫలితాలనిచ్చిందని, ఐటీ రంగంలో ఉద్యోగాలవకాశాలు మూడురెట్లు పెరగడమే ఇందుకు ఉదాహరణ అని స్పష్టం చేసింది. అంతేకాదు అభివద్ధిలో మహిళలను కలుపుకుపో యేందుకు రాష్ట్ర ప్రభుత్వం అందుబాటులోకి తెచ్చిన “డబ్ల్యుఈ`హబ”, మహిళా పారిశ్రామిక వేత్తలను అద్భుతమైన రీతిలో ప్రోత్సహించిందని పేర్కొంది. నిజానికి దేశంలోనే ఈ హబ్‌ను ప్రా రంభించిన రాష్ట్రంగా తెలంగాణ రికార్డు సష్టించింది. ఇదే సమయంలో కేసీఆర్ ప్రభుత్వం తీసుకున్న చర్యలవల్ల ద్రవ్యోల్బణం గణనీయంగా తగ్గిపోయిందని ఆర్థిక సర్వే ప్రశంసించింది. 2014కు ముందు రాష్ట్రంలో ద్రవ్యోల్బణం 8.5% వుండగా బీఆరఎస్ అధికారంలో వున్న పదేళ్ల కాలంలో దీన్ని 2.6%కు కట్టడి చేయగలిగిందని ఉదహరించింది. నిజంగా ప్రభుత్వం అద్భుత పనితీ రుకు ఇది నిదర్శనంగా చెప్పవచ్చు. ఎందుకంటే ద్రవ్యోల్బణం ప్రభావాన్ని ప్రత్యక్షంగా అనుభవించేది సామాన్యులు, మధ్యతరగతి ప్రజలే. ద్రవ్యోల్బణం పెరిగితే ధరలు పెరిగి సామాన్యులు ఇక్కట్ల పాలవడం తథ్యం. ఏ ప్రభుత్వమైతే ధరలను అదుపులో వుంచగలుగుతుందో అది ప్రజలకు మేలుచేసే ప్రభుత్వంగా భావించాలి. 

2014‘23 మధ్యకాలంలో తమ పరిపాలనా కాలాన్ని బీఆరఎస్ నేతలు “బంగారు తెలంగాణ” గా చెబుతుంటారు. తమ ప్రభుత్వం సంక్షేమం, వ్యవసాయం, మౌలిక సదుపాయాలు, మహిళాభివద్ధి, సాగు, తాగునీటి సదుపాయాలపై ప్రత్యేక దష్టిపెట్టి అభివద్ధి చేసిందని ఈ నాయకులు చెబుతున్న అంశాల్లోని సత్యాన్ని 2025‘26 ఆర్థిక సర్వే వెల్లడించింది. మిషన్ భగీరథ ప్రధానంగారా ష్ట్రంలోని ప్రతి ఇంటికి సురక్షితమైన తాగునీటి సదుపాయ కల్పనకోసం ఉద్దేశించింది. నీటి ఎద్దడి ప్రాంతాలకు కాళేశ్వరం ఎత్తిపోతల పథకం ఎంతో మేలుచేసింది. ముఖ్యంగా నీటి సదుపాయం అందుబాటులోకి రావడంతో, ఒకప్పుడు బీడు భూములుగా వున్న ప్రాంతాలు మంచి ఫల సాయాన్నిచ్చే సుక్షేత్రాలుగా మారిపోయాయి. ఈ సత్యాన్ని ఏ ప్రభుత్వం అధికారంలో వున్నా అంగీకరించాల్సిందే. ఇక ఫ్లెíఓవర్ల నిర్మాణం, మెట్రో విస్తరణ, రోడ్డు సదుపాయాల కల్పన వంటి అభివద్ధి పనుల ద్వారా, హైదరాబాద్ ఇతర నగరాలు, పట్టణాల్లో మౌలిక సదుపాయాల విస్తరణ బాగా పెరిగింది. 

ఇక వ్యవసాయరంగంలో కేసీఆర్ ప్రభుత్వం సాధించిన మరో గొప్ప విజయం, రైతులకు 24/7 విద్యుత్ సదుపాయాన్ని కల్పించడం. అంతేకాదు అంతకుముందు కరంటు కోతతో సతమతమ య్యే రాష్ట్రాన్ని, మిగులు విద్యుత్ రాష్ట్ర స్థాయికి తీసుకెళ్లిన ఘనత కూడా కేసీఆర్ ప్రభుత్వానిదే. దేశంలో దీన్ని సాధించిన మొట్టమొదటి రాష్ట్రం తెలంగాణ కావడం విశేషం. మిషన్ కాకతీయ కింద చెరువుల పునరుద్ధరణ, “రైతుబంధు” పథకం కింద రైతులకు పెట్టుబడి సహాయం అందించడం వంటివి బీఆరఎస్ ప్రభుత్వం అమలు చేసిన ముఖ్యమైన పథకాలు. నిజం చెప్పాలంటే రై తుబంధు అమలును చూసిన తర్వాతనే కేంద్ర ప్రభుత్వం కూడా ఇదేమాదిరి పథకాన్ని ప్రవేశపెట్టి, రైతుల ఖాతాల్లో పెట్టుబడి సహాయం కింద కొంత మొత్తాన్ని జమచేయడం మొదలుపెట్టింది. రైతుబంధు స్ఫూర్తితో దేశంలోని కొన్ని రాష్ట్రాలు ఇటువంటి పథకాలనే అమలు చేస్తుండటం వర్తమాన చరిత్ర. వద్దులు, వితంతువులు, వికలాంగులు, ఒంటరి మహిళలకు “ఆసరా”పేరుతో పింఛను పథకాన్ని అమలు చేసింది. ఇక ఔత్సాహికులైన దళి తులు ఎవరైనా సొంతంగా ఔత్సా హిక పారిశ్రామిక వేత్తలుగా ఎదగాలనుకుంటే, నూటికి నూరు శాతం సబ్సిడీతో ఆర్థిక సహాయంఅందించే “దళిత బంధు” పథకాన్ని బీఆరఎస్ ప్రభుత్వం ప్ర వేశపెట్టి అమలు చేసింది. ఇదిలా వుండగా, బీఆరఎస్ హయాంలో పెద్దఎత్తున గురుకుల విద్యా సంస్థలను ఏర్పాటు చేయడం విశేషం.

తెలంగాణ రాష్ట్రం ఆవిర్భవించినప్పుడు మొత్తం 10 జిల్లాలుండేవి. జనాభా, విస్తీర్ణం దష్ట్యా పాలనా పరమైన ఇబ్బందులను అధిగమించేందుకు జిల్లాల పునర్‌వ్యవస్థీకరణను బీఆరఎస్ ప్రభుత్వంచేపట్టింది. దీంతో రాష్ట్రంలో మొత్తం 33 జిల్లాలు ఏర్పాటయ్యాయి. ఉమ్మడి ఆంధ్రప్రదేశ్ కాలం లో నిర్లక్ష్యానికి గురైన తెలంగాణ సంస్కతికి వైభవాన్ని తెచ్చేందుకు ప్రభుత్వం ఎంతో కషి చేసింది. ఇందులో భాగంగా బతుకమ్మ పండుగకు అత్యంత ప్రాధాన్యతనిచ్చి తెలంగాణ సంప్రదాయాలు, ఆచార వ్యవహరాలను అందరికీ తెలిసేవిధంగా కషిచేసింది. అంతేకాదు వినోదరంగం ముఖ్యంగా సినిమాల్లో తెలంగాణ యాసను హాస్యానికి లేదా విలన్ పాత్రలకు మాత్రమే వుపయోగించేవారు. కేసీఆర్ పుణ్యమాని ఆ పరిస్థితి పూర్తిగా మారింది. ఇప్పుడు ఏకంగా తెలంగాణ యాసలో సినిమాల చిత్రీకరణ జరగడమే కాదు అవి బాక్సాఫీసు వద్ద మంచి కలెక్షన్లు రాబడుతుండ టం వర్తమాన విశేషం. మహిళల భద్రతకోసం “షీటీమ్స”ను ఏర్పాటు చేసి కట్టుదిట్టమైన చర్యలుతీసుకోవడం విశేషం. సమర్థవంతంగా అమలు చేసిన సంక్షేమ, పాలనాపరమైన సంస్కరణలకు గుర్తింపుగా రాష్ట్రం అనేక “స్కాచ్ అవార్డులను” అందుకుంది.

తెలంగాణ అస్తిత్వానికి గుర్తింపు తెచ్చిన కేసీఆర్ ఇందుకు ఒక ఐకాన్‌గా నిలిచారు. తెలంగాణ సాధించిన నాయకుడిగా, రాష్ట్ర చరిత్రలో తన స్థానాన్ని పదిలం చేసుకున్నారు. పాలనలో లోపా లుండవచ్చు, అమలులో పొరపాట్లు జరిగుండవచ్చు. ఏ ప్రభుత్వం అధికారంలో వున్నా ఇవి త ప్పవు. రాష్ట్రం సాధించిన అభివద్ధే ప్రభుత్వ పనితీరుకు కొలమానంగా నిలుస్తుంది. దీన్ని 2025`26 కేంద్ర ఆర్థిక సర్వే నివేదిక స్పష్టంగా వివరించింది. ప్రత్యర్థుల విమర్శలు సహజం. వారు లోపాలను ఎత్తిచూపుతుంటారు. అది చేయకపోతే వారికి మనుగడ వుండదు. చేయని పనులకు విపరీత ప్రచారం చేసుకుంటున్న ఈ రోజుల్లో, చేసిన పనిని సమర్థవంతంగా ప్రజల్లోకి తీసుకెళ్ల డం కూడా అధికారంలో వున్నవారికి అత్యంత అవసరం. ఇది ప్రజల్లో వ్యతిరేక అభిప్రాయం ఏర్పడకుండా కాపాడుతుంది!

· పరిపాలనా సౌలభ్యం కోసమంటున్న ప్రభుత్వం

· విపక్షాలను దెబ్బతీసే వ్యూహమంటున్న బీఆరఎస్

· హైదరాబాద్ మేయర్ చేజిక్కించుకోవడానికే ఈ వ్యూహం: విపక్షాలు

· కాంగ్రెస్, ఎంఐఎంలకు ప్రయోజనం

· విలీనం చేసే కొత్త ప్రాంతాల్లో రెట్టింపు కానున్న ఇంటి పన్నులు

· వార్డుల సరిహద్దుల విభజన అశాస్త్రీయం: బీజేపీ

· కాంగ్రెస్‌కు అనుకూలంగా వార్డుల విభజన?

· విభజనపై కాంగ్రెస్‌లోనే ఏకాభిప్రాయం లేదు

· విభజనతో ఆర్థిక భారం: విమర్శకులు

· ఢిల్లీని విడగొట్టి మళ్లీ విలీనం చేశారు కదా: గుర్తుచేస్తున్న విమర్శకులు

· ఇప్పటికైతే విభజన ఉద్దేశం లేదు: మంత్రి శ్రీధర్‌బాబు

· కార్పొరేషన్లతో సహా, రాష్ట్రంపై పట్టుకు రేవంత్ దూకుడు

హైదరాబాద్, నేటిధాత్రి: 

పస్తుతం జరుగుతున్న మున్సిపల్ ఎన్నికలు ముగిసిన వెంటనే జీహెచఎంసీని మొత్తం మూడు కార్పొరేషన్లుగా విడగొట్టాలని రేవంత్ ప్రభుత్వం ప్రయత్నిస్తోంది. ప్రస్తుత మున్సిపల్ కార్పొరేషన్ పదవీకాలం ఈనెల 10వ తేదీతో ముగుస్తోంది. మీడియాలో వస్తున్న వార్తలను బట్టి, జీహెచఎంసీని హైదరాబాద్ కార్పొరేషన్ (కోర్ సిటీ), సైబరాబాద్ కార్పొరేషన్ (వెస్ట్), మల్కాజ్‌గిరి కార్పొరేషన్ (తూర్పు) విభాగాలుగా విడగొట్టాలన్నది ప్రభుత్వ ఉద్దేశంగా కనిపిస్తోంది. ఈ ప్రణాలిక ప్రకారం హైదరాబాద్ కార్పొ రేషన్ పరిధి లో సికింద్రాబాద్, ఖైరతాబాద్, గోý£్కండ, చార్మినార్, రా జేంద్రనగర్, షంషాబాద్‌లు వుంటాయి. ప్రస్తుతం లోయర్ ట్యాంక్‌బండ్ వద్ద వున్న జీహెచఎంసీకార్యాలయమే దీని ప్రధాన కార్యాలయంగా కొనసాగనుంది. ఇక సైబరాబాద్ కార్పొరేషన్‌లో కూకట్‌పల్లి, ఖుద్బుల్లాపూర్, శేరిలింగంపల్లి ప్రాంతాలు వుండనున్నాయి. ఈ కార్పొరేషన్‌ను అధికారికంగా శేరిలింగంపల్లి కార్పొరేషన్‌గా వ్యవహరించే అవకాశముంది. మాదాపూర్‌లోని నేషనలఅకాడమీ ఆఫ్ కన్‌స్ట్రక్షన్(ఎనఏసీ)లో దీని కేంద్ర కార్యాలయం పనిచేయనుంది. ఇక మల్కాజ్‌గిరికార్పొరేషనల్ పరిధిలోకి తూర్పు జోన్ లయిన మల్కాజ్‌గిరి, ఎల్.బి.నగర్, ఉప్పల్ ప్రాంతాలు వుండనున్నాయి. తార్నాకలోని హైదరాబాద్ మెట్రోపాలిటన్ డెవలప్‌మెంట్ అథారిటీ (హెచఎండీఏ) భవనంలో ఈ కార్పొరేష న్ ప్రధాన కార్యాలయం వుండే అవకాశముంది. కౌన్సిల్ రద్దయిన తర్వాత స్పెషల్ కమిషనర్ మొత్తం కార్పొరేషన్ బాధ్యతలను నిర్వహించనున్నారు. ప్రస్తుతం 2053 చదరపు కిలోమీటర్ల విస్తీర్ణంలో వ్యాపించి వున్న జీహెచఎంసీలో మొత్తం 300 వార్డు లుండగా, దీన్ని మూడు కార్పొరేషన్లుగా విభచించిన తర్వాత, హైదరాబాద్ కార్పొరేషన్ పరిధిలో 150, సైబరాబాద్ కార్పొరేషన్ పరిధిలో 76, మల్కాజ్‌గిరి కార్పొరేషన్ పరిధిలో 74 వార్డులు వుండనున్నాయి. 

గ్రేటర్ హైదరాబాద్ మున్సిపల్ కార్పొరేషన్ (జీహెచఎంసీ)ని మొత్తం మూడు యూనిట్లుగా విభజించాలన్న ప్రభుత్వ యోచన వెనుక రాజకీయ దురుద్దేశాలున్నాయన్న ఆరోపణలున్నాయి. అయితే పాలనాపరమైన సౌలభ్యతకోసం, ప్రజలకు మంచి సుపరిపాలన అందించాలన్న లక్ష్యమే ఇం దుకు కారణమని ప్రభుత్వం చెబుతున్నా, విపక్షాలు ముఖ్యంగా బీఆరఎస్ మాత్రం ఈ ఆలోచన ను తీవ్రంగా వ్యతిరేకిస్తున్నది. ప్రభుత్వం ప్రస్తుతం వున్న జీహెచఎంసీని మూడు భాగాలుగా అంటే హైదరాబాద్, సైబరాబాద్, మల్కాజ్‌గిరి కార్పొరేషన్లు విడగొట్టాలని యోచిస్తున్నది. ఈవిధంగాచిన్న యూనిట్లుగా విడగొట్టడం వెనుక విపక్షాల ఆధిపత్యాన్ని దెబ్బకొట్టాలన్న రాజకీయ లక్ష్యం వున్నట్టు అనుమానాలు వ్యక్తమవుతున్నాయి. ఆవిధంగా విడగొట్టిన మూడు కార్పొరేషన్లపై తన పట్టును మరింత బలంగా విస్తరించవచ్చునన్నది రేవంత్ ప్రభుత్వ వ్యూహంగా తెలుస్తోంది. 2023ఎన్నికల్లో బీఆరఎస్ మంచి ఆధిపత్యం ప్రదర్శించిన హైదరాబాద్ నగరంలోని నియోజకవర్గాలను ముÅ£్కలు చేయడం ద్వారా పార్టీ నడ్డి విరవడమే కాకుండా కాంగ్రెస్‌ను బలోపేతం చేసి తిరుగులేని శక్తిగా రూపొందించే వ్యూహం దీని వెనుక వున్నదని తెలుస్తోంది. ఈ పునర్విభజన కాంగ్రెస్‌కు అనుకూలమైన రీతిలో వుండే విధంగా జాగ్రత్తలు తీసుకోనున్నారు. కాంగ్రెస్ ప్రభుత్వం చేపట్ట బోయే ఈ ప్రక్రియలో ఆల్ ఇండియా ఇత్తెహాదుల్ ముస్లిమీన్ (ఏఐఎంఐఎం) ఒక జోన్‌లో అ త్యంత శక్తివంతమైనదిగా రూపొందడమే కాదు, కింగ్‌మేకర్ పాత్రను పోషించనుంది. అయితే ప్రభుత్వం స్వార్థంతో కొన్ని వనరులు, భూమిపై ఆధిపత్యం సంపాదించేందుకే ఇటువంటి నిర్ణ యం తీసుకుంటోందని, బీఆరఎస్ సహా విపక్షాలు తీవ్రంగా ఆరోపిస్తున్నాయి. ఇది ప్రభుత్వ ని యంతత్వ వైఖరికి నిదర్శనం తప్ప మరోటి కాదని విమర్శిస్తున్నారు. ఇది తీవ్రమైన ఆర్థిక ఇబ్బందులకు దోహదం చేస్తుందన్నది వీరి వాదన. ఇందుకు ఉదాహరణగా ఢిల్లీని చూపుతున్నారు. గతంలో మెరుగైన పాలన పేరుతో దేశరాజధాని నగరాన్ని ఇదే విధంగా విభజించిన తర్వాత తీవ్రస్థాయిలో ఆర్థిక ఇబ్బందులు తలెత్తాయి. ఫలితంగా విభజన నిర్ణయం సముచితం కాదని అర్థమై ఎట్టకేలకు నగరాన్ని మొత్తం ఏకం చేశారు. ఈ అంశాన్ని ప్రభుత్వం దష్టిలో పెట్టుకోవాలని వీరు గట్టిగా చెబుతున్నారు. 

కేవలం కాంగ్రెస్, ఎంఐఎంలకు ప్రయోజనం చేకూర్చే రీతిలో జీహెచఎంసీని మూడు విభాగాలుగా విడగొడుతున్నారని బీఆరఎస్, బీజేపీలు ఆరోపిస్తున్నాయి. ఇది పూర్తి అశాస్త్రీయమైన విభజనఅంటూ ఈ ప్రతిపాదనను విరమించుకోవాలని ప్రభుత్వాన్ని డిమాండ్ చేస్తున్నాయి. అంతేకాదు రియల్ ఎస్టేట్ వ్యాపార ప్రయోజనాలకోసం కూడా ప్రభుత్వం ఈ విభజన ప్రక్రియకు తెరతీసిందని ఆరోపిస్తున్నాయి. కొత్తగా వీలీనమయ్యే ప్రాంతాల విషయంలో పారదర్శకత లేకపోవడం, పెరిగిన పన్నుల భారాలు, మౌలిక సదుపాయాల అంశాన్ని పట్టించుకోకపోవడం వంటి అంశాలపైఈ పార్టీలు ఆందోళన వ్యక్తం చేస్తున్నాయి. ఈ విభజనవల్ల మేయర్ పదవి కాంగ్రెస్, ఎంఐఎంలచేతుల్లోకి వెళుతుందని, అధిక విలువలున్న భూములను నియంత్రించే దురుద్దేశంతోనే ప్రభుత్వంఈ అనైతిక విభజన ప్రక్రియకు శ్రీకారం చుట్టిందంటూ బీజేపీ విమర్శిస్తోంది. దీన్ని అభివద్ధి ప్రాజెక్టు అనేదానికంటే “రెడ్ ఎస్టేట” ప్రాజెక్టు అని పిలవొచ్చని విపక్షాలు ఎద్దేవా చేస్తున్నాయి. అంతేకాదు కొత్త వార్డుల సరిహద్దులను సరైన సంప్రదింపులు లేకుండా ఏకపక్షంగా గీసారని, ఫలితంగా ప్రస్తుతమున్న పరిపాలనా వ్యవస్థ కుప్పకూలిపోవడమే కాదు, తమకు గట్టి బలం వున్న ప్రాంతాలు విభజన చెందడంవల్ల పట్టు కోల్పోతామన్న ఆందోళనను బీఆరఎస్, బీజేపీలు వ్యక్తం చేస్తున్నాయి. దీనికి తోడు కార్పొరేషన్లలో కొత్తగా చేర్చే ప్రాంతాలకు చెందిన ప్రజలు, ఇప్పటికీ ఎటువంటి మౌలిక వసతులు ఏర్పడనప్పటికీ, రెట్టింపు ఇంటి పన్నులు కట్టాల్సి వస్తుందన్న ఆం దోళన వ్యక్తమవుతోంది. ఏవిధమైన విస్తరణలేని ప్రస్తుత జీహెచఎంసీలోనే మౌలిక సదుపాయా లు అరకొరగా వున్న పరిస్థితి నెలకొంది. ఇప్పుడు విస్తరణ పేరుతో కొత్త ప్రాంతాలను కూడా కలిపేయడం వల్ల మౌలిక వసతుల పరంగా కార్పొరేషన్‌పై తీవ్ర ఒత్తిడి ఏర్పడుతుందన్న విమర్శ లున్నాయి. ముఖ్యంగా రోడ్లు, పారిశుద్ధ్యం, నీటి వసతుల కల్పన పరంగా ఇబ్బందులు తప్పవన్న అభిప్రాయం వ్యక్తమవుతోంది. అదీకాకుండా ఇంతపెద్ద ప్రక్రియ చేపడుతున్నప్పుడు ప్రభుత్వం విపక్షాలను, ఆయా ప్రాంతాల ప్రజలను సమావేశపరచి నిర్ణయం తీసుకోవాలి తప్ప, ఏకపక్షంగావిభజన చేయడం ఎంతవరకు సమంజసమన్నది అసలు ప్రశ్న. 

జీహెచఎంసీపై తాను తీసుకోబోయే నిర్ణయం విషయంపై వస్తున్న విమర్శలను ప్రభుత్వం ఖాత చేయడంలేదు. మెరుగైన పాలనతో పాటు ప్రజలకు మంచి పాలన అందించే ఉద్దేశంతోనే ఈ ప్రక్రియ చేపడుతున్నామని స్పష్టం చేస్తోంది. విచిత్రమేమంటే కాంగ్రెస్‌లోనే ఈ నిర్ణయంపై విభేదా లున్నట్టు తెలుస్తోంది. అంతేకాదు, ఇటువంటి కీలక నిర్ణయం తీసుకునేముందు తమ అభిప్రా యాలను పరిగణలోకి తీసుకోలేదని కొందరు నాయకులు మదనపడుతున్నట్టు చెబుతున్నారు. అయితే కాంగ్రెస్ నాయకుల్లో చాలామంది రేవంత్ తీసుకోబోయే ఈ నిర్ణయాన్ని కేవలం ఏకపక్షమని, రాజకీయ ప్రయోజనాలమాట అట్లావుంచి దీర్ఘకాలంలో ఇప్పుడు మనం అంచనా వేయలేని కొత్త సమస్యలు ఉత్పన్నమయ్యే అవకాశముందన్న అభిప్రాయాన్ని వ్యక్తం చేస్తున్నారు. ఒకవేళ ఈనిర్ణయం బూమరాంగ్ అయితే సరిదిద్దుకోలేని తప్పుగా మారుతుందని కూడా వారు భయపడు తున్నారు. ఒకవేళ ఈ నిర్ణయం తప్పని భావించి మళ్లీ జీహెచఎంసీని ఏకం చేయాలనుకున్నా ఢిల్లీలో మాదిరిగా ముక్కలు చేసిన వాటిని తిరిగి ఏకం చేయడం దుస్సాధ్యమన్నది కూడా వారి అభి ప్రాయంగా కనిపిస్తున్నది. ఇదిలావుండగా జీహెచఎంసీని మూడు ప్రాంతాలుగా విడగొట్టట్టే అంశంపై ఈ ఏడాది ప్రారం భంలో సీరియస్‌గా చర్చించినప్పటికీ, విభజన ప్రక్రియకు సంబంధించిఒక నిర్ణయానికి రానట్టు తెలుస్తోంది. అయితే దీనిపై పరస్పర విరుద్ధ వాదనలు వినిపిస్తు న్నాయి. ముఖ్యంగా కాంగ్రెస్‌లో నే కొందరు ఈ ప్రతిపాదనను తిరస్కరిస్తే, మరికొందరు సమ ర్థించినట్టు చెబుతున్నారు. ప్రస్తుత జీహెచఎంసీ పదవీ కాలం పూర్తయిన తర్వాత ప్రభుత్వం ఒకనిర్ణయానికి వచ్చే అవకాశముంది. ఈనెల 10వ తేదీతో జీహెచఎంసీ టర్మ్ ముగిసిపోతున్న నేపథ్యంలో, ఐ.టి.శాఖ మంత్రి శ్రీధర్‌బాబు ఇప్పటికైతే జీహెచఎంసీని మూడు కార్పొరేషన్లుగా విడ గొట్టే ఆలో చన ప్రభుత్వానికి లేదని స్పష్టం చేయడం కొసమెరుపు!