అంతర్ముఖ, ఆనంద, ఆరోగ్య యోగ శిబిరం
కేసముద్రం/ నేటి ధాత్రి
కేసముద్రం మండల కేంద్రంలోని శ్రీ వివేకవర్ధిని హై స్కూల్ లో ఈ నెల 8వ తేదీ న అంతర్ముఖ, ఆనంద, ఆరోగ్య యోగ శిబిరం నిర్వహించనున్నట్లు నిర్వాహకులు చిర్ర యాకాంతం గౌడ్, చింతనూరి సతీష్ లు తెలిపారు.
ఈ యోగ శిబిరం శ్రీ సత్యసాయి ధ్యానమండలి, విజయవాడ ఆధ్వర్యంలో, పూజ్యశ్రీ బిక్షమయ్య గురూజీ మార్గదర్శకత్వంలో జరిగే ఈ శిబిరంలో యోగాభ్యాసం ద్వారా శారీరక-మానసిక ఆరోగ్యం మెరుగుపర్చుకోవడం, అంతర్ముఖ ఆనందాన్ని పొందడం, జీవితాన్ని సానుకూల దృక్పథంతో సాగించడం వంటి అంశాలపై సాధన మరియు ఉపన్యాసాలు నిర్వహిస్తారు.
ఈ యోగ శిబిరంలో పాల్గొనే వారికి జీవితంలో సానుకూల మార్పులు చోటుచేసుకుంటాయని వారు పేర్కొన్నారు.
ఈ శిబిరంలో పాల్గొనదలచిన వారు ముందుగా నమోదు చేసుకోవాలని నిర్వాహకులు కోరారు. ఆసక్తి గల భక్తులు, యువత, మహిళలు పెద్ద సంఖ్యలో పాల్గొని శిబిరాన్ని విజయవంతం చేయాలని వారు విజ్ఞప్తి చేశారు.
