Category: తాజా వార్తలు

`సిఎం. రేవంత్‌ రెడ్డి, మంత్రి పొంగులేటిల అభిప్రాయమే ఫైనల్‌

`రోజుకో వార్తతో ఆశావహుల లీకులు

`డీల్లీలో పెద్ద ఎత్తున పైరవీల ప్రయత్నాలు

`అధిష్టానం ఇంత వరకు ఎవరికీ అప్పాయింట్‌ ఇవ్వలేదు

`నాయకుల బెదిరింపులన్నీ ఉత్తమాటలే

`అధికార పార్టీకి రాజీనామా చేసేంత ధైర్యం ఎవరూ చేయలేరులే!

`ఇప్పటికే పదవులున్న కుటుంబాలకు చోటు దక్కదు

`పార్టీ గెలుపుకు పని చేసిన వారికే గుర్తింపు

`సిఎం. రేవంత్‌ అభిప్రాయమే ఫైనల్‌

`అధిష్టానం పూర్తిగా రేవంత్‌ నిర్ణయాలకే విలువ

`నాలుగు మంత్రులు కాదు..ఆరుగురి ప్రమాణం కోసమే వాయిదా

`విజయశాంతికి మంత్రి వర్గంలో చోటు

`తెలంగాణ ఇచ్చిన వెంటనే పార్టీలో చేరిన తొలి నాయకురాలు

`తెలంగాణ కోసం పార్టీ పెట్టి కొట్లాడిన ఏకైక నాయకురాలు

`ఇప్పటికైనా ఆమె సేవలు వినియోగించుకోవాలని నిర్ణయం

`నల్గొండ జిల్లా నుంచి ఒకరికి అవకాశం

`రెడ్డి సామాజిక వర్గానికి మాత్రం కాదు

`వెంకట స్వామి కుటుంబానికి ఇవ్వడం కుదరదు!

`అధిష్టానం ఆశీస్సులు, రేవంత్‌ రెడ్డి మెప్పులు వున్న వారికే పదవులు

`జాప్యానికి ప్రత్యేక కారణమేమీ లేదు

`మంత్రుల తొలగింపు ప్రస్తావనే లేదు

`శాఖల మార్పులకు ఆస్కారమే లేదు

హైదరాబాద్‌,నేటిధాత్రి:
తన రాజకీయాన్ని తనే బైటేసుకోవడంలో కాంగ్రెస్‌ను మించిన పార్టీ మరొకటి వుండదు. కాంగ్రెస్‌పార్టీ అంటేనే గ్రూపు రాజకీయాలు. అయితే గతంలో గ్రూపుల మాటలు, చెప్పే చాడీలు బాగా చెల్లేవి. కాని కొన్ని సంవత్సరాలుగా ఆ చెప్పుడు మాటలకు పెద్దగా విలువ వుండడం లేదు. అయినా కాంగ్రెస్‌ నాయకుల తీరు మారడం లేదు. ఎవరు ఎన్ని చెప్పినా, ఎవరు ఎన్ని రకాల మాటలు మాట్లాడినా పార్టీ అధిష్టానం ముందు ముఖ్యమంత్రి రేవంత్‌రెడ్డి, మంత్రి పొంగులేటి మాటలకు వుండే విలువ వేరు. ఈ సంగతి తెలిసినాకొంత మంది సీనియర్లు తమ పూర్వపు అలవాటును మానుకోవడం లేదు. ఒక్క మాటలో చెప్పాలంటే కాంగ్రెస్‌లోకి రేవంత్‌రెడ్డి రాకముందు ఒకలెక్క. రేవంత్‌ రెడ్డి పిసిసి. అయిన తర్వాత ఒక లెక్క. అప్పటి నుంచి కాంగ్రెస్‌ పార్టీలో సిఎం. రేవంత్‌రెడ్డి మాటకు వున్న విలువ మరొకరికి వుండదు. కాని తమ మాట చెల్లుతున్నట్లుగా, తమకు అదిష్టానం వద్ద అందరికంటే విలువెక్కువ అనిచెప్పుకోవడంలో చాలా మంది సీనియర్‌ ముందున్నారు. వారి మాటలకు ఎక్కడా విలువ లేదని తెలుసు. అయినా రాజకీయాల్లో వెనుకబడ్డామన్న నిజాన్ని వారు ఒప్పుకోలేరు. పైగా పార్టీని అదికారంలోకి తీసుకురావడం వారి వల్ల కాలేదన్నది కూడా సత్యం. అయినా తమకు ప్రాదాన్యత కోసం పాకులాడడం వారు మానుకోవడం లేదు. ప్రతి దానిలోనూ పుల్లలు పెట్టడం ఆపడంలేదు. ప్రత్యర్ధి పార్టీల మీద వారి ప్రతాపం కనిపించదు. బిఆర్‌ఎస్‌ మీద ఆరోపణలు చేయడానికి ధైర్యం చాలదు. బిజేపి మీద నోరు పారేసుకునేందుకు ధైర్యం చేయలేరు. కాని సొంత పార్టీ మీద మాత్రం లేనిపోని లీకులిచ్చి, పార్టీ పరువు తీయడం మాత్రం చాలా మందికి తెలుసు. అందుకే వారిని పార్టీ అదిష్టానం ఏనాడో పక్కన పెట్టింది. కాకపోతే రాజకీయ పార్టీలలో మంచిచెడు రెండూ వుంటాయి. పార్టీని పట్టుకొని వేళాడుతూనే, మరో పక్క పార్టీని ముంచే నాయకత్వం చేస్తూ వుండేవారు వుంటారు. వారిని పార్టీలు పక్కన పెట్టలేవు. అలాగని వారిని నెత్తిమీద పెట్టుకొని ఊరేగలేవు. వారికి అపరిమితమైన ప్రాదాన్యత ఇవ్వవు. అలాంటి నాయకులు కాంగ్రెస్‌లో చాలా మంది వున్నారు. ఏదైనా పార్టీకి మంచి పేరొస్తే మాత్రం మా వల్లనే అని ప్రచారం చేసుకుంటారు. ఏదైనా తేడా జరిగితే అంతా సిఎం. మీదనే తోసేందుకు కూడా వెనుకాడరు. అంతర్గత ప్రజాస్వామ్యం ఎక్కువ అనే పదాన్ని ముందు పెట్టి రాజకీయం చేస్తుంటారు. ఎందుకంటే రాష్ట్రంలో అనేక రకాల సమస్యలున్నాయి. వాటి మీద ఏ ఒక్కరూ మాట్లాడరు. ప్రతిపక్షాలకు ధీటైన సమాధానమివ్వరు. కాని సొంత పార్టీలే బాజరుకీడుస్తుంటారు. ఇటీవల జరిగిన కొన్నిమంచి విషయాలు యువ వికాసం పేరుతో యువతకు ఎంతో మేలు చేసే మంచిపనికి శ్రీకారం చుట్టారు. కాని ఆ పధకంపై విసృతమైన ప్రచారానికి ఏ ఒక్క నాయకుడికి మాటలు రావు. దేశంలో ఎక్కడా లేని సన్నబియ్యం పధకం అమలుపై ఏ ఒక్క నాయకుడు నోరెత్తదు. బిజేపి చేస్తున్న ఆరోపణలపై ఒక్కరూ స్పందించరు. ఎందుకంటే బిజేపి రాష్ట్రానికి ఇచ్చే రేషన్‌ కేవలం 37 లక్షల కుటుంబాలకు మాత్రమే. కాని రాష్ట్ర ప్రభుత్వం సుమారు కోటికిపైగా కుటుంబాలకు ఇస్తున్నారు. అదికారిక లెక్కల ప్రకారం రాష్ట్రంలో 98లక్షలకు పైగా రేషన్‌కార్డులున్నాయి. వాటితోపాటు ఇటీవల రేషన్‌కార్డుల కోసం ధరఖాస్తులు చేసుకున్న వారికి కూడా ఉచిత బియ్యం పంపిణీ చేస్తున్నారు. కాని ఈ విషయాన్ని కాంగ్రెస్‌ నాయకులు ప్రచారం చేసుకోలేకపోతున్నారు. రేషన్‌ బియ్యం మొత్తం బిజేపి కేంద్ర ప్రభుత్వమే ఇస్తుందని బిజేపి ప్రచారం చేసుకుంటోంది. రేషన్‌ దుఖాణాలలో బిజేపి నాయకులు బియ్యం పంపిణీ కార్యక్రమాల్లో పాల్గొంటున్నారు. మీడియాకు వార్తలిస్తున్నారు. మరి కాంగ్రెస్‌ నాయకులు ఏం చేస్తున్నారు? అన్న ప్రశ్నకు ఎవరు సమాదానం చెబతారు. ఇదే తీరులో రాష్ట్ర మంత్రి వర్గ విస్తరణపై అనేక రకాల కధనాలు వస్తున్నాయి. రోజుకో రకమైన వార్త వస్తుంది. ప్రతి మీడియా తమకు తోచిన విధంగా వార్తలు రాస్తోంది. అందుకు కారణం ఎవరో కాదు..సాక్ష్యాత్తు కాంగ్రెస్‌ నాయకులే అని చెప్పకతప్పదు. ముఖ్యమంత్రి రేవంత్‌రెడ్డి మాట చెల్లడం లేదని, ఆయన సూచించిన లిస్టులను అధిష్టానం ఫైనల్‌ చేయడం లేదని అని లీకులిస్తారు. వార్తలు రాయిస్తుంటారు. దాని వల్ల పార్టీ పరువు పోతుందన్న ఆలోచన ఒక్క క్షణంకూడా చేయరు. కాని అలాంటి వార్తలు వస్తే మాత్రం తమలో తాము సంతోషపడుతుంటారు. అలాంటి ఇటీవల ఎక్కువయ్యారు. నాయకులు మాత్రం ఎవరన్నది అందరికీ తెలుసు. ఏది ఏమైనా పార్టీ అదిష్టానం వద్ద సిఎం. రేవంత్‌రెడ్డి,రెవిన్యూ మంత్రి పొంగులేటి శ్రీనివాస్‌రెడ్డిల మాటలే చెల్లుబాటౌతున్నాయి. వారు సూచించిన వారికే మంత్రి పదవులు రానున్నాయి. నిజానికి ఆరు మంత్రి పదవులు పెండిరగ్‌లో వున్నాయి. అవన్నీ భర్తీ చేసే కార్యక్రమమే జరుగుతోంది. పైగా ఇతర పదువులు పంపకాలపై పూర్తి స్దాయిలో కసరత్తులు జరుగుతున్నాయి. అంతే కాని లిస్టు ఆగిపోలేదు. నిర్ణయాలు ఎక్కడా ఆగలేదు. ముఖ్యమంత్రి రేవంత్‌రెడ్డి నిర్ణయాలపై పెద్దలు అభ్యంతరం చెప్పింది లేదు. అంటే కొంత మంది నాయకులు అనుకున్నది అనుకున్నట్లుగా జరిగితే అంతా బాగుందంటారు. లేకుంటే అంత ఇబ్బందికరమైన వాతావరణం వుందని లేనిపోని వార్తలు సృష్టిస్తుంటారు. అసలు మంత్రి వర్గ విస్తరణలో కొర్రీలుపెడుతున్నది కొ ంత మంది నాయకులే. ఎవరికి తోచిననట్లు వారు లీకులు ఇస్తున్నారు. కాని అధిష్టానం ఆలోచనలు మాత్రం ఎవరూ చెప్పరు. చెబితే వారికి వున్న ప్రాదాన్యత ఏమిటో అందరికీ తెలిసిపోతుంది. మంత్రి వర్గ విస్తరణలో ఎమ్మెల్సీ విజయశాంతికిచోటు కల్పించాలని అదిష్టానం అనుకుంటోంది. అందుకు సిఎం. కూడా సానుకూలంగానే స్పందించారు. కాని కొంత మంది నాయకులు లేనిపోని వార్తలు రాయిస్తున్నారు. తెలంగాణ ఉద్యమంలో కీలక భూమిక పోషించిన వారిలో మొదటివరసలో ఎమ్మెల్సీ విజయశాంతి వున్నారు. ఎందుకంటే ఆమె తన సినీ కెరీన్‌ను కూడా కాదనుకొని, తెలంగాణ ఉద్యమంలోకి వచ్చారు. 2005లో ఏకంగా తల్లి తెలంగాణ అనే రాజకీయపార్టీని స్దాపించారు. తెలంగాణ కోసం ఎంతో కష్టపడ్డారు. అప్పటి ఉద్యమ కారుల సూచనల మేరకు పార్టీని బిఆర్‌ఎస్‌లో విలీనం చేశారు. తొమ్మిదేళ్లపాటు అలుపెరగని పోరాటం చేశారు. ఇటు క్షేత్రస్దాయిలో జనంతో కలిసి ఉద్యమం చేశారు. మరో వైపు పార్లమెంటు సభ్యురాలిగా సభలో ఒంటరిపోరాటంచేశారు. తెలంగాణ ఇచ్చినందుకు కృతజ్ఞతగా 2014లో కాంగ్రెస్‌పార్టీలో చేరారు. తన చిత్తశుద్దిని నిరూపించుకున్నారు. కాకపోతే అంత పెద్ద నాయకురాలిని కొంత కాలం కాంగ్రెస్‌ రాష్ట్ర నాయకులు పట్టించుకోవడం మానుకున్నారు. నిజం చెప్పాలంటే పెత్తనం చేసిన ఏ నాయకుడు తెలంగాణ కోసం పోరాటంచేసిన వాళ్లు కాదు. విజయశాంతిలాగా తెలంగాణ ఉద్యమం చేసిన ఒక్క నాయకుడు లేడు. దాంతో ఆమె కొంత మనస్తాపానికి గురైంది. పార్టీని వీడిరది. కాని ఆమెకు కాంగ్రెస్‌ మీద వున్న మమకారం తగ్గలేదు. అందుకే పార్టీని వీడినా వెళ్లిపోయినా, మళ్లీ కాంగ్రెస్‌ గూటికి చేరుకున్నది. గత ఎన్నికల్లోకాంగ్రెస్‌ పార్టీ కోసం విసృత ప్రచారం సాగించింది. తెలంగాణ ఉద్యమం కోసం అప్పట్లో అనేక త్యాగాలు చేసింది. ఇప్పుడు పార్టీ గెలుపుకోసం పనిచేసింది. కాని పదవులు ఆశించలేదు. అందుకే పార్టీ అదిష్టానం విజయశాంతి అంకితభావాన్ని గుర్తించి ఎమ్మెల్సీ ఇచ్చారు. మంత్రిని చేయాలన్న ఆలోచన చేస్తున్నారు. ఆమెకు మంత్రి పదవి ఇస్తే తమకు కుటుంబంలో మరో మంత్రి పదవి కావాలనుకుంటున్న కొంత మంది నాయకులకు ఇబ్బంది ఎదురౌతుంది. అందుకే గతంలో కూడా వారి కుటుంబాల కోసమే విజయశాంతిని దూరం పెట్టారు. ఆమెకు ప్రాదాన్యత లేకుండా చేశారు. కాని సిఎం.రేవంత్‌ రెడ్డి అధిష్టానం మాటలను జవదాటే నాయకుడుకాదు. అందుకే విజయ శాంతికి మంత్రి పదవి ఇచ్చేందుకు సై అంటున్నారు. ఇది కొంత మందికి గిట్టడం లేదు. అందుకే కొత్తగా రంగారెడ్డి,హైదరాబాద్‌ జిల్లాలకు ప్రాదాన్యత కల్పించాలనికొత్త రాగం అందుకున్నారు. మరి కొంత మంది నాయకులు తమ కుటుంబాలలో మరొకరికి మంత్రి పదవి కావాలంటూ మూడు కుటుంబాలు రాజకీయం చేస్తున్నాయి. ఇలా ఎవరికి రాజకీయం వారు చేసుకుంటూ పార్టీలో గందరగోళం సృష్టించే ప్రయత్నం చేస్తున్నారు. అయినా సిఎం. రేవంత్‌రెడ్డి సూచనల మేరకే మంత్రి వర్గ విస్తరణ జరగుతుందన్న సత్యం వారికి తెలుసు. అందరికీ తెలుసు. అయినా ఆశ..ఎక్కడో చిరు ఆశ..అడగందే అమ్మైనా అన్నం పెట్టదు. బెట్టు చేయందే తండ్రి రూపాయి ఇవ్వడు. ఇదే ఇప్పుడు కొంతమంది సీనియర్లు చేస్తున్నారు. మంత్రి పదవుల కోసం రాజకీయాన్ని శృతిమించేలా చేస్తున్నారు.

వక్ఫ్‌ సవరణ బిల్లుకు పార్లమెంట్‌ ఉభయసభలు ఆమోదం

ముస్లింల పట్ల వివక్ష అంటూ విపక్షాల గగ్గోలు

ముస్లింల సంక్షేమం కోసమే ఈ చట్టమన్న కేంద్రం

2013లో సవరణ చట్టం తేకపోతే ప్రస్తుత చట్టం అవసరం వుండేది కాదు: అమిత్‌ షా

విపక్షాల దాడులను సమర్థవంతంగా తిప్పికొట్టిన బీజేపీ మంత్రులు, నాయకులు

సభకు రాని రాహుల్‌ గాంధీ, ప్రియాంకా గాంధీ

విదేశ పర్యటనలో ప్రధాని నరేంద్రమోదీ

అయినా బిల్లుకు ఆమోదం

ప్రభుత్వానికి మోదం, విపక్షాలకు ఖేదం

హైదరాబాద్‌,నేటిధాత్రి: 

యూనిఫైడ్‌ వక్ఫ్‌ మేనేజ్‌మెంట్‌ ఎంపవర్‌మెంట్‌, ఎఫిసియన్సీ అండ్‌ డెవలప్‌మెంట్‌ బిల్‌ (ఉమీద్‌`యూఎంఈఈడీ) పేరుతో కేంద్ర ప్రభుత్వం పార్లమెంట్‌లో ప్రవేశపెట్టిన బిల్లుపై వాడివేడి చర్చ ల అనంతరం ఉభయసభలు ఆమోదం తెలిపాయి. లోక్‌సభలో ఏప్రిల్‌ 2న ప్రభుత్వం ఈ బిల్లును ప్రవేశపెట్టగా 14గంటల పాటు ఏకబిగిన చర్చ జరిగింది. ఇండీ కూటమిలోని విపక్షాలు ఏక గ్రీవంగా ఈ బిల్లును వ్యతిరేకించగా, ఎన్డీఏ కూటమి పక్షాలు బిల్లును సమర్థించాయి. ఫలితం గా బిల్లుకు అనుకూలంగా 288 మంది, వ్యతిరేకిస్తూ 232మంది సభ్యులు ఓటు చేయడంతో లోక్‌సభ ఆమోదం పొందింది. ఇక ఏప్రిల్‌ 3న మధ్యాహ్నం రాజ్యసభలో ప్రవేశపెట్టిన బిల్లుపై అర్థరాత్రి దాటేవరకు 13 గంటలపాటు సుదీర్ఘ చర్చ జరిగింది. విమర్శలు, ప్రతి విమర్శలతో రా జ్యసభ దద్దరిల్లింది. కేంద్ర మంత్రి కిరణ్‌ రిజిజు సమాధానం తర్వాత సవరణల వారీగా ఓటింగ్‌జరిగింది. బిల్లుకు అనుకూలంగా 128 మంది, వ్యతికిస్తూ 95మంది ఓటు చేశారు. ఈ బిల్లు ఆ మోదంతో పాటు ముసల్మాన్‌ వక్ఫ్‌ (ఉపసంహరణ) బిల్లును కూడా పార్లమెంట్‌ ఉభయసభలుఆమోదించాయి. బిల్లును రాష్ట్రపతి ఆమోదం కోసం పంపారు. 

ముస్లింలకు వ్యతిరేకం కాదు

రాజ్యసభలో మంత్రి కిరణ్‌ రిజిజు చర్చను ప్రారంభిస్తూ, వక్ఫ్‌ సవరణ చట్టం ముస్లింలకు వ్యతిరేకం కాదని, ఏ ఒక్కరి మత విశ్వాసాలను దెబ్బతీయడం ప్రభుత్వ ఉద్దేశం కాదని స్పష్టం చేశారు ఈ బిల్లుకు మతంతో ఎటువంటి సంబంధం లేదన్నారు. ముస్లింలలోని షియా, సున్నీలతోపాటు ఇతర వెనుకబడిన తరగతులవారు వక్ఫ్‌ బోర్డు సభ్యులుగా కొనసాగేలా నిబంధనలు చేర్చామన్నారు. 22మంది సభ్యులతో ఏర్పడే సెంట్రల్‌ వక్ఫ్‌ కౌన్సిల్‌ కూర్పుపై వ్యక్తమవుతున్న సందేహాలకు సమాధానమిచ్చారు. ముస్లిమేతరులు అధికంగా వుంటారన్న సమస్యే ఉత్పన్నం కాదన్నారు. ఈ కౌన్సిల్‌లో ముస్లిమేతరుల సంఖ్య నాలుగుకు మాత్రమే పరిమితమన్నారు. వక్ఫ్‌ బోర్డులు చట్టపరమైన సంస్థలు. అంతేతప్ప ఇవి ముస్లింలకు ప్రాతినిధ్యం వహించే సంస్థలు కావని స్పష్టం చేశా రు. వక్ఫ్‌ ట్రిబ్యునళ్ల వద్ద ఇప్పటికే 31999 కేసులు పెండిరగ్‌లో ఉన్నాయి. ఇప్పటికే కోర్టులు తీర్పు ఇచ్చిన వాటిజోలికి ప్రభుత్వం వెళ్లబోదని స్పష్టం చేశారు. తుర్కియే, మలేసియా, సౌదీ అరేబియా వంటి ముస్లిం దేశాలు ప్రత్యేక చట్టాల ద్వారా వక్ఫ్‌ ఆస్తులను ప్రభుత్వ నియంత్రణలోకి తీసుకొచ్చి ప్రజలకు ఉపయోపడేలా చేశాయన్న సంగతిని కేంద్ర మంత్రి, జె.పి.నడ్డా గుర్తుచేశారు.1913`2013 మధ్యకాలంలో వక్ఫ్‌ భూములు 18లక్షల ఎకరాలుండగా 2013`25 మధ్య కాలంలో ఇవి మరో 21లక్షల ఎకరాలకు పెరిగాయని ఆయన పేర్కొన్నారు. ఈ ఆస్తులు దుర్విని యోగం కాకుండా కాపాడటమే ప్రభుత్వ ఉద్దేశమన్నారు. 

లోక్‌సభలో జరిగిన చర్చ సందర్భంగా మంత్రి కిరణ్‌ రిజుజు మాట్లాడుతూ తాము ప్రతిపాదిస్తున్న సవరణలే లేకపోతే పార్లమెంట్‌ భూమిని కూడా వక్ఫ్‌ ఆస్తులే అంటారని సంచలన వ్యాఖ్యలు చేశారు. గతంలో ఆలిండియా ముస్లిం డెమోక్రటిక్‌ ఫ్రంట్‌ (ఏఐయూడీఎఫ్‌) చీఫ్‌ బద్రుద్దీన్‌ అజ్మల్‌ పార్లమెంట్‌ భవనం, దాని పరిసర ప్రాంతాలు వక్ఫ్‌ ఆస్తుల్లో భాగమేనన్న నేపథ్యంలో మంత్రి ఈ వ్యాఖ్యలు చేసినట్టు భావించాలి. ముస్లిం మత వ్యవహారాల్లో జోక్యంగా విపక్షాలు చేసిన ఆరోపణలను హోమంత్రి అమిత్‌షా ఖండిరచారు. ‘‘ఈ సవరణను మైనారిటీలు ఒప్పుకోరని కొంద రంటున్నారు. ఇది పార్లమెంట్‌ చేసిన చట్టం. ప్రతి ఒక్కరూ అంగీకరించి తీరాల్సిందే’’ అని స్ప ష్టం చేశారు. ‘‘2014లో నాటి కాంగ్రెస్‌ నేతృత్వంలోని యు.పి.ఎ. సర్కార్‌ వక్ఫ్‌ చట్టానికి రాత్రి కి రాత్రే చట్టానికి అతీతంగా సవరణలు చేసిందని, ఇది ముస్లింల సంతుష్టీకరణ రాజకీయాలకు పరాకాష్ట. లేదంటే ఈ సవరణ బిల్లు అవసరమే వుండేది కాదు’’ అని ఆయన అన్నారు. ‘‘యుపీ ఏ నిర్ణయం వల్ల న్యూఢల్లీిలోని ల్యూటెన్స్‌ జోన్‌లో 123 ఆస్తులు కేవలం 25 రోజుల్లో వక్ఫ్‌ ఆస్తులుగా మారిపోయాయి. ఇటువంటి అవకతవకలు సరిదిద్దడం, వక్ఫ్‌ పాలన ప్రజాస్వామ్య బద్ధం గా పారదర్శకంగా జరిగేలా చూడటమే ఈ బిల్లు ఉద్దేశమన్నారు. కేవలం వక్ఫ్‌ ఆస్తి అని ప్రక టించినంత మాత్రాన ఎవరి భూమి వక్ఫ్‌ భూమిగా మారకుండా ఈ చట్టం రక్షణ కల్పిస్తుంది’’ అని అమిత్‌ షా వివరించారు. 

రాహుల్‌ గాంధీ గైర్హాజరు

కీలకమైన వక్ఫ్‌ (సవరణ) బిల్లుపై పార్లమెంట్‌లో చర్చ జరుగుతున్నప్పుడు ఓటింగ్‌కు విపక్షనేత రాహుల్‌గాంధీ గైర్హాజరయ్యారు. వాయనాడ్‌ ఎంపీ, ఆయన సోదరి ప్రియాంకా వాద్రా కూడా సభలో లేకపోవడం గమనార్హం. ఈ బిల్లుపై అనుసరించాల్సిన వ్యూహంపై ముందుగా కాంగ్రెస్‌ ఎంపీలతో చర్చించిన ఆయన, చర్చలో పాల్గనరాదని నిర్ణయించుకున్నారు. కాంగ్రెస్‌ పార్టీకి గంటా నలభై నముషాలు సమయం కేటాయించగా గౌరవ్‌ గొగోయ్‌ తదితర ఎంపీలు మాత్రమే చ ర్చలో పాల్గనడం గమనార్హం. నిజం చెప్పాలంటే ఎన్డీఏ ప్రభుత్వం ఏర్పడిన తర్వాత జాయింట్‌ పార్లమెంటరీ కమిటీ (జేపీసీ) పరిశీలనకు వెళ్లిన తొలి బిల్లు ఇది. గత ఏడాది ఆగస్టులో ఈ బి ల్లును ప్రవేశపెట్టాలని ప్రభుత్వం ఎంతగా ప్రయత్నించినా విపక్షాలనుంచి తీవ్ర ప్రతిఘటన ఎదురుకావడంతో చివరకు జేపీసీకి పంపక తప్పలేదు. 

వక్ఫ్‌ బిల్లు ఏం చెబుతోంది?

తాజా వక్ఫ్‌ చట్టం ప్రకారం వక్ఫ్‌ బోర్డులను మరింత బలోపేతం చేస్తారు. నిర్మాణాత్మక ఎంపిక ప్రక్రియ చేపడతారు. వివాదాల పరిష్కారానికి నిర్ణీత కాలావధిని నిర్ణయిస్తారు. వక్ఫ్‌బోర్డులకు, వక్ఫ్‌ సంస్థలు తప్పనిసరిగా చెల్లించాల్సిన మొత్తాన్ని వాటి వార్షిక ఆదాయంలో 7శాతం నుంచి 5 శాతానికి తగ్గించారు. రూ.లక్షకు మించిన ఆదాయం కలిగిన వక్ఫ్‌ సంస్థల అకౌంట్లను ప్రభుత్వ అధీకృత ఆడిటర్ల చేత ఆడిట్‌ చేయించడం తప్పనిసరి. వక్ఫ్‌ ఆస్తుల నిర్వహణకోసం కేంద్రీ కృత పోర్టల్‌ను ఏర్పాటుచేస్తారు. దీనివల్ల వక్ఫ్‌ ఆస్తులపై పారదర్శకత ఏర్పడుతుంది. వితంతువులు, విడాకులు పొందిన మహిళలు మరియు అనాధలకు సంబంధించి ఈ చట్టంలో ప్రత్యేక ని బంధనలను పొందుపరచారు. ముస్లిం మహిళలు తమ వారసత్వ అంశాన్ని వక్ఫ్‌ డిక్లరేషన్‌ ముందుకు తీసుకు రావచ్చు. ప్రభుత్వ భూములను వక్ఫ్‌ ఆస్తులుగా పేర్కొంటున్న వాటి విషయంలో నిర్ణయించేందుకు కలెక్టర్‌కంటే ఉన్నతస్థాయి అధికారి విచారించి తగిన నిర్ణయం తీసుకుంటారు.వక్ఫ్‌ బోర్డులోకి ముస్లిమేతరులకు ప్రవేశం కల్పించారు. 

దేశంలో వక్ఫ్‌ ఆస్తులు

డబ్ల్యుఏఎంఎస్‌ఐ పోర్టల్‌లో పేర్కొన్న సమాచారం మేరకు దేశంలోని 30 రాష్ట్రాలు/కేంద్ర పాలిత ప్రాంతాలు మరియు 32 బోర్డులకు సంబంధించి 8,72,328 ఆస్తులుండగా వీటి మొత్తం విస్తీ ర్ణం 3816291.788 ఎకరాలు. ఈ మొత్తం ఆస్తుల్లో 4.02లక్షల ఆస్తులను వక్ఫ్‌ బోర్డు విని యోగంలో వున్నాయి. మిగిలిన వక్ఫ్‌ ఆస్తుల విషయానికి వస్తే 9279 కేసులకు సంబంధించి కే వలం 1083 వక్ఫ్‌ డీడ్స్‌ను మాత్రమే అప్‌లోడ్‌ చేశారు. ఇక వక్ఫ్‌ ఎస్టేట్స్‌ 356,350, స్థిరాస్తు లు 872,802, చరాస్తులు 16716 కాగా డిజిటలైజ్‌ అయిన రికార్డులు 330,008. 

వక్ఫ్‌ అంటే…

ముస్లిం చట్టాలు గుర్తించిన విధంగా ఎవరైనా వ్యక్తి తన యొక్క స్థిర/చరాస్తులను మతపరమైన దాతృత్వ కార్యకలాపాలకోసం దానంగా ఇవ్వడం అనేది వక్ఫ్‌ నిర్వచనం.

మతపరమైన, సామాజిక మరియు ఆర్థిక ప్రాధాన్యత కలిగిన వక్ఫ్‌ ఆస్తుల నియంత్రణ మరియు రక్షణ కోసం భారత ప్రభుత్వాలు ఎప్పటికప్పుడు అవసరానికి అనుగుణంగా చట్టాలను అమల్లోకితెచ్చాయి. ఇందులో మొట్టమొదటగా 1954లో తెచ్చిన వక్ఫ్‌ చట్టం ఈ ఆస్తుల నిర్వహణకు అవసరమైన పునాది వేసింది. తర్వాతి కాలంలో అవినీతి అక్రమాల నిరోధం, సరైన నిర్వహణ కోసంఎప్పటికప్పుడు కొత్త నిబంధనలు చట్టాలను ప్రభుత్వం అమల్లోకి తెచ్చింది. ఇందులో భాగంగానేనిర్వహణలో పారదర్శకత, పాలనను మరింత బలోపేతం చేయడంకోసం కేంద్ర ప్రభుత్వం వక్ఫ్‌ సవరణ చట్టం`2025ను బిల్లురూపంలో పార్లమెంట్‌లో ప్రవేశపెట్టి ఆమోదం పొందింది.

1995లో కేంద్ర ప్రభుత్వం అమల్లోకి తెచ్చిన వక్ఫ్‌ చట్టం ప్రకారం వక్ఫ్‌ ఆస్తుల నిర్వహణ, ని యంత్రణ కొనసాగుతోంది. ఈ చట్టం కింద మూడు సంస్థలు ప్రధానంగా పాలనా బాధ్యతలు నిర్వహిస్తున్నాయి. 

1. సెంట్రల్‌ వక్ఫ్‌ కౌన్సిల్‌ (సీడబ్యుసీ): కేంద్ర రాష్ట్ర ప్రభుత్వాలకు విధానపరమైన సలహాలు, సూచనలు ఇస్తుంది. వక్ఫ్‌ ఆస్తులను నేరుగా నిర్వహించదు.

2. స్టేట్‌ వక్ఫ్‌ బోర్డులు (ఎస్‌డబ్ల్యుబీ): ఈ బోర్డులు ఆయా రాష్ట్రాల్లో వక్ఫ్‌ ఆస్తుల నిర్వహణ మరియు రక్షణ బాధ్యతలను నిర్వర్తిస్తాయి.

3. వక్ఫ్‌ ట్రిబ్యునల్స్‌: వక్ఫ్‌ ఆస్తులకు సంబంధించిన వివాదాలను విచారించే ప్రత్యేక న్యాయ సంస్థలు.

ఈ సంస్థల ద్వారా సమస్యల సత్వర పరిష్కారంతో పాటు వక్ఫ్‌ ఆస్తుల సమర్థ మరియు పారద ర్శక నిర్వహణకు దోహదం చేశాయి.

భారత్‌లో వక్ఫ్‌ చరిత్ర

వక్ఫ్‌ ఆస్తుల నిర్వహణ రక్షణకోసం దేశంలో అనేక చట్టాలు అమల్లో వున్నాయి.

1. ది ముసల్మాన్‌ వక్ఫ్‌ వాలిడేటింగ్‌ యాక్ట్‌ా1913: కుటుంబ ప్రయోజనం ముఖ్యంగా దాతృత్వ కార్యకలాపాలకోసం ముస్లింలు వక్ఫ్‌ను ఏర్పాటు చేయవచ్చు. వక్ఫ్‌ నిర్వహణకోసం ఈ చట్టాన్ని తీసుకువచ్చినా ఇది పూర్తి సమర్థవంతంగా పనిచేయలేదు.

2. ది ముసల్మాన్‌ వక్ఫ్‌ యాక్ట్‌ 1923: వక్ఫ్‌ నిర్వహణలో పారదర్శకత కోసం ఈ చట్టాన్ని అప్పటి బ్రిటిష్‌ ప్రభుత్వం అమల్లోకి తెచ్చింది.

3. ది ముసల్మాన్‌ వక్ఫ్‌ వాలిడేటింగ్‌ యాక్ట్‌ 1930: కుటుంబ వక్ఫ్‌ల సాధికారతను మరింత బ లోపేతం చేసింది. 1913 వక్ఫ్‌ చట్టాన్నికి దన్నుగా దీన్ని అమల్లోకి తెచ్చారు.

4. ది వక్ఫ్‌ యాక్ట్‌ా1954: వక్ఫ్‌ ఆస్తుల పర్యవేక్షణకోసం మొట్టమొదటి సారి రాష్ట్రాల వక్ఫ్‌బోర్డు లను ఏర్పాటు చేశారు. భారత స్వాతంత్య్రం తర్వాత వక్ఫ్‌ నిర్వహణను మరింత బలోపేతం చేశారు. సెంట్రల్‌ వక్ఫ్‌ కౌన్సిల్‌ ఆఫ్‌ ఇండియా 1964లో ఏర్పాటైంది. రాష్ట్రాల వక్ఫ్‌బోర్డుల పని తీరు పర్యవేక్షణ దీని ప్రధాన బాధ్యత. ఆవిధంగా వక్ఫ్‌బోర్డుల పాలన కేంద్రీకృతమైంది. 1954 వక్ఫ్‌ యాక్ట్‌ లోని 9(1) సెక్షన్‌ కింద ఈ సెంట్రల్‌ కౌన్సిల్‌ ఏర్పాటు జరిగింది.

5. ది వక్ఫ్‌ యాక్ట్‌ా1954కు సవరణలు (1959, 1964, 1969 మరియు 1984): ఇవి వక్ఫ్‌ పాలనను మరింత మెరుగు పరచడానికి ఉపయోగపడ్డాయి.

6. ది వక్ఫ్‌ యాక్ట్‌ 1995: దీన్ని సమగ్ర చట్టంగా రూపొందించారు. దీంతో 1954 వక్ఫ్‌ చట్టం దాని సవరణ చట్టాలు మొత్తం రద్దయ్యాయి. భారత్‌లో వక్ఫ్‌ ఆస్తుల నిర్వహణను ఆధీనంలో వుంచుకోవడానికి వీలుగా దీన్ని ప్రభుత్వం రూపొందించింది. వక్ఫ్‌ కౌన్సిల్‌, రాష్ట్రాల వక్ఫ్‌బోర్డులు, ఛీఫ్‌ ఎగ్జిక్యూటివ్‌ ఆఫీసర్‌, ముతావలి విధులు, బాధ్యతలు, అధికారాలను మరింత స్పష్టంగాఈ చట్టంలో పొందుపరచారు. మొట్టమొదటిసారి వక్ఫ్‌ ఆస్తుల వివాదాలపై విచారించేందుకు వక్ఫ్‌ ట్రిబ్యునల్స్‌ ఏర్పాటు జరిగింది. సివిల్‌ కోర్టుల అధికారాలే వీటికి వుంటాయి. వక్ఫ్‌ ట్రిబ్యునల్‌ ఇచ్చే తీర్పులను ఏ సివిల్‌ కోర్టులో సవాలు చేయడానికి వీల్లేదు. 

7. వక్ఫ్‌ సవరణ చట్టరా2013: దీని ద్వారా వక్ఫ్‌ చట్టంలో ప్రభుత్వం కొన్ని కీలక మార్పులు చేసింది. ముగ్గురు సభ్యులతో కూడిన వక్ఫ్‌ ట్రిబ్యునల్స్‌ను ఏర్పాటు చేసింది. వీరిలో ముస్లిం చట్టాలపై పూర్తి అవగాహన వున్న నిపుణుడు ఒకరు సభ్యుడిగా వుంటారు. ప్రతి రాష్ట్ర వక్ఫ్‌ బోర్డులో ఇద్దరు మహిళలకు స్థానం కల్పించింది. వక్ఫ్‌ ఆస్తులను అమ్మడం లేదా బహుమతిగా ఇవ్వడాన్ని నిషేధించింది. వక్ఫ్‌ ఆస్తుల లీజ్‌ కాలాన్ని మూడేళ్లనుంచి 30ఏళ్లకు పెంచింది.

8. వక్ఫ్‌ సవరణ చట్టరా2025: వక్ఫ్‌ పరిపాలనను మరింత ఆధునికీకరించడంపై దృష్టి పెట్టింది. ముఖ్యంగా లీగల్‌ వివాదాల తగ్గింపు, సామర్థ్యాన్ని మరింత పెంచడం ప్రధాన లక్ష్యం. 1995 వక్ఫ్‌ చట్టం, 2013 వక్ఫ్‌ సవరణ చట్టాల్లోని లోపాలను సరిదిద్దడం ప్రధాన ఉద్దేశం. 

కేంద్ర మైనారిటీ వ్యవహారాల మంత్రిత్వశాఖ పథకాలు

కేంద్ర మైనారిటీ వ్యవహారాల మంత్రిత్వశాఖ ముస్లింలకోసం రెండు పథకాలను అమలు చేస్తోంది. 1. ది క్వామీ వక్ఫ్‌ బోర్డ్‌ తరాఖియతి స్కీమ్‌ (క్యుడబ్ల్యుబీటీఎస్‌), 2. సహరాయ్‌ వక్ఫ్‌ సంపత్తివికాస్‌ యోజన (ఎస్‌డబ్ల్యుఎస్‌వీవై). రాష్ట్రాల వక్ఫ్‌బోర్డులను ఆధునికీకరించడం, స్వయంచాలి తం చేసేందుకు ఈ పథకాలను కేంద్రం అమలు చేస్తోంది. 

 క్యుడబ్ల్యుబీటీఎస్‌ కింద కేంద్ర ప్రభుత్వం సీడబ్ల్యుసీల ద్వారా రాష్ట్రాల వక్ఫ్‌బోర్డులకు గ్రాంట్‌`ఇన్‌`ఎయిడ్‌ అందజేస్తుంది. ముఖ్యంగా కంప్యూటరీకరణ, వక్ఫ్‌ బోర్డు ఆస్తుల రికార్డుల డిజిటలైజేషన్‌తో పాటు ఆయా వక్ఫ్‌బోర్డుల పాలనా సామర్థ్యాన్ని పెంచేందుకు సహక రిస్తుంది.

 ఎస్‌డబ్ల్యుఎస్‌వీవై ద్వారా రాష్ట్రాల వక్ఫ్‌బోర్డులకు వడ్డీలేని రుణాలను మంజూరు చేస్తుంది. వీటిద్వారా వక్ఫ్‌ ఆస్తుల్లో వాణిజ్య ప్రాజెక్టులను చేపట్టి వాటిద్వారా ఆదాయాన్ని పొందే లా చేయడం దీని ప్రధాన లక్ష్యం.

 2019ా20 నుంచి 2023ా24 మధ్యకాలంలో కేంద్రం క్యుడబ్ల్యుబీటీఎస్‌ మరియు ఎస్‌డబ్ల్యుఎస్‌వీవై కింద రూ.23.87 కోట్లు మరియు రూ.7.16 కోట్లు మంజూరు చేసింది. 

సమస్యలెప్పుడూ వుంటాయి

వక్ఫ్‌ ఆస్తులకు సంబంధించి సమస్యలు లేవని ఎవరూ అనరు. 1954లో మొట్టమొదటిసారి వక్ఫ్‌ చట్టాన్ని కేంద్రం అమల్లోకి తెచ్చింది. అవసరాలకు తగిన రీతిలో లేదన్న కారణంగా 1995 లో దాని స్థానంలో మరో చట్టాన్ని తెచ్చినా ఇంకా సమస్యలు తీరకపోవడంతో మరిన్నిచర్యలు అవసరమన్న అభిప్రాయం సర్వత్రా వ్యక్తమైన మాట వాస్తవం. వక్ఫ్‌ ఆస్తుల్లో దాదాపుసగం వరకు వాటి యాజమాన్యం లేదా నిర్వహణకు సంబంధించిన సమస్యలున్నాయి. అవినీతి అక్రమాలు జరుగుతున్నాయన్న ఆరోపణలతో పాటు పారదర్శకత లేదన్నది కూడా మరోఅభియోగం. మౌలికంగా వక్ఫ్‌ ఆస్తి అంటే ముస్లిం సంపన్నులు భక్తిభావంతో మతపరమైన అవసరాలకోసం, ఆ వర్గాల్లోని నిరుపేదల అభ్యున్నతికోసం దానంగా ఇచ్చే ఆస్తి. ఇప్పటివర కు కారుణ్య భావంతో ఇతర మతస్తులు కూడా వక్ఫ్‌కు తమ ఆస్తులను దానం చేయవచ్చునన్న నిబంధన వుండేది. తాజాగా పార్లమెంట్‌ ఆమోదించిన చట్టం ప్రకారం ఐదేళ్లు ఇస్లాంను పాటించిన వారు మాత్రమే దానం చేయడానికి అర్హులు. అయితే ఈ నిబంధన 2013కు ముందు వుండేది. కానీ కాంగ్రెస్‌ నేతృత్వంలోని యుపీఏ ప్రభుత్వం దీన్ని తొలగించింది. వక్ఫ్‌ ఆస్తుల్ని ఆర్నెల్లలోగా డేటాబేస్‌లో నమోదు చేయకపోతే వాటికి సంబంధించిన వివాదాలపై న్యాయస్థానాలను ఆశ్రయించడం అసాధ్యమని బిల్లు స్పష్టం చేస్తున్నది.ముఖ్యమైన విషయ మేంటంటే వివాదంలో పడిన వక్ఫ్‌ ఆస్తులపై ప్రభుత్వం నియమించిన ఉన్న తాధికారిదే తుదినిర్ణయమనేది ఈ బిల్లులో ప్రభుత్వం స్పష్టంగా పేర్కొనడం కీలకం.