Category: TELANGANA

 

`సివిల్‌ సప్లయ్‌ ప్రక్షాళన దిశగా ప్రభుత్వం అడుగులు

`బియ్యం మింగిన మిల్లర్లు!?

`మిల్లర్లకు ప్రభుత్వానికి మధ్య దళారులెందుకు?

`దొంగ మిల్లర్లు? అబద్ధపు గోడౌన్లు?

`లేని గోడన్ల మాయ! వంటి నేటిధాత్రి కధనాలకు ప్రభుత్వ స్పందన.

`పదేళ్లుగా మిల్లర్లతో సమావేశం కాని ప్రభుత్వ పెద్దలు.

`ప్రజా ప్రభుత్వంలో నేటిధాత్రి వార్తలకు కదలిక.

`నేటిధాత్రి ఒక్క వార్తతోనే ముఖ్యమంత్రి రేవంత్‌ రెడ్డి మిల్లర్లతో సమావేశం.

`నేటిధాత్రి ప్రస్తావించిన అన్ని అంశాలపై సమావేశంలో విసృతంగా చర్చలు.

`వాటి అధ్యయనానికి కమిటీ ఏర్పాటు!

`నేటిధాత్రికి మిల్లర్ల ప్రశంసలు.

`మిల్లర్ల సమస్యలు వెలుగులోకి తెచ్చినందుకు నేటిధాత్రికి కృతజ్ఞతలు.

`దొంగ మిల్లర్లపై చర్యలకు డిమాండ్‌.

`దొంగ మిల్లర్లకు సహకరించిన అధికారులపై కూడా చర్యలు తీసుకోవాలి.

`సివిల్‌ సప్లయ్‌ని భ్రష్టు పట్టించిన అధికారుల భరతం పట్టాలి!

`అప్పుడే అన్ని రకాలుగా ప్రక్షాళన పూర్తయ్యేది.

 

హైదరాబాద్‌,నేటిధాత్రి: 

పదేళ్లుగా మిల్లర్లు ప్రభుత్వం మధ్య లేని చర్చలకు నేటిధాత్రి వార్తా కథనం దారితీసింది.. ఒక రకంగా ప్రభుత్వం, మిల్లర్ల సమావేశానికి మార్గమైంది. ప్రభుత్వానికి మిల్లర్లకు మధ్య దూరం తొలగిపోయేలా చేసింది. మిల్లర్లు, ప్రభుత్వానికి మధ్య దళారులెందుకు? అని నేటిధాత్రి ప్రశ్నించింది. ప్రభుత్వ యంత్రాంగం కదలివచ్చింది. పౌరసరఫరా శాఖలో కదలిక వచ్చింది. ముఖ్యమంత్రి రేవంత్‌ రెడ్డి దృష్టికి వార్త వెళ్లింది. 

పది సంవత్సరాల బిఆర్‌ఎస్‌ పాలనలో ఇలాంటి సన్నివేశం మృగ్యమైపోయింది. ఆగమైన సివిల్‌ సప్లయ్‌ శాఖను గాడిలో పెట్టే తీరిక లేక గత ప్రభుత్వం మీనమేషాలు లెక్కబెట్టింది. మిల్లర్లు ఎన్ని సార్లు ప్రభుత్వాన్ని కోరినా అప్పటి ప్రభుత్వం పెడచెవిన పెట్డింది. సివిల్‌ సప్లయ్‌ శాఖ అవినీతికి కేరాఫ్‌ అడ్రస్‌గా నిలిచిందని ఎన్ని వార్తలు నేటిధాత్రి రాసినా చెవిడి వాళ్ల ముందు శంఖం ఊదినట్లైంది. సివిల్‌ సప్లయ్‌ శాఖలో వేల కోట్ల బకాయిలు పేరుకుపోతున్నాయని చెప్పినా దున్నపోతు మీద వాన కురిసినట్లే అయ్యింది. పట్టించుకున్న పాపాన పోలేదు. దాంతో బకాయిలు ప్రభుత్వానికి గుదిబండగా మారాయి. దళారులు దూరేలా చేశాయి. రైతులు పండిరచిన వడ్లు మిల్లర్లకు ఆదాయమార్గాలయ్యాయి. బకాయిలు కొండలా పేరుకుపోవడానికి కారణమయ్యాయి. అయినా గత ప్రభుత్వం నిమ్మకు నీరెత్తినట్లు వ్యవహరించింది. ప్రభుత్వ బాండ్లను తనఖా పెట్టి, మారటోరియం పేరు చెప్పి కేసిఆర్‌ ప్రభుత్వం అప్పులు చేసిందే గానీ, మిల్లర్లు నుంచి బకాయిలు వసూలు చేయలేదు. సివిల్‌ సప్లయ్‌ అధికారులను పురమాయించలేదు. వారిని బకాయిల వసూలుకు పురిగొల్పలేదు. మిల్లర్లు ఇష్టా రాజ్యాంగా వ్యవహరిస్తున్నా పట్టించుకోలేదు. పేరుకుపోతున్న వేల కోట్ల బకాయిల మీద దృష్టి సారించలేదు. దాంతో ప్రభుత్వానికి వేల కోట్ల ఆదాయం రాకుండా ఆగిపోయింది. అయినా మిల్లర్ల దాహం తీరలేదు. కాకపోతే ఇక్కడ అందరు మిల్లర్లు ప్రభుత్వాన్ని మోసం చేయలేదు. కొంత మంది బోగస్‌ మిల్లర్లు తమ చేతి వాటం ప్రదర్శించారు. లేని మిల్లులు సృష్టించారు. తమవి కాని గోడౌన్లను లెక్కల్లో చూపారు. ప్రభుత్వం ఇచ్చిన వడ్లను అమ్ముకున్నారు. కోట్లు వెనకేసుకున్నారు. సివిల్‌ సప్లయ్‌ అధికారుల సహకారంతో వడ్లు, బియ్యం అమ్ముకొని ఆస్థులు కూడా బెట్టుకున్నారు. ప్రజా ప్రభుత్వానికి పూర్తి విషయాలు, వివరాలు అందిస్తూ, మిల్లర్ల మోసాలపై నేటిధాత్రి వార్తలు రాస్తోంది. సరిగ్గా రైతుల నుంచి వడ్లు సేకరించే సమయంలో ప్రభుత్వానికి సమాచారం చేరేలా నేటిధాత్రి వార్తలు ప్రచురించింది. వెంటనే ముఖ్యమంత్రి కార్యాలయంలో కదలిక వచ్చింది. సిఎం. రేవంత్‌ రెడ్డికి వివరాలు అందడంతో వడ్ల సేకరణ మీద హుటాహుటిన సమావేశం ఏర్పాటు చేశారు. ఈ సమావేశానికి మిల్లర్లను కూడా ఆహ్వించారు. వారి సూచనలు తీసుకున్నారు. వారి సమస్యలు తెలుసుకున్నారు. సాధ్యాసాధ్యాలను అధ్యయనం చేసేందుకు కమిటీ ఏర్పాటు చేశారు. ఈ సమావేశం మూలంగా సివిల్‌ సప్లయ్‌లో కదలికలు వచ్చినట్లే కాదు. ఆ దిశగా అడుగులు పడినప్పుడు అసలైన కార్యాచరణ. అసలు బియ్యం మింగిన మిల్లర్లు ఎవరు? ఎంత మంది అనేది ముందు తేల్చాలి. లేకుంటే ఎక్కడ వేసిన గొంగళి అక్కడే అన్నట్లు వుంటుంది. ఇక మిల్లర్లు, ప్రభుత్వానికి మధ్య దళారులెందుకు? అనేదానిపై దృష్టి పెట్టాలి. ప్రభుత్వం ఇచ్చిన వడ్లును మిల్లర్లు మింగారా? మిల్లర్ల పేరు చెప్పి దళారులు తిన్నారా? ఇద్దరూ కలిసి మొత్తం బుక్కేశారా? అనేది వెల్లడి కావాలి. మిల్లర్లలో దొంగ మిల్లర్లు వేరయా? అన్నది కొత్త కథ. మిల్లర్లలో కూడా దొంగ మిల్లర్లు వున్నారనే విషయం సహజంగానే ఆందోళనకరమైనది. అసలు మిల్లులేని మిల్లర్లు, లేని గోడౌన్లతో కోట్లు కూడబెట్టుకున్నారంటే సామాన్యమైన విషయం కాదు. అందువల్ల దొంగ మిల్లర్లు? ఎవరు అనేది వెలుగులోకి రావాలి. మిల్లులు లేకున్నా మిల్లర్ల వ్యాపారానికి ఎందుకొచ్చారో తెలియాలి. వారిని ఎవరు పరిచయం చేశారో తెలియాలి. వారికి అండగా నిలిచిన వారి బాగోతం కూడా బైటకు రావాలి. నిజాలు నిగ్గు తేలాలి. దొంగ మిల్లర్ల మీద కేసులు నమోదు చేయాలి. వారిపై కఠినమైన చర్యలను చేపట్టాలి. అంతే కాకుండా అబద్ధపు గోడౌన్లు? ఎందుకు సృష్టించారు. పదేళ్లలో ఎన్ని లక్షల టన్నుల వడ్లు మాయం చేశారు. వివరాలు లెక్కలు తీయాలి. లేని గోడన్ల మాయ! వంటి నేటిధాత్రి కధనాలకు ప్రభుత్వ స్పందించింది. దానిపై పూర్తి స్థాయిలో ప్రక్షాళన జరగాలి. నేటిధాత్రి ప్రస్తావించిన అన్ని అంశాలపై సమావేశంలో విసృతంగా చర్చలు జరిగినట్లు సమాచారం. ఏది ఏమైనప్పటికీ ప్రభుత్వానికి, మిల్లర్లకు మధ్య వున్న దూరం, ఒక రకంగా చెప్పలేని అగాధం పూడుకున్నదనే చెప్పాలి. ప్రభుత్వం తమను సమావేశానికి ఆహ్వానించడంతో నేటిధాత్రికి మిల్లర్ల ప్రశంసలు కురిపించారు. మిల్లర్ల సమస్యలు వెలుగులోకి తెచ్చినందుకు నేటిధాత్రికి కృతజ్ఞతలు తెలియజేశారు. అంతేకాకుండా అసలైన మిల్లర్లు కూడా దొంగ మిల్లర్లపై చర్యలకు డిమాండ్‌ చేయడం జరిగింది. దొంగ మిల్లర్లకు సహకరించిన అధికారులపై కూడా చర్యలు తీసుకోవాలని సూచించడం జరిగింది. సివిల్‌ సప్లయ్‌ని భ్రష్టు పట్టించిన అధికారుల భరతం పట్టాలి! అని ప్రజల నుండి డిమాండ్‌ పెరుగుతోంది. అప్పుడే అన్ని రకాలుగా ప్రక్షాళన పూర్తయ్యేదని తెలంగాణ సమాజం కోరుకుంటోంది.

-ఏపి అగ్రకులాల పక్షాన బిఆర్‌ఎస్‌.

-కొండా సురేఖ మీద సినీ వర్గం మూకుమ్మడి దాడి.

-సీని అగ్ర కులాలకు బాసటగా బిఆర్‌ఎస్‌ పార్టీ.

-తెలంగాణ ఆడబిడ్డకు అండగా కాంగ్రెస్‌ పార్టీ.

-బిఆర్‌ఎస్‌పై తొలగిన తెలంగాణ ముసుగు.

-అసలైన తెలంగాణ ప్రజలకు కాంగ్రెస్‌ పార్టీ గొడుగు.

-కొండా, వర్సెస్‌ కేటిఆర్‌ అంశాన్ని సినీ లోకానికి ముడిపెట్టింది బిఆర్‌ఎస్‌.

-హుందాగా తనదైన శైలిని ప్రదర్శించింది కాంగ్రెస్‌.

-ఆది నుండి అగ్రకుల అహంకారం ప్రదర్శిస్తూనే వుంది బిఆర్‌ఎస్‌.

-బలహీన వర్గాలకు ఎప్పుడూ ఆపన్న హస్తం అందించేదే కాంగ్రెస్‌.

-బడుగులను నెగలనీయకుండా తరిమేసింది బిఆర్‌ఎస్‌.

-బడుగుల ఆడబిడ్డ సురేఖకు కష్టకాలంలో అండగా నిలిచింది కాంగ్రెస్‌.

-అపోహతో ఆనాడు రాజయ్యను భర్తరఫ్‌ చేసింది కేసిఆర్‌.

-తెలంగాణ ఆడపడుచుకు అండగా నేడు నిలిచింది రేవంత్‌.

-బడుగులను నిలువునా ముంచింది బిఆర్‌ఎస్‌.

-బడుగులకు రిజర్వేషన్లు పెంచాలన్న సంకల్పం కల్గింది కాంగ్రెస్‌.

-గులాబీ జెండా నాదన్నందుకు ఈటెలను తరిమేసింది బిఆర్‌ఎస్‌.

-ఎవరో ఆరోపణలు చేశారని గంగుల కమలాకర్‌ను తొక్కేయాలని చూసింది బిఆర్‌ఎస్‌.

-అగ్రకుల అహంకారానికి నిలువెత్తు సాక్ష్యం కేసిఆర్‌.

-అన్ని వర్గాలను కలుపుకుపోవడంలో మానవత్వం నిండిరది రేవంత్‌.

-పార్టీ నేతలపై అపవాదులొచ్చినప్పు కాపాడుకోలేని నాయకుడు కేసిఆర్‌.

-కాంగ్రెస్‌ నాయకుల మీద అవాకులు చెవాకులయ పేలితే అండగా నిలుస్తుంది రేవంత్‌.

-మాయమాటలతో రాజకీయం చేయడం కేసిఆర్‌కు అలవాటు.

-అసలైన మానవత్వ లక్షణాలు నిండిన నాయకుడు రేవంత్‌.

-ఆంధ్రులకు అడుగడుగునా అండగా నిలిచి తెలంగాణను చులకన చేసింది కేసిఆర్‌.

-తెలంగాణ వాళ్లకు ఎవరు అన్యాయం చేసినా చీల్చి చెండాడుతున్నది రేవంత్‌.

-రాజకీయ అవసరాల కోసం పరాయి వాళ్లకు పీటలేసింది కేసిఆర్‌.

-తెలంగాణకు అన్యాయం చేస్తే ఎంతటి వాళ్లనైనా ఉపేక్షించమని నిరూపిస్తోంది రేవంత్‌.

-అయిన వాళ్లకు ఆకులు కాని వాళ్లకు కంచాలు పంచింది కేసిఆర్‌.

-తెలంగాణ కంచాలు లాగితే కూసాలు కదులుతాయని చెబుతున్నది రేవంత్‌.

హైదరాబాద్‌,నేటిధాత్రి:

పార్టీ నాయకుల కోసం అండగా నిలవలేని అగ్రనేతలు అధినేతలే కాదు. పార్టీ నాయకులకు విపత్కరపరిస్ధితులు ఎదురైనప్పుడు అండగా నిలవలేనప్పుడు అధి నాయకత్వమే కాదు. కాని మంత్రి కొండా సురేఖ విషయంలో పార్టీ అగ్రనాయకుడిగా, మంత్రి వర్గంలో తన తోటి సహచర మంత్రికి పూర్తి అండగా నిలిచి ముఖ్యమంత్రి రేవంత్‌రెడ్డి ప్రశంసనీయుడు. ఆయన చూపిన చొరవ మంత్రి వర్గానికే వన్నె తెచ్చినట్లైంది. ఆధిపత్య సీమాంధ్ర మీడియా చేస్తున్న హడావుడి ఉచ్చులో తెలంగాణ సమాజం పడిపోయింది. అందుకే కొందరు పనిగట్టుకొని కొండా సురేఖను టార్గెట్‌ చేశారు. ఇది చాలా దుర్మార్గం. ఇక్కడ అసలు విషయాన్ని ఓ సారి పరిశీలిస్తే మెదక్‌ జిల్లా ఇన్‌చార్జి మంత్రిగా వున్న మంత్రి కొండా సురేఖ ప్రభుత్వ అధికారిక కార్యాక్రమానికి హజరయ్యారు. మెదక్‌ జిల్లాలో పద్మశాలి కుటుంబాలు ఎక్కువ. మంత్రి కొండా సురేఖ కూడా పద్మశాలి ఆడబిడ్డ కావడంలో మెదక్‌ ఎంపి రఘునందన్‌ రావు మర్యాద పూర్వకంగా మంత్రి కిండా సురేఖకు నూలదండను మెడలో వేసి ఆహ్వానం పలికారు. పద్మశాలి సమాజం సమస్యలు పరిష్కరించాలని కోరారు. ఇది బిఆర్‌ఎస్‌ నాయకులకు కంటకింపుగా మారింది. ఎలా మంత్రి సురేఖను ఇరుకున పెట్టాలని, అటు రఘునందన్‌ రావును అబాసులు పాలు చేయాలన్న ఆలోచనతో బిఆర్‌ఎస్‌ సోషల్‌ మీడియా విభాగం చేయకూడని తప్పు చేసింది. మంత్రి కొండా సురేక, ఎంపి. రఘునందన్‌ రావులు వున్న ఫోటోపై దుష్ప్రచారం చేశారు. ఇది కాంగ్రెస్‌ శ్రేణులకు ఆగ్రహాన్ని తెప్పించింది. మంత్రి కొండా సురేఖ మనస్తాపానికి గురైంది. కన్నీటి పర్యంతమైంది. అయినా బిఆర్‌ఎస్‌ దుష్ట గ్రహాల మనసు కరగలేదు. కాకపోతే జరిగిన పొరపాటును గ్రహించి వెంటనే తేరుకున్న మాజీ మంత్రి హరీష్‌రావు క్షమాపణ చెప్పారు. అక్కడితో ఆగిపోతే బాగుండేది. కాని బిఆర్‌ఎస్‌ సోషల్‌ మీడియా విభాగం అక్కడితో ఆపలేదు. ఆ విషయాన్ని మరింత ప్రచారం చేసింది. మళ్లీ మళ్లీ గాయాన్ని రేపేలా చేసింది. దాంతో మంత్రి కొండా సురేఖకు ఆగ్రహం తెప్పించింది. నూలు దండకు కాంగ్రెస్‌ పార్టీకి ఎంతో సంబంధం వుంది. అది బిఆర్‌ఎస్‌ సోషల్‌ మీడియా విభాగానికి చెందిన వ్యక్తులకు తెలియదు. అసలు బిఆర్‌ఎస్‌ నేతలకే ఆ విషయం తెలియదు. కాంగ్రెస్‌ పార్టీ సహజంగా పూల దండలకు బదులుగా ఎప్పుడైనా నూలు దండలనే వినియోగిస్తుంది. ఇప్పటికీ కాంగ్రెస్‌ పార్టీకి చెందిన జాతీయస్ధాయి సమావేశాలలో నూలు దండలనే వేసుకుంటారు. పూల దండలు నిషేదం. ఆ మాత్రం కామన్‌ సెన్స్‌ బిఆర్‌ఎస్‌ శ్రేణులకు లేకుండాపోయింది. స్వాతంత్య్ర ఉద్యమ కాలంలో విదేశీ వస్తు భహిష్కరణ, చేనేత వస్త్రాల నేతకు విడదీయ రాని అనుబంధం వుంది. దేశ స్వాతంత్య్ర సంగ్రామంలో ప్రముఖ పాత్ర పోషించిన పాత్ర నూలు పోగు. ఈ సంగతి బిఆర్‌ఎస్‌ నేతలకు కనీసం అవగాహన కూడా లేదు. అందుకే చెరపకుడార చెడేవు అన్న సామెతను మీద వేసుకున్నారు. నూలు దారం ఎంతో పవిత్రమైనది. అది దేశ స్వాతంత్య్రానికి చిహ్నం. దాన్ని అపవిత్రకు ఆపాదించిన బిఆర్‌ఎస్‌ శ్రేణుల తెలివి తక్కవ తనం మూలంగా పద్మశాలి ఆడబిడ్డకు కోపం తెప్పించింది. పైగా పద్మశాలి సమాజానికి నూలు పోగు ఎంతో పవిత్రమైనది. ఆ నూలు మాల ఎంతో శ్రేష్టమైనది. దాన్ని ఎంతో గౌరవం కోసం వేసుకుంటారు. అలాంటి దండకు అపవిత్రను ఆపాదించి బిఆర్‌ఎస్‌ పెద్ద తప్పు చేసింది. దాంతో మంత్రి కొండా సురేఖ సినీ హీరో నాగార్జున కుటుంబంలో జరిగిన అన్యాయానికి మాజీ మంత్రి కేటిఆర్‌ కారణం అని ఆరోపణ చేశారు. అయితే ఇక్కడ ఎక్కడా మంత్రి కొండా సురేఖ సినీ నటి సమంతను కించపర్చలేదు. ఆమెకు ఎలాంటి తప్పును ఆపాదించలేదు. ఆమె గౌరవాన్ని నిలబెట్టింది. అంతే కాని ఆమెకు ఎలాంటి తప్పును ఆపాదించలేదు. బిఆర్‌ఎస్‌ ఇక్కడ కూడా అతి తెలివి ప్రదర్శించింది. నాగార్జున కుటుంబాన్ని రెచ్చగొట్టింది. దాంతో సినీ లోకమంతా కదలింది. అసలైన విషయాన్ని సినీ ప్రముఖులు కూడా వదిలిపెట్టారు. నాగార్జునకు అండగా నిలిచారు. మంత్రి కొండా సురేఖ మీద మాటల దాడి మొదలు పెట్టారు. ఆఖరుకు నాగార్జున మంత్రి మీద పరువు నష్టం దావా దాకా వెళ్లారు. ఇదే సమయంలో మంత్రి కొండా సురేఖ ఎంతో హుందాగా తాను సమంతపై ఎలాంటి ఆరోపణలు చేయలేదు. సాటి మహిళలకు జరిగిన అన్యాయాన్ని మాత్రమే ప్రస్తావించాను. అందులోనూ ఆమె తెగువను కీర్తించాను అని చెబుతూనే ఒక వేళ నటి సమంత తన మాట వల్ల మనసు గాయమైతే క్షమించమని కూడా కోరింది. కాని బిఆర్‌ఎస్‌ ఈ వివాదాన్ని మరింత పెద్దది చేయాలనే చూసింది. నాగార్జునను రెచ్చగొట్టింది. దాంతో సినీ వర్గమంతా ఒక్కతాటి మీదకు వచ్చింది. కాని ఇక్కడ అందరూ నాగార్జునకు మద్దతుగా ఏమీ రాలేదు. కేవలం చిరంజీవి కుటుబం, ఎన్టీఆర్‌, ఇతర కమ్మకుల సినీ వర్గమే ఆయనకు తోడుగా నిలిచింది. ఇక్కడ మంత్రి కొండా సురేఖ సినీ పరిశ్రమలో తనకు వినిపించిన అంశాన్ని మాత్రమే ప్రస్తావించారు. ఆమె ఆరోపణలు చేయలేదు. సమంత మీద ఎలాంటి వివాదాలు సృష్టించాలని అనుకోలేదు. ఒక రకంగా సమంతకు మద్దతుగా , సాటి మహిళగా తోడుగానే నిలిచింది. కాని తిమ్మిని బమ్మిని చేయడంలో ఆరి తేరిన బిఆర్‌ఎస్‌ పార్టీ రాజకీయ పైశాచిక ఆనందం పొందాలని చూసింది. సినీ పరిశ్రమను కాంగ్రెస్‌పార్టీకి వ్యతిరేకంగా మారితే భవిష్యత్తులో తమకు వాళ్లంతా మద్దతుగా నిలుస్తారని ఆశించారు. కాని కథ అడ్డం తిరిగింది. మంత్రి కొండా సురేఖ మీద పెద్దఎత్తున మీడియాలో విపరీత ప్రచారం చేస్తే ఆమెపై చర్యలు తీసుకుంటారని బిఆర్‌ఎస్‌ భావించింది. కాని అది జరగలేదు. కాంగ్రెస్‌లో కదలిక కనిపించడం లేదని గ్రహించి పెద్దఎత్తున మీడియాను రంగంలోకి దించారు. జాతీయ స్ధాయిలో కూడా ఈ విషయాన్ని చర్చనీయాంశం చేశారు. రోజుల తరబడి మీడియాలో చర్చలు జరిపారు. ఏకంగా సోనియా గాంధీ, ప్రియాంకా గాందీ లాంటి వారు స్పందించినట్లు మీడియా లేని పోని కలరింగులిచ్చారు. అబద్దాలు విసృతంగా ప్రచారం చేశారు. కాని కాంగ్రెస్‌ పార్టీలో స్పందన కనిపించకపోవడంతో బిఆర్‌ఎస్‌ నెత్తిన చేతులు పెట్టుకున్నది. ఎలాగైనా మంత్రిని భర్తరఫ్‌ చేయించాలిన పన్నాగం పన్నింది. కాని మంత్రి కొండా సురేఖకు అండగా ముఖ్యమంత్రి రేవంత్‌రెడ్డి రంగంలోకి దిగారు. ఆమెకు మద్దతుగా నిలిచారు. పైగా కాంగ్రెస్‌ పార్టీకి చెందిన బిసి నాయకులంతా ఏకమయ్యారు. ఒక బడుగుల ఆడబిడ్డపై లేని పోని వివాదాలు సృష్టించి ఆమెను మంత్రి పదవి నుంచి తొలగించేలా బిఆర్‌ఎస్‌ చేసిన కుట్రలను పటాపంచెలు చేశారు. తెలంగాణ బిసిలంతా ఏకమై బిఆర్‌ఎస్‌ మీద యుద్దం ప్రకటించింది. నిజం అడుగు బైట పెట్టేలోపు అబద్దం ఆరు ఊర్లు తిరిగి వస్తుందన్నట్లు మంత్రి కొండా సురేఖ చేసిన వ్యాఖ్యలకు విపరీతార్దాలు సృష్టించి లేని పోనివి ప్రచారం చేశారు. కాంగ్రెస్‌ పార్టీని ఇబ్బందులు పెట్టాలని చూశారు. కాని కాంగ్రెస్‌పార్టీ తన పార్టీ నేత కొండా సురేఖను కాపాడడంలో సఫలమైంది. కాంగ్రెస్‌ పార్టీ అంటే బడుగులకు అండగా వుండే పార్టీ అని మరోసారి నిరూపించింది. బిఆర్‌ఎస్‌ పదేళ్ల పాలనలో బడుగులను అడుగుగడుగునా అణచివేస్తూ వచ్చింది. బడుగుల నాయకులు ఎదడగాన్ని కేసిఆర్‌ తో సహా పెత్తందారి నీj నాయకులు సహించలేకపోయారు. దాంతో తెలంగాణ తొలి ఉప ముఖ్యమంత్రి తాటికొండ రాజయ్య మీద లేని పోని అపోహలు సృష్టించి ఆయనను మంత్రి పదవి నుంచి తప్పించారు. ఇప్పటి వరకు రాజయ్య చేసిన తప్పేమిటో మాత్రం చెప్పలేదు. పైగా అడుగడుగునా ఆయనను పార్టీ అవమానించింది. ఒక దశలో ఎన్నికల స్టేజీ మీద పక్కన కూర్చున్న రాజయ్య షేక్‌ హ్యాండ్‌ ఇవ్వబోతే కేసిఆర్‌ చీదరించుకున్న సందర్భం వుంది. మాజీ మంత్రి గంగుల కమలాకర్‌ మీద ఓ సినీ నటి లేనిపోని ఆరోపణలు చేస్తే ఆయనను కూడా పదవినుంచి తొలిగించేందుకు సిద్దమయ్యారు. కాని ఆగిపోయారు. ఉద్యమ కాలం నుంచి కేసిఆర్‌కు అండగా నిలిచిన ఈటెల రాజేందర్‌, గులాబీ జెండాకు నేను కూడా ఓనర్నే అన్న ఒక్క మాట పట్టుకొని ఆయనను మెడపట్టి గెంటివేసినంత పనిచేశారు. ఆయనను భూ కబ్జా కోరురుగా చిత్రీకరించి బైటకు పంపించారు. మంత్రి పదవి నుంచి తొలిగించారు. ఇలా బడుగులకు అడుగడుగునా అవమానం చేసిన పార్టీ బిఆర్‌ఎస్‌. బడుగుల నాయకులకు ఆదప వచ్చినప్పుడు అండగా నిలిచింది కాంగ్రెస్‌ పార్టీ. వారికి కొండంత ధైర్యం నింపే నాయకుడు రేవంత్‌ రెడ్డి. అదీ ఒక నాయకుడికి వుండాల్సిన తత్వం. అదే అసలైన వ్యక్తిత్వం. అదే రేవంత్‌ రెడ్డి విశాలమైన మనసున్న నాయత్వం.

కామ్రేడ్ బి విజయ సారథి, సిపిఐ పార్టీ మహబూబాబాద్ జిల్లా కార్యదర్శి.

తొర్రూర్ (డివిజన్) నేటి ధాత్రి:

తెలంగాణ సాయుధ పోరాట వారోత్సవాలు రాష్ట్రవ్యాప్తంగా భారత కమ్యూనిస్టు పార్టీ ఆధ్వర్యంలో ఈనెల 11 నుండి 17 దాకా నిర్వహిస్తున్నటువంటి సందర్భంలో మొదటిరోజు తొర్రూరు మండలంలో సాయుధ పోరాట వారోత్సవాల్లో భాగంగా ఈరోజు తొర్రూరు మండలం అమ్మాపురం గ్రామాల్లో గల తమ్మెర వెంకటరామ నరసయ్య గారి స్థూపానికి మరియు తెలంగాణ అమరవీరుల స్తూపాలకి పూలమాల వేసి ఘన నివాళులు అర్పించడం జరిగింది. ఈ కార్యక్రమంలో ముఖ్యఅతిథిగా జిల్లా కార్యదర్శి కామ్రేడ్ బి. విజయ సారధి పాల్గొన్నారు. అమ్మాపురం లో గల స్థానిక అంబేద్కర్ సెంటర్ నుండి ఊరేగింపు నిర్వహించారు. కామ్రేడ్ విజయ సారధి మాట్లాడుతూ బ్రిటిష్ వలస పాలనకు నైజాం సైన్యానికి వ్యతిరేకంగా పోరాడి, కోట్లాదిమంది ప్రజలలో చైతన్యాన్ని రగిలించిన యోధులే తెలంగాణ సాయుధ పోరాట యోధులు. రాచరిక వ్యతిరేక పోరాటాన్ని ,హిందూ ముస్లిం పోరాటంగా చిత్రీకరించే మత చాందసవాదుల కుట్రలను తిప్పికొట్టాలని, అన్నారు. తెలంగాణ చరిత్రలోనూ, పోరాటం తోను సంబంధంలేని మతోన్మాద శక్తులు ఇవ్వాల తెలంగాణ చరిత్రకు మతంరంగును పులుముతున్నాయి. ప్రజలకు, ప్రజాపీడకులైన దొరలు, దేశముకులకు మధ్య జరిగిన తెలంగాణ సాయుధ పోరాట చరిత్రను వక్రీకరిస్తూ మతంరంగు అంటుగడుతున్నారు. తెలంగాణ సాయుధ పోరాట వాస్తవిక గాధ నేటి యువతరానికి తెలియాల్సి ఉంది. ఆనాటి రైతుల పంటలను, భూస్వాములు బలవంతంగా లాక్కుంటున్న పరిస్థితులలో, దొరల దౌర్జన్యాలను ఎదిరించిన కామ్రేడ్ ఐలమ్మ లాంటి వీరవనితలకు ,గుత్పసంఘం వెన్నుదన్నుగా నిలిచింది. ఉద్యమంపై నీచంగా దాడులు చేస్తూ, అరాచకాలకు పాల్పడిన భూస్వాములపై, సామాన్య ప్రజలు తిరగబడ్డారు. సాంప్రదాయ ఆయుధాలతో భూస్వాములను ఎదుర్కోలేమని భావించిన కమ్యూనిస్టు పార్టీ, 1947 సెప్టెంబర్ 11న సాయుధ పోరాటానికి పిలుపునివ్వడం జరిగింది. రజకర్ల అధ్యక్షుడు కాసిం రజిని అయినా, దానికి ఉపాధ్యక్షుడు ఇదే విసునూరు రామచంద్రారెడ్డి. ఇవాళ ఏ రజివీని అయితే దుర్మార్గుడిగా, కూని కోరుగా మాట్లాడుతున్నామో,అందులో భాగస్తుడే ఈ విసునూరు రామచంద్రారెడ్డికి కూడా భాగం ఉన్నది .అతని తల్లి జానకమ్మ ,అతని కొడుకు బాబు దొర, చేసిన అఘాయిత్యాలకు, అకృత్యాలకు, జనం ఇప్పటికీ చెప్పుకుంటూ ఉంటారు. అటువంటి తరుణంలో అమ్మాపురం గ్రామం సాయుధ పోరాటయోధులకు నిలయమైంది. ఈ గ్రామం నుంచి ఆనాడు కొండపల్లి గోపాలరావు గారి నాయకత్వంలో ప, గూడెల్లి ఎల్లయ్య, దొనక రాములు, గుంటుక అయిలయ్య,కొత్తూరు నరసయ్య, జనగం సోమయ్య, కొలిపాక సాయన్న, ముడుపు రామిరెడ్డి తదితరులు ఈ పోరాటంలో పాల్గొని, జాల్నా జైలుకు వెళ్లి వచ్చారు .అలాగే ఈ రజాకారుల మూకల దౌర్జన్యానికి ఈ గ్రామాల్లోనే వడ్డేపల్లి పుల్లయ్య, కడుదుల గోపయ్య అనే వ్యక్తులను సజీవదహనం చేసిన చరిత్ర ఈ గ్రామానికి కలదు. కావున ఇటువంటి పోరాటాలను నేడు యువత తెలుసుకొని, ఈ తెలంగాణ పోరాటాలను వక్రీకరిస్తున్న వ్యక్తులకు, పార్టీలకు, బుద్ధి చెప్పవలసిన అవసరం ఉంది.
తదనంతరం కామ్రేడ్ తమ్మెర విశ్వేశ్వరరావు సిపిఐ పార్టీ రాష్ట్ర కంట్రోల్ కమిషన్ సభ్యులు మాట్లాడుతూ ఆనాటి పోరాటయోధుల స్ఫూర్తితోనే, మేము ఇంకా ముందుకు నడుస్తామని ,వారి ఆశయ సాధన కోసం పోరాటాలు నిర్వహిస్తామని ,చెబుతూ ఆనాటి యోధుల కుటుంబాలను ఘనంగా సన్మాన కార్యక్రమం చేయడం జరిగింది . తదనంతరం హరిపిరాల గ్రామంలో కామ్రేడ్ వల్లపు కొమరెల్లి గారి స్థూపానికి, వెంకటాపురంలోని మొగుళ్ళ మల్లయ్య స్తూపానికి, తోరూరులోని మన్నూరు వెంకటయ్య స్తూపాలకు పూలమాలు వేసి ఘన నివాళులు అర్పించడం జరిగింది.ఈ కార్యక్రమంలో ఏఐటీయూసీ జిల్లా గౌరవ అధ్యక్షులు ఓమా బిక్షపతి,మండల కార్యదర్శి. బందుమహేందర్,వ్యవసాయ కార్మిక సంఘం జిల్లా నాయకులు ఘనపురం లక్ష్మను ,డి హెచ్ పి ఎస్ నాయకులు గూడెల్లి ఎల్లయ్య, గ్రామ కార్యదర్శి బూరుగు యాదగిరి, గ్రామ మాజీ సర్పంచులు గూడెల్లి ఎల్లయ్య, మామిళ్ళపల్లి రమేషు, కోటగిరి ఏకాంతం, జనగం శ్రీనివాస్, పంజాల పాపయ్య పబ్బోజు బ్రహ్మచారి తదితరుల పాల్గొన్నారు.