స్పోర్ట్స్ స్కూల్లో విద్యార్థులు దరఖాస్తులకు ఆహ్వానం
జిల్లా క్రీడల శాఖ అధికారి రఘు
భూపాలపల్లి నేటిధాత్రి
జిల్లా స్తాయి స్పోర్ట్స్ స్కూల్ సెలెక్షన్స్ 2026-27
తెలంగాణ రాష్ట్ర క్రీడా ప్రాధికార సంస్థ హైదరాబాద్ వారి ఆదేశాలనుసారం, జిల్లా కలెక్టర్ అనుమతి తో 2026-27 సంవత్సరానికి గాను నాలుగవ తరగతి బాల బాలికలకు స్పోర్ట్స్ స్కూల్ నందు ప్రవేశం కొరకు జిల్లా స్థాయి ఎంపికలు నిర్వహించబడును.
కావున జిల్లా పరిధిలోని బాలబాలికలకు ఈనెల 30 న ఆంబేద్కర్ స్టేడియం, కృష్ణ కాలనీ, భూపాలపల్లి నందు ఎంపిక పోటీలు జరుగును. బాల బాలికలకు ఎత్తు, బరువు, 800 మీటర్ల పరుగు, 6 x 10 మీటర్ల షటిల్ రన్, స్టాండింగ్ బ్రాడ్ జంప్, 30 మీటర్ల ఫ్లయింగ్ స్టార్ట్, మెడిసిన్ బాల్ పుట్, వర్టికల్ జంప్, ఫ్లెక్సిబిలిటీ అను తొమ్మిది రకముల పోటీలు నిర్వహించబడును. ఇందులో అర్హత సాధించిన బాలబాలికలను 10 మంది బాలురు 10 మంది బాలికలను ఎంపిక చేసి రాష్ట్రస్థాయిలో జరిగే ఎంపికలకు పంపించడం జరుగును.
కావున జిల్లాస్థాయి ఎంపికలకు హాజరగు బాలబాలికలు తమ వెంట జనన ధ్రువీకరణ పత్రము, కుల ధ్రువీకరణ పత్రం, వయస్సు స్టడీ ధ్రువీకరణ పత్రము, ప్రోగ్రెస్ రిపోర్ట్, ఆధార్ కార్డు 5 పాస్పోర్ట్ సైజ్ ఫోటోలు (ఒరిజినల్ మరియు రెండు సెట్ల జిరాక్స్ కాపీలు) తప్పక తీసుకురాగలరని జిల్లా యువజన క్రీడల అధికారి, చిర్ర రఘు ఒక ప్రకటనలో తెలిపారు
