గద్దెపై ఆసీనురాలైన వన దేవతలు పరిపూర్ణతను సంత రించుకున్న మొగుళ్ళపల్లి మినీ జాతరత
మొగుళ్ళపల్లి నేటి ధాత్రి
భక్తుల గుండెల్లో భక్తి జ్వాలగా వెలిగే వన దేవతలు ములకలపల్లి మొగుళ్లపల్లి గ్రామాల మధ్యలో శుక్రవారం మినీ మేడారం జాతరలో శరణు శరణు సమ్మక్క, శరణు శరణు సారక్క అంటూ. శివసత్తుల పూనకాలతో పోటెత్తిన భక్తజనం. జయశంకర్ భూపాలపల్లి జిల్లా మొగళ్ళపల్లి మండలంలోని ములకలపల్లి మొగుళ్లపల్లిలో మినీ మేడారం గా ప్రసిద్ధిగాంచిన సమ్మక్క సారలమ్మ జాతరకు వరంగల్ జిల్లాలోని పరకాల, నడికూడా, జయశంకర్ భూపాలపల్లి జిల్లా. చిట్యాల టేకుమట్ల, కరీంనగర్ జిల్లా.
ఇల్లంతకుంట, జమ్మికుంట, మండలాలకు చెందిన అశేష భక్త జనవాహినితో సమ్మక్క సారలమ్మ జాతర ప్రాంగణం లో జై సమ్మక్క జై జై సమ్మక్క అంటూ జయజయ ధ్వనులతో మారు మోగింది కోరిన కోర్కెలు తీర్చే చల్లని తల్లులు నమ్ముకున్న భక్తులను చల్లంగా చూసేందుకు కష్టాల చీకట్లను తరిమికొట్టి వరాలను వెన్నెలను చల్లెందుకు చల్లని పున్నమి కాంతుల నడుమ సమ్మక్క సారక్క గద్దెలపై కొలువు ధీరడంతో అంగరంగ వైభవంగా జాతర ఉత్సవాలను కమిటీ సభ్యులు నిర్వహించారు. ఉత్సవ కమిటీ సభ్యుల అంచనాకు మించి రెండు లక్షలకు పైగా భక్తులు వచ్చి అమ్మవార్లకు నిలువెత్తు బంగారం, కానుకలు, యాటపోతులను నైవేద్యంగా సమర్పించి అమ్మవార్లను దర్శించుకొని మొక్కులను చెల్లించుకున్న భక్తులు. జాతర ప్రదేశంలోనీ పెద్దవాగు, చిన్నవాగులలోనీ ప్రశాంత వాతావరణంలో తమ కుటుంబ సభ్యులతో అనందంగా జాతరను జరుపుకున్నారు.