గ్యాస్ బుకింగ్ పేరుతో మోసాలు.. జాగ్రత్త..!
జహీరాబాద్ నతి ధాత్రి:
వంట గ్యాస్ సిలిండర్ల కొరత వల్ల కలిగే భయాందోళనలను సైబర్ నేరగాళ్లు ఆసరాగా చేసుకుంటున్నారు. జహీరాబాద్ నియోజకవర్గం ఝరాసంగం మండల పోలీస్ స్టేషన్ ఎస్ఐ క్రాంతి కుమార్ పటేల్ ప్రజలను హెచ్చరించారు, ఆన్లైన్లో గ్యాస్ బుకింగ్ కోసం చూస్తున్న అమాయకులను లక్ష్యంగా చేసుకుని కొత్త రకం మోసం ప్రారంభమైందని. వెంటనే సిలిండర్లు డెలివరీ చేస్తామని, అదనపు సిలిండర్లు అందిస్తామని సోషల్ మీడియాలో నకిలీ ప్రకటనలు పోస్ట్ చేస్తున్నారని.. వాట్సాప్, ఎస్ఎంఎస్ ద్వారా నకిలీ వెబ్సైట్ లింక్లను పంపి ప్రజలను తప్పుదారి పట్టిస్తున్నారని.. ముఖ్యంగా, ఆన్లైన్ ముందస్తు చెల్లింపులకు హామీ ఇవ్వడం, అత్యవసర గ్యాస్ సరఫరా చేయడం జరుగుతుందని ఆయన హెచ్చరించారు. ఇలా చెప్పే సందేశాలు ఖచ్చితంగా సైబర్ స్కామ్లని ప్రజలు గ్రహించాలని ఆయన అన్నారు. ఎట్టి పరిస్థితుల్లోనూ అలాంటి అనుమానాస్పద లింక్లపై క్లిక్ చేయవద్దని ఆయన సూచించారు. సిలిండర్ బుకింగ్ లేదా ఆన్లైన్ చెల్లింపుల కోసం, గ్యాస్ కంపెనీల అధికారిక వెబ్సైట్లు లేదా అధీకృత గ్యాస్ ఏజెన్సీలను మాత్రమే సంప్రదించాలని ఆయన అన్నారు. ఆకర్షణీయమైన ఆఫర్లు, మీ బ్యాంక్ ఖాతా వివరాలు, ఓటిపి , యూపీఐ పిన్ మొదలైన వాటిని తెలియని వ్యక్తులతో ఎట్టి పరిస్థితుల్లోనూ పంచుకోవద్దు.
