Nagarjuna’s AI-Powered 100th Film
కింగ్ @100
ఏఐ మ్యాజిక్..
శివ ఈజ్ బ్యాక్!
వెండితెరపై విజువల్ వండర్స్ క్రియేట్ చేయడంలో సాంకేతికత ఇప్పుడు సరికొత్త రికార్డులు సృష్టిస్తోంది. దర్శకుల ఊహలకు ‘ఆర్టిఫిషియల్ ఇంటెలిజెన్స్’ రెక్కలు తొడుగుతోంది. తాజాగా ఈ ఏఐ విప్లవం టాలీవుడ్ మన్మథుడు, కింగ్ నాగార్జున మైల్స్టోన్ మూవీలో సెన్సేషన్ క్రియేట్ చేయబోతోంది. అన్నపూర్ణ స్టూడియోస్ అత్యంత ప్రతిష్టాత్మకంగా నిర్మిస్తున్న నాగ్ 100వ చిత్రంపై ఇండస్ట్రీలో భారీ అంచనాలు నెలకొన్నాయి. ‘కింగ్ 100’ లేదా ‘లాటరీ కింగ్’ అనే టైటిల్స్తో ప్రచారంలో ఉన్న ఈ సినిమాలో.. నాగార్జున క్యారెక్టరైజేషన్ మునుపెన్నడూ చూడని రీతిలో డిజైన్ చేస్తున్నారట దర్శకులు.
ఈ సినిమాలో బిగ్గెస్ట్ హైలైట్ ఏంటంటే.. కింగ్ నాగార్జునను మనం మళ్లీ పాతికేళ్ల కుర్రాడిగా చూడబోతున్నాం! ‘డీ-ఏజింగ్’ టెక్నాలజీని ఉపయోగించి నాగ్ లుక్ని కంప్లీట్ గా మార్చేస్తున్నారు. సరిగ్గా ‘శివ’ సినిమాలో సైకిల్ చైన్ పట్టుకొని వచ్చిన ఆ రౌద్రం, ఆ గంభీరమైన రూపం మళ్లీ వెండితెరపై రిపీట్ కాబోతోంది. గతంలో కొన్ని సినిమాల్లో పాత ఫుటేజీని వాడి విఫలమైనా, ఇప్పుడు అడ్వాన్స్డ్ ఏఐ టూల్స్ ఉండటంతో ‘శివ’ నాగ్ విజువల్స్ అద్భుతంగా రాబోతున్నాయని టాక్. నాగ్ గ్లామర్కు టెక్నాలజీ తోడైతే థియేటర్లలో రచ్చ మామూలుగా ఉండదు మరి!
కేవలం టెక్నాలజీ మాత్రమే కాదు, ఈ సెంచరీ మూవీలో మరికొన్ని ‘మెగా సర్ప్రైజ్లు’ కూడా ప్లాన్ చేస్తున్నారు. అక్కినేని వారసులు నాగచైతన్య, అఖిల్ కూడా తండ్రి వందో సినిమాలో మెరవబోతున్నారని ఫిలిం నగర్ సమాచారం. ముగ్గురు అక్కినేని హీరోలు ఒకే ఫ్రేమ్లో కనిపిస్తే ఫ్యాన్స్కు అది పూనకాలు తెచ్చే పండగే! గ్రిప్పింగ్ స్క్రీన్ ప్లే, స్టైలిష్ యాక్షన్, మరియు ఏఐ విజువల్స్తో రాబోతున్న ఈ సినిమా.. బాక్సాఫీస్ వద్ద నాగ్ స్టామినాను మరోసారి చాటిచెప్పడం ఖాయంగా కనిపిస్తోంది.
