ఈ రంగు చెప్పులు వేసుకుంటున్నారా..!

పసుపు రంగు అనేది సాధారణంగా పవిత్రతకు, మంచి శక్తికి సంకేతంగా భావిస్తారు. కానీ, పసుపు రంగులో ఉన్న చెప్పులు కొన్ని నమ్మకాల ప్రకారం అంత శుభప్రదం కాదు. జ్యోతిష్యంలో బృహస్పతి గ్రహంకు పసుపు రంగు ప్రతీక. బృహస్పతి అనేది జ్ఞానం, సంపద, గురుత్వానికి సూచిక. పసుపు రంగు చెప్పులను ధరించడం ద్వారా బృహస్పతి ప్రభావం బలహీనపడుతుందని కొంతమంది నమ్మకం. దీని వల్ల ఆర్థిక సమస్యలు, వివాహ బంధంలో కలహాలు, పిల్లల పెళ్లిళ్లు ఆలస్యం వంటి ఇబ్బందులు వచ్చే అవకాశాలు ఉన్నాయని నిపుణులు చెబుతున్నారు.

ఏం చేయాలి?

చెప్పులు కొనేటప్పుడు ముఖ్యంగా చదువుకునే వాళ్లు, ఉద్యోగం లేదా వ్యాపార అభివృద్ధి ఆశిస్తున్నవాళ్లు పసుపు రంగు చెప్పులను తీసుకోవడం మంచిది కాదని నిపుణులు చెబుతున్నారు. నలుపు, లేత గోధుమరంగు, బూడిద రంగులు ఎంచుకోవడం ఉత్తమం అని సూచిస్తున్నారు. అలాగే, శనివారం రోజు బ్లాక్ కలర్ చెప్పులు శని దోష నివారణకు సహాయపడతాయని కొందరు విశ్వసిస్తారు.