వెల్గటూరు నేటి ధాత్రి
జీవితంపై విరక్తి చెంది యువతి బావిలో దూకి ఆత్మహత్య చేసుకున్న సంఘటన వెల్గటూరు మండలంలో చోటు చేసుకుంది. వివరాల్లోకి వెళితే వెల్గటూరు మండలం కిషన్ రావుపేట గ్రామానికి చెందిన బండారి సత్తవ్వ 40 సంవత్సరాల యువతి జీవితంపై విరక్తి చెంది మంగళవారం రాత్రి బావిలో దూకి ఆత్మహత్య చేసుకున్నట్లు వెల్గటూరు ఎస్సై ఆర్. ఉమా సాగర్ తెలిపారు.ఎస్ఐ ఉమా సాగర్ తెలిపిన వివరాల ప్రకారం కిషన్ రావుపేటకు చెందిన బండారి సత్తవ్వ ఒక సంవత్సరం కాలంగా నరాల నొప్పితో బాధ పడుతుందని అందుకు గాను జీవితం పై విరక్తి చెంది మంగళవారం రాత్రి ఇంటి దగ్గరలో ఉన్న వ్యవసాయ బావిలో దూకి ఆత్మహత్య చేసుకుందని తెలిపారు. మృతురాలి భర్త బండారి మల్లేష్ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ ఉమా సాగర్ తెలిపారు.
