Youth Support Poor Family
నిరుపేద కుటుంబానికి అండగా ఒకటో వార్డ్ యువత..
రామకృష్ణాపూర్, నేటిధాత్రి:
క్యాతన్ పల్లి మున్సిపాలిటీ పరిధిలోని ఒకటో వార్డ్ లో నిరుపేద కుటుంబానికి చెందిన సుర చెన్నమల్లు అనే వ్యక్తి చనిపోవడంతో వారి కుటుంబానికి మేమున్నామంటూ ఒకటో వార్డు యువత, వార్డ్ ప్రజలు కలిసి 20 వేల రూపాయల ఆర్థిక సహాయాన్ని అందించారు. చెన్నమల్లు కుటుంబం నిరుపేద కుటుంబం కావడంతో వార్డు ప్రజలు ,యువత కలిసి వారి కుటుంబానికి ఆర్థిక సహాయం అందించడం జరిగిందని, ఇంకెవరైనా దాతలు ఉంటే వారి కుటుంబానికి ఆర్థిక సాయం అందించేలా చొరవ తీసుకోవాలని ఒకటో వార్డ్ యువత కోరారు. ఈ కార్యక్రమంలో ఆశనవేని సత్యనారాయణ, మాజీ కౌన్సిలర్ పోగుల మల్లయ్య పిల్లి సతీష్, ముక్తి శ్రీనివాస్, మేకల కుమారస్వామి, బాలాజీ తదితరులు పాల్గొన్నారు.
