షార్ట్ సర్క్యూట్ తో పూజా స్టోర్ దగ్దం దురదృష్టకరం…

షార్ట్ సర్క్యూట్ తో పూజా స్టోర్ దగ్దం దురదృష్టకరం

ఎమ్మెల్యే గండ్ర సత్యనారాయణ రావు

భూపాలపల్లి నేటిధాత్రి

భూపాలపల్లి పట్టణంలోని కాళేశ్వరం రోడ్డులో మహేశ్వర పూజా స్టోర్ షార్ట్ సర్క్యూట్ తో దగ్దం అవ్వడం దురదృష్టకరమని భూపాలపల్లి ఎమ్మెల్యే గండ్ర సత్యనారాయణ రావు అన్నారు. షార్ట్ సర్క్యూట్ తో బుక్క దుకాణం పూర్తిగా కాలిపోయిన విషయం తెలుసుకున్న ఎమ్మెల్యే గండ్ర సత్యనారాయణ రావు ఘటనా స్థలాన్ని పరిశీలించారు. బాధిత వ్యాపారిని పరామర్శించి, ధైర్యం చెప్పారు. ఈ ప్రమాదం దురదృష్టకరమన్న ఎమ్మెల్యే, ప్రభుత్వం తరఫున అందుబాటులో ఉన్న అన్ని విధాలా సహాయం అందేలా చర్యలు తీసుకుంటామని హామీ ఇచ్చారు. భవిష్యత్తులో ఇలాంటి ఘటనలు పునరావృతం కాకుండా విద్యుత్ భద్రతా చర్యలను కట్టుదిట్టంగా అమలు చేయాలని సంబంధిత అధికారులను ఎమ్మెల్యే ఆదేశించారు. అగ్నిప్రమాదాల పట్ల వ్యాపారులు కూడా అప్రమత్తంగా ఉండాలని సూచించారు ఈ కార్యక్రమంలో ట్రేడ్ ప్రమోషన్ చైర్మన్ ఐత ప్రకాష్ రెడ్డి గ్రంథాలయ సంస్థ చైర్మన్ కోట రాజబాబు గౌడ్ కాంగ్రెస్ పార్టీ పట్టణ అధ్యక్షుడు దేవన్ షాపు ఓనర్స్ తదితరులు పాల్గొన్నారు