రైతన్న నేస్తం కేసిఆర్‌

` రైతు సంక్షేమం కోసం ఆలోచించే ఏకైక నాయకుడు కేసిఆర్‌.

` కేసిఆర్‌ నాయకత్వంలో దేశ ప్రగతి పరుగులు. 

`బిఆర్‌ఎస్‌ తోనే దేశ మంతా కాంతులు…

`తెలంగాణ రూపు రేఖలు మార్చారు.

`ఎనమిదేళ్ల కింద తెలంగాణలో గోసలు.

` ఇప్పుడు తెలంగాణ బంగారు పంటలు.

`ఒక నాడు ఎండిన బీడులు…

`ఇప్పుడు పచ్చని పసిడి సిరుల పల్లెలు.

`ఎటు చూలినా నీళ్లే….కను చూపు మేర పొలాలే…

`పచ్చదనం పర్చుకొని పరవశిస్తున్న భూములు.

`చెరువుల నిండుగా….మత్స్య సంపద పండగ.

` రైతు భరోసాకు రైతు బంధు ఆసరా.

`రైతు క్షేమమే దేశ సంక్షేమం…

`విద్య, వైద్య రంగాలలో గణనీయమైన మార్పులు…

`పల్లె పల్లెకూ అందుతున్న ప్రభుత్వ వైద్య సేవలు…

`దేశమంతా కరంటు వెలుగులు….

`దేశ రైతాంగానికి తీరనున్న కరంటు కష్టాలు.

`నేటిధాత్రి ఎడిటర్‌ కట్టా రాఘవేంద్రరావు తో భూపాలపల్లి ఎమ్మెల్యే గండ్ర వెంకట రమణారెడ్డి మనసులో మాట.

హైదరాబాద్‌,నేటిధాత్రి: 

కాలం పరుగులకు కళ్లెం వేయగలవారే విజేలౌతారు. ఆ కాలాన్ని సద్వినియోగం చేసి, ప్రజలకు సేవ చేసిన వాళ్లు గొప్ప మార్గ దర్శకులౌతారు. ఆ ప్రజలకు దిక్సూచీ అవుతారు. ప్రజల జీవితాలలో వెలుగులు నింపుతారు. జనం కష్టాలను తీర్చుతారు. నాయకులుగా చరిత్రలో నిలిపోతారు. అలాంటి నాయకుడు కేసిఆర్‌. తను కలగన్నాడంటే అది నిజం చేసి చూపిస్తాడు. ఆ కలతో తెలంగాణ ఆవిష్కరించాడు. అలుపెరగని పద్నాలుగేళ్ల నిరంతర పోరాటం చేసి తెలంగాణ సాధించాడు. తెచ్చిన తెలంగాణలో అధ్భుతాలు సృష్టించి, ఊహకందని తెలంగాణ నిర్మాణం చేశాడు. అన్ని వర్గాల ప్రజల జీవితాలు ఆనందమయం చేశాడు కేసిఆర్‌. అని అంటున్న భూపాలపల్లి ఎమ్మెల్యే గండ్ర వెంకట రమణారెడ్డి మనసులో మాట నేటిధాత్రి ఎడిటర్‌ కట్టా రాఘవేంద్రరావు తో….

రైతు సంక్షేమం కోసం నిరంతరం ఆలోచించే ఏకైక నాయకుడు కేసిఆర్‌. 

తెలంగాణ గోస కళ్లారా చూసి అనేక సార్లు కంట నీరు పెట్టుకున్న నాయకుడు కేసిఆర్‌. తాను కూడా స్వయంగా రైతు. రైతు కష్టాలు తెలుసు. రైతులు పడే ఇబ్బందులు తెలుసు. రైతాంగం ఎదుర్కొనే సమస్యలన్నీ తెలుసు. ముఖ్యంగా తెలంగాణ ప్రాంతంలో సాగే సాగుతో రైతుల దుఃఖం చెప్పనలవి కానిది. అటు గోదావరి పారినా తెలంగాణ కు చుక్క నీరందని రోజులు. ఇటు కృష్ణమ్మ పారినా పాలమూరు, రంగారెడ్డి ,నల్గొండ ఎండిన కాలం. ఎటు చూసినా బీడులు. పడావు బడ్డ భూములు. ఎండిపోయిన బావులు. వాటికి పూడికలు తీసుకునే స్థోమత లేని రైతులు. చినుకు పడగానే సంబరపడి ఈ ఏడాదైనా పంట తీద్దామని అప్పు చేసి, పొలం పెడితే ఎండిపోవడం తప్ప పంట చేతికి రాని రోజులు. అయినా భూమిని నమ్ముకొని, మళ్ళీ అప్పులు చేసి బోర్లేసినా నీళ్లు పడక కన్నీళ్లతో వ్యవసాయం చేసిన ప్రాంతం తెలంగాణ. బిందెలతో నీళ్లు పోసి, మొక్కలు తడిపినా, చినుకు జాడ లేక విత్తులు మొలకెత్తని గోస తెలంగాణది. అలాంటి తెలంగాణలో నీటి జాడలు కలలో కూడా చూస్తామని ఏ ఒక్కరూ అనుకోలేదు. కానీ ఒక్క కేసిఆర్‌ కలగన్నాడు. తెలంగాణ చీకట్లను పారద్రోలానుకున్నాడు. ఉమ్మడి రాష్ట్రంలో తెలంగాణ కష్టాలు తీరడం కల అని గుర్తించాడు. తెలంగాణ సస్యశ్యామలం కావాలి. తెలంగాణ ప్రజలు సుఖశాంతులతో వర్థిల్లాలి. ఎటు చూసినా పచ్చదనం వెల్లివిరియాలి. తెలంగాణలో బంగారు పంటలు పండాలి. ఇవన్నీ సాధ్యం కావాలంటే తెలంగాణ రావాలి. తెలంగాణలో ప్రాజెక్టులు రావాలి. రిజర్యాయర్ల నిర్మాణం జరగాలి. చెరువుల పునరుద్ధరణ జరగాలి. ప్రతి ఊరిలోనూ భూ గర్భ జలాలు తొనికిసలాడాలి. వాగులు వంకలు పొంగాలి. చెక్‌ డ్యాంల నిర్మాణం విరివిగా జరగాలి. ఎక్కడికక్కడ జలసిరులు నిండాలి. అవి పొలాలకు మళ్లాలి. నిరంతరం నీరు పంటకు అందుబాటులో వుండాలి. నీరు లేదన్న మాట వినపడకూడదు. ఎండిన పంటలు అన్న మాట తెలంగాణలో వినిపించకూడదు. తెలంగాణ కూడా ఒక ధాన్యాగారం కావాలి. దేశానికి తిండిపెట్టాలి. తెలంగాణ రైతు దేశాన్ని సాదాలి. ఇదీ తెలంగాణ ఉద్యమం చేపట్టిన నాడే ముఖ్యమంత్రి కేసిఆర్‌ కలగన్న తెలంగాణ. అలా ప్రజల కోసం కలగని ఆ కలలు నెరవేర్చిన నాయకుడు ప్రపంచంలో ఒక్క కేసిఆర్‌ మాత్రమే… ఒకే ఒక్కడు కేసిఆర్‌ మాత్రమే… 

తెలంగాణ రూపు రేఖలు మార్చారు. అనుకున్నది సాధించాడు.

ఎనమిదేళ్ల కింద తెలంగాణలో గోసలు చెప్పుకుంటే ఒక్క పూటలో చెప్పుకునేంత చిన్నవి కాదు. ఎంత చెప్పినా ఒడువని ముచ్చట. తెలంగాణలో పంటలు పండాలంటే కరంటు కావాలి. ఆ కరంటు ఎప్పుడు వస్తుందో, ఎప్పుడు పోతుందో తెలియని పరిస్థితి. ఆ కాలంలో రైతుకు వ్యవసాయం తప్ప మరో వ్యాపకం లేదు. సాధ్యం కాదు కూడ. రాత్రిళ్లు బావుల దగ్గరే నిద్రలు. కరంటు షాకులు. పాముకాట్లు. రైతు ప్రాణాలకు భరోసా లేని జీవితం. ఇక గాలి దుమారాలకు వైర్లు తెగిపోయి, రాత్రి వేళల్లో పొలానికి వెళ్లిన రైతులు చీకట్లో కరంటు వైర్లకు తగిలి ఎంతో మంది కాలి బూడిదైపోయేవారు. ఇక ఇళ్లకొచ్చే కరంటు సంగతి కూడా అంతే…చిన్న చిన్న వ్యాపారాలు చేసుకునే వాళ్లకు కూడా కరంటు కష్టాలు. తెలంగాణలో పారిశ్రామిక రంగం కుదేలు. పవర్‌ హాలీడేస్‌…ఆఖరుకు అసలే సక్కగలేని సాగుకు కూడా విరామాలు తీసుకున్న రోజులు. అంతటి గడ్డుదినాలు. 

మరి. ఇప్పుడు తెలంగాణ బంగారు పంటలు. పాలమూరులో కూడా పసిడి సిరులు. పలుగురాళ్లు తేలి, పొలాలలో పోట్రౌతులు తాకే భూములు ఇప్పుడు సస్యశ్యామలమయ్యాయి. వలసల జిల్లాగా ఊర్లకు ఊర్లు మాయమై, ఇండ్లు శిదిలమై, బతికిన రోజులు. కానీ ఇప్పుడు అదే పాలమూరుకు పొరుగు కర్ణాటక నుంచి కూలీ పనులకు ప్రజలొస్తున్నారు. ఎండిన పాలమూరులో నీటి పరవళ్ళు చూసి ఆశ్చర్య పోతున్నారు. పొలాల నిండుగా నీళ్లు చూసి చలించిపోతున్నారు. గజం ఖాళీ వుంచక భూములన్నీ పొలాలుగా మారడాన్ని బిత్తరపోయి చూస్తున్నారు. పెరిగిన నీటి మట్టాలతో, ఇరవై నాలుగు గంటలు బోర్లు నడుస్తుంటే మేం తెలంగాణలో కలుస్తామంటున్నారు. ఒక నాడు ఎండిన బీడులు… ఇప్పుడు పచ్చని పసిడి సిరుల పల్లెలు. ఎటు చూలినా నీళ్లే….కను చూపు మేర పొలాలే…పచ్చదనం పర్చుకొని పరవశిస్తున్న భూములు. అసలు తెలంగాణలో కాళేశ్వరం లాంటి ప్రాజెక్టు ఊహలకందనిది. తెలంగాణలో ప్రాజెక్టులు అంటే ఎత్తిపోతలు.

అవి సాధ్యమయ్యేవి కాదు. అన్న అభిప్రాయం అందరిది. నిర్మాణ వ్యయాలు ప్రభుత్వాలు మోయలేవు. నిర్వహణ వ్యయాలు తప్పవు. అని ఆనాడు నిర్లక్ష్యం చేశారు. తెలంగాణను ఎండబెట్టారు. సాగును పండబెట్టారు. పాలించే ప్రభుత్వాలు పట్టించకోకపోతే ఎలా? అన్నదే కేసిఆర్‌ ఆలోచన. అందుకే తెలంగాణ రైతాంగం ఇంత కాలం పడిన గోస చాలు. ఆ కష్టాలు ఇంకా పడడం కరక్టు కాదు. అని కాళేశ్వరం ప్రాజెక్టుతో తెలంగాణ మొత్తం సస్యశ్యామలం చేశాడు కేసిఆర్‌. మూడేళ్ల కాలంలో కాళేశ్వరం లాంటి బృహత్తర ప్రాజెక్టు నిర్మాణం అన్నది కేసిఆర్‌ లాంటి నాయకుడి వల్లనే సాధ్యమైంది. తెలంగాణను మరెవరు పాలించినా అసలు కాళేశ్వరం వుండేది కాదు. రిజర్వాయర్లు వుండేవి కాదు. చెరువులు బాగుపడేవి కాదు. భూగర్భ జలాలు పెరిగేవి కాదు. రైతు కష్టం తీరేది కాదు. తెలంగాణ సస్యశ్యామలమయ్యేది కాదు. తెలంగాణ వచ్చినా రూపురేఖలు మారేవి కాదు. విఫల తెలంగాణ అని ముద్రపడేది. ఎక్కడ వేసిన గొంగలి అక్కడే అని పాడుకోవాల్సి వచ్చేది. తెలంగాణ తెచ్చిన కేసిఆర్‌ మాత్రమే తెలంగాణ అభివృద్ధి చేయగలడు. అన్న ప్రజల నమ్మకం నూటికి వెయ్యిపాళ్లు నిజమైంది. ఏ తెలంగాణ వాది ఊహించని తెలంగాణ ప్రగతి ఆవిషృతమైంది. అందుకే దేశమంతా తెలంగాణ వైపు చూస్తోంది. కేసిఆర్‌ నాయకత్వం కోసం దేశం ఎదురుచూస్తోంది. 

 తెలంగాణ ప్రగతి ప్రణాళిక దేశంలో ఆచరణ కావాల్సి వుంది.

 ఇప్పుడు దేశమంతా కేసిఆర్‌ నాయకత్వం కావాలని కోరుకుంటోంది. ఒకనాడు చెరువులే దిక్కుగా తెలంగాణలో సాగు సాగింది. కొంత కాలానికి అది కూడా లేకుండా పోయింది. కానీ ఇప్పుడు తెలంగాణలో చెరువులన్నింటికీ జలకళ వచ్చింది. మూడేళ్ళలో తెలంగాణలో 46 వేల చెరువులు మరమ్మత్తులకు నోచుకున్నాయి. మిషన్‌ కాకతీయ తో చెరువులన్నీ కళకళలాడుతున్నాయి. తెలంగాణలో మత్స్య పరిశ్రమకు పూర్వపు రోజులొచ్చాయి. పల్లెల్లో పాడి, పంట, చేతి వృత్తులు మళ్ళీ పునరుజ్జీవనం పొసుకున్నాయి. పల్లె కన్నీరు పెడుతుందో అన్న పాట విన్న చెవులతోనే పల్లెలు మురుస్తున్నాయి…పన్నీటి జలకాలాడుతున్నాయని వింటున్నాము…కళ్ల నిండా చూస్తున్నాము. అదీ కేసిఆర్‌…

 రైతు భరోసాకు రైతు బంధు ఆసరా.

 తొలకరి పలకరింపుతోనే తెలంగాణ రైతుకు దిగులు మొదలయ్యేది. చినుకు పడిరదని సంబురపడాలో…చేతిలో చిల్లి గవ్వలేదని బాధపడాలో అర్థం కాని పరిస్థితులు. అప్పు చేస్తే తప్ప సాగు సాగని రోజులు. కానీ ఇప్పుడు తొలకరి ఎప్పుడు పడుతుందా అని రైతు ఎదురుచూడాల్సిన పని లేదు. అప్పు కోసం ఆరాటపడాల్సిన అవసరం అంతకన్నా లేదు. ఏడాది పొడవునా నీళ్లే…ఎల్ల కాలం పొలాలు పారుడే…పంటలు పండుడే…అందుకు పెట్టుబడి సాయం రైతు బంధు ఏటా రెండు సార్లు బ్యాంకు ఖాతాలో పడుడే…! ఇలాంటి రోజు ఒకటి వస్తుందని ఏ తెలంగాణ వాది కలలో కూడా ఊహించలేదు. ఎవరూ ఊహించని వరాలు ఇవ్వడమే కేసిఆర్‌ కు తెలుసు. రైతు క్షేమమే దేశ సంక్షేమం…విద్య, వైద్య రంగాలలో గణనీయమైన మార్పులు…పల్లె పల్లెకూ అందుతున్న ప్రభుత్వ వైద్య సేవలు…బిఆర్‌ఎస్‌ తోనే దేశ మంతా కాంతులు…కేసిఆర్‌ నాయకత్వంలో దేశ ప్రగతి పరుగులు. దేశమంతా కరంటు వెలుగులు….దేశ రైతాంగానికి తీరనున్న కరంటు కష్టాలు. దేశంలో ఇక బిఆర్‌ఎస్‌ ప్రభంజనం… దేశమంతా మారుమ్రోగనుంది బిఆర్‌ఎస్‌ నినాదం…దేశం ఎదురుచూస్తోంది కేసిఆర్‌ నాయకత్వం కోసం.

Leave a Reply

Your email address will not be published.