ఆదరించండి అమ్మ గార్డెన్ ప్రాంతాన్ని అభివృద్ధి చేసి చూపిస్తా…
9వ వార్డ్ కాంగ్రెస్ కౌన్సిలర్ అభ్యర్థి బీమా మల్లేష్
రామకృష్ణాపూర్, నేటిధాత్రి:
ప్రజలంతా ఒక్కసారి ఆదరించి, ఓటు వేసి గెలిపిస్తే అమ్మ గార్డెన్ ఏరియాను మరింత అభివృద్ధి చేసి చూపిస్తానని కాంగ్రెస్ పార్టీ బలపరిచిన తొమ్మిదవ వార్డు కౌన్సిలర్ అభ్యర్థి బీమా మల్లేష్ అంటున్నారు. మునిసిపాలిటీ ఎన్నికలలో భాగంగా అమ్మ గార్డెన్ ఏరియాలో కాంగ్రెస్ పార్టీ కౌన్సిలర్ అభ్యర్థి భీమా మల్లేష్ గడపగడపకు తిరుగుతూ ఎన్నికల ప్రచారం నిర్వహించారు. కాంగ్రెస్ పార్టీ చేస్తున్న అభివృద్ధి సంక్షేమ పథకాలను ప్రజల్లోకి తీసుకెళ్తూ, ఆదరించి గెలిపిస్తే కాలనీని మరింత అభివృద్ధి చేస్తానని ఓటర్లకు తెలియపరుస్తూ ప్రచారం నిర్వహిస్తున్నారు. చేతి గుర్తుకు ఓటు వేసి భారీ మెజార్టీతో గెలిపించాలని ఓటర్లను కోరుతున్నారు. ప్రచార కార్యక్రమంలో కాంపెల్లి సమ్మయ్య, మెట్ట సుధాకర్, చంద్రగిరి ఎల్లయ్య, కాంగ్రెస్ పార్టీ సీనియర్ నాయకులు, ప్రజలు పెద్ద ఎత్తున పాల్గొన్నారు.