భూపాలపల్లి నేటిధాత్రి
యువత ప్రభుత్వ ఉద్యోగాల కొరకు ఎదురుచూడకుండా.. ఏదో ఒక పనిచేసుకుని చేసి కుటుంబానికి ఆసరాగా నిలబడాలని భూపాలపల్లి ఎమ్మెల్యే గండ్ర సత్యనారాయణ రావు అన్నారు. మంజూరునగర్ లోని ఎమ్మెల్యే క్యాంప్ కార్యాలయంలో జిల్లా ఎస్సీ కార్పొరేషన్ వారి ఆధ్వర్యంలో మొబైల్ టిఫిన్ సెంటర్ ను లబ్ధిదారుడు దుర్గం లింగమూర్తి(బెడ్డేలపల్లి గ్రామం) జడ్పి సిఈవో, అదనపు కలెక్టర్ విజయలక్ష్మీ, జిల్లా ఎస్సీ డెవలప్మెంట్ ఈడీ వెంకటేశర్లు తో కలిసి భూపాలపల్లి ఎమ్మెల్యే గండ్ర సత్యనారాయణ రావు వెహికల్ ని అందజేశారు. అనంతరం ఎమ్మెల్యే మాట్లాడుతూ.. యువత ప్రభుత్వ ఉద్యోగాల కొరకు ఎదురుచూడకుండా.. ఏదో ఒక పనిచేసుకుని చేసి కుటుంబానికి ఆసరాగా ఉండాలని అన్నారు. ఈ కార్యక్రమంలో పిసిసి మెంబర్ చల్లూరి మధు కాంగ్రెస్ పార్టీ జిల్లా నాయకుడు బుర్ర కొమురయ్య బౌత్ విజయ్ ఎస్సీ సెల్ జిల్లా కన్వీనర్ ఏకు రవీందర్, నాయకులు బెడ్డేల తిరుపతి, కుమ్మరి తిరుపతి లబ్ధిదారులు తదితరులు ఉన్నారు.
