TVK Victory Celebrated in Nekonda
నెక్కొండలో టీవీకే విజయోత్సవ సంబరాలు
#నెక్కొండ, నేటి ధాత్రి:
తమిళనాడులో విజయ్ నాయకత్వంలోని తమిళగ వెట్రి కళగం (టీవీకే) పార్టీ అత్యధిక ఎమ్మెల్యే స్థానాలు గెలుచుకుని విజయకేతనం ఎగరేసిన సందర్భంగా నెక్కొండ మండల కేంద్రంలో దళిత సంఘాల ఆధ్వర్యంలో ఘనంగా విజయోత్సవ సంబరాలు నిర్వహించారు. టపాసులు కాల్చి ఆనందోత్సాహాలు వ్యక్తం చేశారు.ఈ సందర్భంగా ఎమ్మార్పీఎస్ (టీఎస్) రాష్ట్ర వర్కింగ్ ప్రెసిడెంట్ ఈదునూరి యాకయ్య మాట్లాడుతూ, విజయ్ గెలుపు దళిత–బహుజనుల గెలుపుగా అభివర్ణించారు. డాక్టర్ బి.ఆర్ అంబేద్కర్, పెరియర్ రామస్వామి, జ్యోతిరావు పూలే వంటి మహనీయుల ఆశయాలను ఆచరణలో పెట్టి సమాజంలో చైతన్యం పెంపొందించాలని పిలుపునిచ్చారు.ఈ కార్యక్రమంలో దళిత సంఘాల నాయకులు కందిక చెన్నకేశవులు, ఈదునూరి మహేష్, వడ్డూరి కుమారస్వామి, ఈదునూరి శివాజీ, ఈదునూరి దిలీప్, కందిక వీరస్వామి, ఈదునూరి కృష్ణ, కందిక రాజు, శ్రీనివాస్, ఈదునూరి బిక్షపతి, రామచందర్, ఈదునూరి రాజు, వల్లందాస్ నగేష్, దంతాల వెంకన్న, ఈదునూరి హరీష్, కనకం కృష్ణ, బస్కే శ్రీను, ఈదునూరి ఎల్లయ్య తదితరులు పాల్గొన్నారు.
