గ్రామీణ ప్రాంతాల్లో పురుషుల తో పోటీ పడుతున్న మహిళలు.
ఇంటికె పరిమితం కాదు పనుల్లో మేము సైతం.
పట్టణాల్లోనే కాదు గ్రామీణ ప్రాంతాల్లో కూడా మహిళల్లో చైతన్యం.
పలిమెల నుండి పెట్రోల్ బంక్ వరకు ఆ మహిళ ప్రయాణం.
పెట్రోల్ బంకులో మహిళ పనిచేయడం గర్వంగా భావిస్తున్న మహిళలు
మహాదేవపూర్ నేటి ధాత్రి:
మారుతున్న కాలంలో మహిళలు అంచలు అంచలుగా ఎదగడం ఆయా ప్రాంతాల్లో గౌరవాన్ని తీసుకురావడం జరుగుతుంది. మహిళలు పట్టణ కేంద్రాల్లోనే సాధారణ ఉద్యోగం నుండి మొదలుకొని, అంతరిక్షం వరకు ప్రయాణించడం జరుగుతుంది. కానీ ఇప్పుడు మార్పు మరింత లోతులో దూసుకు వెళ్ళింది, మహిళలు ఇంటికే పరిమితం కాదు, మేము కూడా పురుషులతో సమానత్వంగా ప్రతి శాఖలో పోటీపడే సత్తా ఉందని చూపెట్టడం జరుగుతుంది. తాజాగా మహాదేవపూర్ మండల కేంద్రంలోని పెట్రోల్ బంక్ లో మహిళ పెట్రోల్ పోస్తూ విధులు నిర్వహించడం, గ్రామీణ ప్రాంతంలో కాస్త ఆశ్చర్యం కలిగించిన, మహిళలతో పాటు పురుషుల్లో హర్షించేలా చేసింది. గ్రామీణ ప్రాంతాల్లో మహిళలు కేవలం వ్యవసాయ పనుల్లో మాత్రమే విమగ్నమై ఉండడం జరుగుతుంది. మిగతా గ్రామీణ ప్రాంతాల మహిళలు ఇంటి పనులకే పరిమితం కావడం, ఎంతో కొంత విద్యను అభ్యసించి చివరికి ఓ ఇంటి దీపంగా వెళ్లి తమ జీవితం ఆ ఇంటికి పరిమితం చేసుకోవడం జరుగుతుంది. కానీ ఇప్పుడు ఆ కాలం మారిపోయింది. గ్రామీణ ప్రాంతాల్లో మహిళలు కూడా పురుషులతో సమానత్వంగా వ్యవసాయ పనుల నుండి మొదలుకొని ప్రైవేట్ ప్రభుత్వ కార్యాలయాలతో పాటు అన్ని వ్యాపార సముదాయాల్లో మహిళలు పనులు నిర్వహించడం గ్రామీణ ప్రాంతాల మహిళలకు గర్వాన్ని తీసుకువచ్చేలా చేయడం జరుగుతుంది.
