Tag: Devotional Blessings

దిగ్వాల్ గ్రామంలో మహాలక్ష్మీ దేవికి ఘనంగా పూజలు

జహీరాబాద్ నేటి ధాత్రి:

జహీరాబాద్/కోహిర్: దిగ్వాల్ గ్రామంలో దేవి నవరాత్రులలో భాగంగా మహాలక్ష్మీ రూపంలో అమ్మవారు పూజలు అందుకున్నారు. “ఓం శ్రీ మహాలక్ష్మీ దేవియే నమః” అంటూ పూజారులు ఆశీర్వదించారు. కమిటీ సభ్యులు, గ్రామ పెద్దలు, గ్రామ ప్రజలు అమ్మవారి పూజలను అంగరంగ వైభవంగా జరుపుతున్నారు. ఈ పవిత్ర దినమున శ్రీ మహాలక్ష్మీ దేవి ఆశీస్సులు జీవితాల్లో వెలుగులు నింపాలని ఆకాంక్షించారు.

ఉద్యోగుల ఐక్యతకు ప్రతీకగా బతుకమ్మ సంబరాలు

నాల్గవ తరగతి ఉద్యోగుల సంఘం జిల్లా అధ్యక్షులు గీట్ల సుమీత్

మంచిర్యాల, నేటి ధాత్రి:

తెలంగాణ నాల్గవ తరగతి ఉద్యోగుల సంఘం ఆధ్వర్యంలో బతుకమ్మ వేడుకలు ఘనంగా నిర్వహించబడ్డాయి.ఈ సందర్భంగా జిల్లా అధ్యక్షులు గీట్ల సుమీత్ మాట్లాడుతూ.. భగవంతుని ఆశీస్సులతో అందరు సుఖసంతోషాలతో ఉండాలని కోరుతూ మళ్ళీ వచ్చే సంవత్సరం లోపు తెలంగాణ నాల్గవ తరగతి ఉద్యోగులకు ఇంటి స్థలాలు మంజూరైతే,తెలంగాణ నాల్గవ తరగతి హౌసింగ్ సొసైటీ ప్రాంగణంలో బతుకమ్మ వేడుకలు నిర్వహించాలని ఆకాంక్ష వ్యక్తం చేశారు.చిన్న స్థాయి ఉద్యోగులైన తమపై దేవుని అనుగ్రహం ఎల్లప్పుడూ ఉండాలని ప్రార్థించారు.ఈ కార్యక్రమంలో జిల్లా ప్రధాన కార్యదర్శి కవిత రాణి, కోశాధికారి సుజాత, అసోసియేట్ అధ్యక్షులు శ్రీలత,శోభ,సునీత, ముంతాజ్ అలీ ఖాన్,గోవర్ధన్, శ్రీనివాస్,జయప్రద తదితరులు పాల్గొన్నారు.