Chandrababu Birthday Celebrations in Atmakur
ఆత్మకూరులో సీఎం చంద్రబాబు నాయుడు జన్మదిన వేడుకలు
పరకాల,నేటిధాత్రి
నియోజకవర్గం ఆత్మకూరు మండల కేంద్రంలో తెలుగుదేశం పార్టీ ఆధ్వర్యంలో ఆంధ్రప్రదేశ్ ముఖ్యమంత్రి ఎన్.చంద్రబాబు నాయుడు 76వ జన్మదిన వేడుకలు ఘనంగా నిర్వహించబడ్డాయి.ఈ సందర్భంగా పార్టీ నాయకులు కేక్ కట్ చేసి,పండ్లు పంపిణీ చేసి ఆనందాన్ని పంచుకున్నారు.ఈ కార్యక్రమం మండలాధ్యక్షుడు మరుగిద్దె రాజేశ్వర్ రావు ఆధ్వర్యంలో జరిగింది.ముఖ్య అతిథిగా నియోజకవర్గ బాధ్యులు కందుకూరి నరేశ్ పాల్గొని కార్యక్రమాన్ని విజయవంతం చేశారు.ఈ వేడుకల్లో పలువురు స్థానికనాయకులు,కార్యకర్తలుపాల్గొన్నారు.వారిలో మండల నాయకులు,
యువజన ప్రతినిధులు,పార్టీ కార్యకర్తలు ఉన్నారు.ఈ సందర్భంగా నాయకులు కందుకూరి నరేష్ మాట్లాడుతూ చంద్రబాబు నాయుడు రాష్ట్ర అభివృద్ధికి చేసిన సేవలను కొనియాడారు.ఐటీ రంగ అభివృద్ధి,పెట్టుబడుల ఆకర్షణ,మౌలిక వసతుల విస్తరణ,రైతు సంక్షేమం, యువతకు ఉపాధి అవకాశాల కల్పనలో ఆయన పాత్ర విశేషమని నరేష్ పేర్కొన్నారు.ఆయన దూరదృష్టి,పరిపాలనా నైపుణ్యం రాష్ట్రాన్ని అభివృద్ధి దిశగా నడిపించిందని అన్నారు.చివరగా,ముఖ్యమంత్రి దీర్ఘాయుష్షు,ఆరోగ్యం కలగాలని కోరుతూ పార్టీ నాయకులు జన్మదిన శుభాకాంక్షలు తెలియజేశారు.
