Constable Upender Receives Best Service Award
ఉత్తమ సేవా ప్రశంసా పత్రం అందుకున్న సిసిఎస్ కానిస్టేబుల్ ఉపేందర్..
నేటిధాత్రి, వరంగల్.
వరంగల్ సబ్ డివిజన్ పరిధిలో, వరంగల్ సిసిఎస్ పోలీసు స్టేషన్లో కానిస్టేబుల్గా విధులు నిర్వహిస్తున్న గట్టు ఉపేందర్ ఉత్తమ పోలీస్ సేవా ప్రశంసా పత్రం అందుకున్నారు. శుక్రవారం హనుమకొండ జిల్లా కేంద్రంలో జరిగిన స్వాతంత్ర్య దినోత్సవ వేడుకల్లో భాగంగా, పోలీస్‌శాఖలో వివిధ విభాగాల్లో అత్యుత్తమ ప్రతిభ కనబరిచిన సిబ్బందిని సత్కరించారు. ఈ సందర్భంగా వరంగల్ సిసిఎస్ పోలీసు స్టేషన్లో కానిస్టేబుల్గా విధులు నిర్వహిస్తున్న గట్టు ఉపేందర్, హనుమకొండ జిల్లా కలెక్టర్, వరంగల్ పోలీస్ కమీషనర్ చేతుల మీదుగా ప్రభుత్వ ఉత్తమ సేవా ప్రశంసాపత్రం అందుకున్నారు. ప్రశంసా పత్రం అందుకున్న ఉపేందర్ కు వరంగల్ సీసీఎస్ పోలీసు స్టేషన్ సీఐ, ఎస్ఐ, సిబ్బంది, తోటి స్నేహితులు, బంధువులు అభినందనలు తెలిపారు.
