సాహిత్య రంగ ప్రతిభావంతురాలు రుత్విక కు నంది అవార్డు

రామకృష్ణాపూర్, నేటిధాత్రి:

రామకృష్ణాపూర్ పట్టణానికి చెందిన ఆకినపల్లి రుత్విక కు రవీంద్ర భారతిలో నంది ప్రతిభ పురస్కార్ అవార్డు వరించింది.
సాహిత్య రంగంలో మంచి ప్రతిభను కనబరుస్తూ, గుర్తింపు పొందినందుకుగాను నంది ప్రతిభ పురస్కారం ఆకినపల్లి రుత్విక (సుమలత)కు వరించింది.. వివిధ రంగాల్లో సేవలందిస్తూ రాణిస్తున్న ప్రతిభా వంతులకు నంది పురస్కార అవార్డు 2024 అందిస్తున్నారు. అందులో భాగంగానే సాహిత్య రంగంలో విశేషమైన గుర్తింపు పొందినందుకు గాను హైదరాబాద్ రవీంద్రభారతిలో శిఖర ఆర్ట్స్ వారి ఆధ్వర్యంలో ప్రముఖ సినీ కథ రచయిత దర్శకులు జీ కే భారవి, మరికంటి భవాని రెడ్డి, అధికార ప్రతినిధి మల్లికు డాక్టర్ చిదానంద కుమారి నాట్య గురువు అడ్వకేట్ చేతుల మీదుగా నంది ప్రతిభ పురస్కార అవార్డు అందుకున్నారు. ఈ సందర్భంగా ఆకినపల్లి రుత్విక(సుమలత) మాట్లాడుతూ…. ఈ అవార్డు నాకు ఇచ్చినందుకు గాను చాలా సంతోషంగా ఉందని, ఇంకా మున్ముందు సాహిత్య రంగంలో ఉన్నత స్థాయికి చేరుకునేందుకు మంచి అవకాశం కల్పించినందుకు శిఖర ఆర్ట్స్ వారికి, ప్రోగ్రాం డైరెక్టర్ ఉప్పులేటి నరేష్ కు ప్రత్యేక ధన్యవాదాలు తెలియజేస్తున్నానని అన్నారు.