ఘనంగా ఎంగిలి పూల బతుకమ్మ సంబరాలు
నస్పూర్(మంచిర్యాల)నేటి ధాత్రి:
నస్పూర్ మండలం షిర్కే కాలనీలో ఆదివారం ఎంగిలి పూల బతుకమ్మ సంబరాలను మహిళలు ఘనంగా జరుపుకున్నారు.తంగడి పూలకు తోడుగా రకరకాల పూలతో బతుకమ్మను అందంగా పేర్చి గౌరీ దేవిని పూజించి,నూతన వస్త్రాలు ధరించి అందరూ ఒకచోట కలసి ఆడుతూ పాడుతూ బతుకమ్మను ఆనందంగా జరుపుకున్నారు.ఈ సందర్భంగా మహిళలు మాట్లాడుతూ.. బతుకమ్మ పండగ తెలంగాణ ఆడపడుచుల ఆత్మగౌరవానికి,మన ఆస్తిత్వానికి నిలువుటద్దమని అన్నారు.ప్రకృతిని ఆరాధిస్తూ భూమి నీరు మానవ సంబంధాలను గుర్తు చేసుకుంటూ జరుపుకునే గొప్ప పండుగ అని తెలిపారు.మహాలయ అమావాస్య నుండి తొమ్మిది రోజుల పాటు సాగే ఈ పూల జాతర తెలంగాణ సంస్కృతిక వారసత్వాన్ని ప్రపంచానికి చాటి చెపుతుందని అన్నారు.అలాగే మహిళలు, ఆడపడుచులు ఐక్యంగా జరుపుకునే ఈ బతుకమ్మ పండుగ వారి మధ్య అనుబంధాలను,ఐక్యతను, పెంపొందిస్తుందని,గౌరీ దేవి ఆశీస్సులు అందరిపై ఉండాలని వారు పూజించారు.