నిరుపేదల నీడలో.. మెరుగైన సర్కారు వైద్యం
సిద్దిపేట డబుల్ బెడ్రూం కేసీఆర్ నగర్ లో 18 లక్షలతో బస్తి దవాఖాన శాశ్వత భవనం
సిద్దిపేట కేసీఆర్ నగర్ లో బస్తి దవాఖానను ప్రారంభించిన మంత్రి హరిశ్ రావు
సిద్దిపేట నేటి ధాత్రి
ప్రజా ఆరోగ్యం పై తెలంగాణ ప్రభుత్వం ప్రాధాన్యత ఇస్తుందని అనటానికి నిదర్శనం బస్తి దవాఖానాలని మంత్రి హరీష్ రావు అన్నారు
సిద్దిపేట లో డబుల్ బెడ్రూం కేసీఆర్ నగర్ లో బస్తి దవాఖాన నూతన భవనాన్ని మంత్రి హరీష్ రావు ప్రారంభించారు.. ఈ సందర్భంగా మాట్లాడుతూ పేద ప్రజల ఆరోగ్య పరిరక్షణ లో భాగంగా పట్టణాల్లో బస్తి దవాఖానాలు ఏర్పాటు చేస్తున్నామని చెప్పారు. అందులో భాగంగా సిద్దిపేట లోని డబుల్ బెడ్రూం కేసీఆర్ నగర్ లో గతంలో తాత్కాలిక భవనంలో బస్తి దవాఖాన సేవలు అందుబాటులో కి ఉండే. 18 లక్ష లతో ఇటీవలే పక్కా భవనం నిర్మాణం చేసుకున్నాం.. దీనితో కేసీఆర్ నగర్ లో పేద ప్రజలకు ఆరోగ్య సేవలు మరింత అందుబాటులోకి రానున్నాయని నిరుపేద నీడలో మెరుగైన వైద్య సౌకర్యం ఉచితంగా అందించేందుకు ప్రభుత్వం కృషి చేస్తుందన్నారు..బస్తీ దవాఖానాల్లో అవుట్ పేషెంట్ సేవలు అందించడం సహా బీపీ, షుగర్తో పాటు 57 రకాల వైద్య పరీక్షలను చేస్తారని ఇక్కడ సేకరించిన న‌మూనాలను సిద్దిపేట వైద్య కళాశాల ఆసుపత్రిలో ని తెలంగాణ స్టేట్ డ‌యాగ్నస్టిక్ సెంటర్కు పంపిస్తారు. సుమారు 150 రకాల మందులను ఉచితంగా అందిస్తామని ,స్వల్పకాల అనారోగ్యానికి తక్షణ వైద్య చికిత్సలు అందించడం సహా టీకాలు వేయడం, కుటుంబ నియంత్రణ, వైద్య పరమైన కౌన్సిలింగ్ ఇస్తారు.ఇక పేద ప్రజలకు మెరుగైన వైద్య సేవలు అందించడం లో బస్తి దవాఖాన ఎంతో ఉపయోగపడుతుందని చెప్పారు..
*ప్రభుత్వ వైద్య సేవల పై ప్రజల్లో అవగాహన కలిపించాలి*
ప్రభుత్వ ఆసుపత్రి వైద్య సేవల పై ప్రజల్లో అవగాహన కలిపించాలని, నార్మల్ డెలివరీలు జరిగేల చూడాలని ఆశ , ఏ ఎన్ ఎం లను మంత్రి హరీష్ రావు సూచించారు.. బస్తి దవాఖాన వద్ద ఆశ ఏ ఎన్ ఎం లతో ముచ్చటించారు.. ప్రజలు ప్రయివేటు ఆసుపత్రి వెళ్లకుండా ప్రభుత్వ ఆసుపత్రిలోనే వైద్య సేవలు సద్వినియోగం చేసుకొనెల చూడాలన్నారు.. పేద ప్రజలకు ప్రయివేటు ఆసుపత్రి కి వెళ్లి ఆర్థిక భారం కాకుండా ప్రభుత్వ ఆసుపత్రిలో సేవలు తెలియ పరచాలని,నార్మల్ డెలివరీ ల సంఖ్య పెంచాలని సూచించారు . మీకు నెలకు 3వేల పారితోషకం కూడా ఇస్తున్నాం అని చెప్పారు.. పి హెచ్ ల వారిగా గత నెలలో డెలివరీ ల పై ఆరా తీశారు.ఈ కార్యక్రమంలో వైద్యాధికారులు ప్రజా ప్రతినిధులు పాల్గొన్నారు.
