హనుమకొండ క్రైం నేటిధాత్రి
నకిలీ వంటనూనె విక్రయిస్తున్న ముఠాకు చెందిన నలుగురు నిందితులను టాస్క్ ఫోర్స్ మరియు మిల్స్ కాలనీ పోలీసులు అరెస్ట్ చేశారు. వీరి నుండి పోలీసులు 1 ఫోర్ వీలర్ (టాటా ఏ సి ఈ), 1 ద్వీచక్ర వాహనం, 1 నకిలీ వంటనూనె డబ్బ, 1 బియ్యం బస్తా, 24 ఖాళి బియ్యం బస్తాలు, 1 బియ్యం బస్తాలు కుట్టే మిషన్, 1 త్రాసు, 04 సెల్ ఫోన్లు మరియు 10 వేల రూపాయలను పోలీసులు స్వాధీనం చేసుకున్నారు. పోలీసులు అరెస్ట్ చేసిన వారిలో ఆంధ్రప్రదేశ్ రాష్ట్రము, క్రిష్ణ జిల్లాకు చెందిన 1. పెట్ల దావీదు (35), పునాదిపహాడ్, కంకిపహాడ్ మండలం, 2. ఎరుగుల మహేష్ (26), కోడూరు మండలం, ౩. నిడమర్తి విజయ్ (32), కొలవిన్ను, కంకిపాడు మండలం, 4. తటుకురి రవి (25), కొలవిన్ను, కంకిపాడు మండలం చెందిన నిందుతులు.
ఈ అరెస్ట్ కు సంబంధించి వరంగల్ టాస్క్ ఫోర్స్ అదనపు డిసిపి వైభవ్ గైక్వాడ్, వివరాలను వెల్లడిస్తూ పోలీసులు అరెస్ట్ చేసిన ఈ ముఠాలో సభ్యులు సులువు డబ్బు సంపాదించుకోవాలని నలుగురు ముఠాగా ఏర్పడి సంక్రాంతి పండుగను దృష్టిలో ఉంచుకొని విజయవాడ నుండి టాటా ఏ సి లో బయలుదేరి మార్గమధ్యంలో దొడ్డు బియ్యం కొని, వాటిని వారి వద్ద కల బియ్యం బస్తాలలో, మిషన్ ద్వార కుట్టి ఇవి సన్న బియ్యం అని నమ్మబలికి తక్కువ ధరకు అమ్ముతామని చెప్పి, మొదట నిజమైన సన్న బియ్యం చూపించి, తరువాత వారి వద్ద కల దొడ్డు బియ్యం బస్తాలను తెలియకుండా ఇచ్చేవారు. ఇదేవిదంగా వీరు స్క్రాప్ షాప్స్ వద్దకు వెళ్లి కొత్తగా ఉండే వంటనూనె డబ్బాలు కొనుగోలు చేసి అందులో 12 లీటర్లు వరకు నీటితో నింపి, అందులో 3 పాకెట్స్ నూనెతో నింపేవారు. అట్టి వాటిని మా వద్ద ఒకటే డబ్బ మిగిలిఉంది, తక్కువ ధరకు ఇస్తాము అని నమ్మబలికి అమ్ముతుంటారు. ఇదే విధంగా మిల్స్ కాలనీ ఏరియాలో అమ్మగా, కేసు నమోదు అయినది. ఈ రోజు టాస్క్ ఫోర్స్ మరియు మిల్స్ కాలనీ పోలీసులు నిఘాపెట్టి అట్టి ముఠాకు చెందిన నలుగురు నిందితులను అరెస్ట్ చేయడం అయినది. ఈ ముఠా సభ్యులను పట్టుకోవడంలో ప్రతిభ కనబరిచిన టాస్క్ ఫోర్స్ ఏ సి పి డా. ఏం. జితేందర్ రెడ్డి, ఇన్స్పెక్టర్, వెంకటేశ్వర్లు, టాస్క్ ఫోర్స్ ఎస్సైలు నిసార్ పాషా, లవణ్ కుమార్ ఏ ఏ ఓ సల్మాన్ పాషా, హెడ్ కానిస్టేబుల్ అశోక్, మాధవ రెడ్డి, స్వర్ణలత కానిస్టేబుళ్లు శ్యాం, సురేష్, నాగరాజు, నవీన్, రాజేష్,బిక్షపతి, లను అదనపు డిసిపి వైభవ్ గైక్వాడ్ అభినందించారు.
