Stay informed with our 21 years of trusted news coverage. Get the latest updates, breaking news, and global stories all in one place.
శేఖపూర్ లో విశ్వకర్మ జయంతి పూజాయజ్ఞం ఘనంగా నిర్వహణ
జహీరాబాద్ నేటి ధాత్రి:
జహీరాబాద్ మండలం శేఖపూర్ గ్రామంలోని మఠ సంస్థాన్ లో 30వ విశ్వకర్మ జయంతి పూజాయజ్ఞం నిర్వహించారు. అనెగొంది విశ్వకర్మ శారదా గురు పీఠము పీఠాధిపతి శ్రీ విశ్వరూపా చార్య గురుస్వాముల వారి ఆధ్వర్యంలో ఈ యజ్ఞ యాగాలు ఘనంగా జరిగాయి. యజ్ఞం అనంతరం అన్నదాన కార్యక్రమం కూడా నిర్వహించారు. యజ్ఞానికి వచ్చిన భక్తులు తీర్థ ప్రసాదాలు స్వీకరించి పూజాయజ్ఞం పాల్గొన్నారు ఈ కార్యక్రమం సంగారెడ్డి జిల్లా, జహీరాబాద్ నియోజకవర్గంలో జరిగింది.
శిథిలావస్థలో శేఖపూర్ పాఠశాల భవనం
జహీరాబాద్ నేటి ధాత్రి:
సంగారెడ్డి జిల్లా, జహీరాబాద్ మండలం శేఖపూర్ గ్రామంలోని జిల్లా పరిషత్ ఉన్నత పాఠశాల భవనం శిథిలావస్థకు చేరుకుంది. పాఠశాల చుట్టూ ఉన్న బౌండ్రీ గోడలు అక్కడక్కడా కూలిపోయాయి, మెయిన్ గేట్ కూడా సరిగ్గా లేదు. ఈ దుస్థితిపై గ్రామస్తులు ఆందోళన వ్యక్తం చేస్తున్నారు. పాఠశాల భవనానికి వెంటనే మరమ్మతులు చేపట్టాలని సంబంధిత అధికారులను వారు కోరుతున్నారు. ఈ సమస్యను పట్టించుకోని అధికారులపై గ్రామస్తులు అసంతృప్తి వ్యక్తం చేస్తున్నారు.
మాజి మంత్రి హరీష్ రావు కు శుభకార్యానికి ఆహ్వానించిన బీఆర్ఎస్ నాయకులు
జహీరాబాద్ నేటి ధాత్రి:
జహీరాబాద్: సంగారెడ్డి జిల్లా శాసనసభ పరిదిలో భాగమైన మండలంలోని శేకపూర్ గ్రామానికి చెందిన ఫెరోజ్ ఖురేషి వివాహాన్ని పురస్కరించుకుని తెలంగాణ రాష్ట్ర మాజీ మంత్రి, సిద్దిపేట శాసనసభ సభ్యులు తన్నీరు హారిష్ రావు కు కలిసి వివాహానికి హాజరు కావాల్సిందిగా నూతనంగా ఎన్నికైన శేకపూర్ గ్రామ సర్పంచ్ మొహమ్మద్ చేష్మోద్దీన్ తో కలిసి ఆహ్వానాన్ని అందించారు. ఆహ్వానాన్ని అందుకున్న మాజి మంత్రి 26 వ తేదీన శేకపూర్ గ్రామంలో జరిగే వాలిమ వేడుకల్లో తప్పకుండా హాజరవుతాని అన్నారు. కార్యక్రమంలో సర్పంచ్ మొహమ్మద్ చెష్మోద్దీన్, నాయకులు మొహమ్మద్ షౌకత్ అలీ, కుసంగి సద్దాం, మాక్సుద్ ఖాన్, ఇస్మాయిల్ బిలాల్ పూర్, ఫెరోజ్ ఖురేషి, మొహమ్మద్ సాజిద్, మొహమ్మద్ ఖలేద్ తదితరులు పాల్గొన్నారు.
పరిశ్రమ యంత్రాలను తరలిస్తే ఊరుకోం
జహీరాబాద్ నేటి ధాత్రి:
సంగారెడ్డి జిల్లా జహీరాబాద్ మండలం కొత్తూరు బి గ్రామ శివారులో ఉన్న ట్రైడెంట్ చక్కెర పరిశ్రమ కార్మికులు ఆందోళన బాట పట్టారు. ఆదివారం ఉదయం గేటు ముందు పెద్ద ఎత్తున నినాదాలు చేపట్టారు. రాత్రింపగలు పరిశ్రమ గేటు ముందు నెల రోజుల నుండి నిరసన చేస్తున్న యాజమాన్యం పట్టిపట్టనట్లుగా వ్యవహరిస్తోందని మండిపడ్డారు.
వేతనాలు, ఇతర బకాయిలు చెల్లించకుండా గుట్టుచప్పుడు కాకుండా యంత్రాలను తరలించేందుకు ప్రయత్నాలు చేస్తున్నారని అన్నారు.
జహీరాబాద్ మండల విద్యాధికారిగా బస్వరాజు నియామకం.
జహీరాబాద్ నేటి ధాత్రి:
జహీరాబాద్ మండల విద్యాధికారిగా బస్వరాజును నియమిస్తూ జిల్లా విద్యాధికారి వెంకటేశ్వర్లు మంగళవారం ఉత్తర్వులు జారీ చేశారు. గతంలో ఎంఈఓగా పనిచేసిన బస్వరాజు పదవీ విరమణ పొందారు. ఆయన స్థానంలో మండలంలోని సత్వార్ జిల్లా పరిషత్ ఉన్నత పాఠశాలలో గెజిటెడ్ హెచ్ఎంగా పని చేస్తున్న బస్వరాజును ఎంఈఓగా నియమించినట్లు పేర్కొన్నారు.
