ఇంటర్నెట్ డెస్క్: అప్పు కావాలంటూ సీనియర్ మేనేజర్ కిందిస్థాయి ఉద్యోగిని నిత్యం వేధిస్తున్న వైనం ప్రస్తుతం నెట్టింట వైరల్‌గా మారింది. బాధిత ఉద్యోగి ఈ విషయాన్ని నెట్టింట పంచుకున్నారు. ఈ పరిస్థితుల్లోంచి ఎలా బయటపడాలో చెప్పాలంటూ నెటిజన్లను అభ్యర్ధించారు. దీంతో, ఈ ఉదంతంపై నెట్టింట పెద్ద ఎత్తున చర్చ జరుగుతోంది.

‘ఆ తరువాత 15 వేల అప్పు అడిగారు. నేను కుదరదన్నాను. వారం క్రితం రూ.17 వేలు కావాలని డిమాండ్ చేశారు. నిన్న నేరుగా నాకు కాల్ చేసి తన క్యూఆర్ కోడ్ పంపిస్తున్నట్టు చెప్పారు. రూ.2 వేలు వెంటనే పంపించాలని అన్నారు. నీకేమీ అభ్యంతరం లేదుగా అని మాటవరుసకు కూడా అడగలేదు. ఇలా ప్రతిసారీ కుదరదని చెప్పడం నాకు చిరాకు తెప్పిస్తోంది. కానీ ఆయన మాత్రం నిస్సిగ్గుగా అప్పు అడుగుతూనే ఉన్నాడు’ అని వాపోయాడు.

ఈ పోస్టుపై నెట్టింట పెద్ద ఎత్తున స్పందన వచ్చింది. ‘ ఈ ఘటనతో కార్పొరేట్ రంగంలో దాదాపుగా అన్ని దారుణాలు చూసినట్టైంది. ఇక మిగిలిందల్లా ఉద్యోగులపై రివ్యూల కోసం మేనేజర్‌లు లంచాలు డిమాండ్ చేయడమే. ఈ వేధింపులు ఎక్కువ కాలం భరించొద్దు. వెంటనే హెచ్ఆర్‌కు ఎస్కలేట్ చేయాలి’ అని అన్నారు. ‘నువ్వే మేనేజర్‌ను రూ.50 వేల అప్పు అడుగు. ఎమర్జెన్సీ వచ్చిందని చెప్పు. ఆ తరువాత మేనేజర్ నీ జోలికే రాడు’ అని మరొకరు భరోసా ఇచ్చారు.