2023లో మైఖేల్‌ డోలన్‌ను (Michael Dolan) ఇలియానా వివాహం చేసుకున్నారు. అదే ఏడాది ఆగస్టులో మొదటి బిడ్డకు జన్మనిచ్చారు. అతని పేరు కోవా ఫీనిక్స్ డోలన్‌.   పెళ్లి, భర్త గురించి వచ్చిన విమర్శల్ని పట్టించుకోకుండా ముందుకెళ్తున్నారు ఇలియానా. ‘నన్నేమన్నా భరిస్తా.. కానీ నా కుటుంబసభ్యులను ఏమైనా అంటే ఊరుకోను’ అని గతంలో ఆమె పోస్ట్ పెట్టిన  సంగతి తెల్సిందే.  

రామ్  పోతినేని హీరోగా వచ్చిన ‘దేవదాస్’ చిత్రంతో తెలుగు చిత్ర పరిశ్రమకి పరిచయం అయిన ఆమె అగ్ర కథానాయికగా ఎదిగింది. స్టార్ హీరోస్ సరసన అవకాశాలు అందుకుంది. ‘అమర్‌ అక్బర్‌ ఆంటోనీ’ చిత్రంలో చివరిగా  నటించారు.  గతేడాది బాలీవుడ్ లో ఆమె నటించిన రెండు హిందీ సినిమాలు రిలీజ్ అయ్యాయి.