ఆర్కే ఓసి కార్మికులు…
రామకృష్ణాపూర్, నేటిధాత్రి:
మందమర్రి ఏరియాలోని రామకృష్ణాపూర్ ఉపరితల గనిలో విధులు నిర్వహించే పాయం వెంకటేశ్వర్లు శనివారం జరిగిన రోడ్డు ప్రమాదంలో చనిపోవడంతో సోమవారం రామకృష్ణాపూర్ ఉపరితల గనిలో తోటి కార్మికులు మౌనం పాటించి, శ్రద్ధాంజలి ఘటించారు. ఈ సందర్భంగా కార్మికులు మాట్లాడుతూ… నిన్నటి వరకు మాతో విధులు నిర్వహించి నేడు అకస్మాత్తుగా రోడ్డు ప్రమాదంలో చనిపోయిన పాయం వెంకటేశ్వర్లు లేని లోటు తీరనిది అని అన్నారు. కార్యక్రమంలో ఉపరితల గని ప్రాజెక్టు అధికారి గోవిందరావు, మేనేజర్ సుధీర్ , సూపర్వైజర్లు, మహిళా కార్మికులు, కాంట్రాక్టు కార్మికులు, ఏఐటియుసి బ్రాంచ్ సెక్రటరీ ఆంజనేయులు పాల్గొన్నారు.
