చెప్పుతో కొడుతూ.. బూతులు తిడుతూ.. యువకుడిపై ట్రాన్స్ జెండర్ల దాష్టికం
దేశంలోని పలు రైల్వే స్టేషన్స్ లో ట్రాన్స్ జెండర్లు బెదిరించి డబ్బులు వసూల్లు చేయడం, బండబూతులు తిడుతూ దాడులకు తెగబడటం ప్రజలకు ఇబ్బంది కలిగిస్తున్నాయి. ఓ రైల్వే స్టేషన్లో బేంచ్ పై పడుకున్న యువకుడిని చెప్పుతో కొట్టిన వీడియో వైరల్ అవుతుంది.
దేశంలోని పలు రైల్వే స్టేషన్స్ లో ట్రాన్స్ జెండర్లు బెదిరించి డబ్బులు వసూల్లు చేయడం, బండబూతులు తిడుతూ దాడులకు తెగబడటం ప్రజలకు ఇబ్బంది కలిగిస్తున్నాయి. ఓ రైల్వే స్టేషన్లో బేంచ్ పై పడుకున్న యువకుడిని చెప్పుతో కొట్టిన వీడియో వైరల్ అవుతుంది.ఈ మధ్య కాలంలో ట్రాన్స్ జెండర్లు చేస్తున్న పనుల వల్ల ప్రజలు తీవ్ర ఇబ్బందులు పడుతున్నారు. ఓ వైపు పలు ప్రభుత్వాలు ట్రాన్స్ జెండర్లకు ఉపాధి అవకాశాలు కల్పించే ఏర్పాట్లు చేస్తున్నాయి. మరోవైపు ట్రాన్స్ జెండర్ల ఆగడాలు, దాడులు మితిమీరిపోతున్నాయి. ఓ రైల్వే స్టేషన్ (railway station)లో బెంచ్ పై పడుకున్న ఓ యువకుడిని ముగ్గురు ట్రాన్స్ (Transgenders) జండర్లు చెప్పుతో దాడి (Attack with Sandal) చేస్తున్న వీడియో సోషల్ మీడియా (Social Media) లో వైరల్ అవుతుంది. ఈ వీడియో చూసిన నెటిజన్లు తీవ్ర ఆగ్రహం వ్యక్తం చేస్తున్నారు.ఈ వైరల్ వీడియోలో ఓ యువకుడు రైల్వే స్టేషన్ లోని ఓ బెంచ్ పై నిద్రిస్తున్నాడు. హఠాత్తుగా అక్కడికి ముగ్గురు ట్రాన్స్ జెండర్లు వచ్చారు. వారిలో ఓ ట్రాన్స్ జెండర్ ఆ యువకుడిని లేపి తిడుతూ చెప్పుతో కొడుతుంది. ఏం జరుగుతుంతో అర్థం కాక ఆ యువకుడు ఒక్కసారిగా షాక్ అవుతూ.. నన్ను ఎందుకు కొడుతున్నారు అని ప్రశ్నించాడు. అంతలోనే మరో ట్రాన్స్ జెండర్ అతన్ని చెంపపై కొడుతుంది. ఇంత జరుగుతున్నా పక్క నుంచి ప్రయాణికులు వెళ్తున్నారే కానీ.. ఏం జరిగిందని ప్రశ్నించడం లేదు. చివరికి.. ఆ యువకుడు భయంతో అక్కడ నుంచి పారిపోతుండగా అతన్ని వెంబడించారు.వరాహ వారియర్ అనే యూజర్ X లో షేర్ చేశాడు. ఈ వీడియో చూసిన నెటిజన్లు తీవ్ర ఆగ్రహం (Netizens Serious) వ్యక్తం చేస్తున్నారు. రాను రాను రైల్వే స్టేషన్లు, రైళ్లలో ప్రయాణికులకు భద్రత లేకుండా పోతుందని.. పోలీసులు ఇలాంటి ఘటనలపై స్పందించి చర్యలు తీసుకోవాలని కోరుతున్నారు. ఈ ఘటన ఎక్కడ, ఎప్పుడు జరిగిందన్న విషయంపై ఇంకా స్పష్టత రాలేదు. ఈ ఘటన ఎక్కడ జరిగిందన్న విషయం తెలుసుకోవడానికి స్టేషన్ పేరు, బాధితుడి కాంటాక్ట్ నెంబర్, వివరాలు పంపించాల్సిందిగా రైల్వే పోలీసులు (Railway Police) ప్రజలను కోరారు. ఇందులో పాల్గొన్న వ్యక్తులను గుర్తిస్తూ పోలీసులు లేదా రైల్వే అధికారులు ప్రకటనలు జారీ చేయలేదు.