అంతా మా ఇష్టం అడిగేది ఎవరు?
* అధికారులు ఆదేశాలు బేఖాతరు
* అనుమతులు లేకుండానే ఫామ్ హౌస్ నిర్మాణం
చేవెళ్ల, నేటిధాత్రి:
అధికారుల తూతు మంత్రపు చర్యలతో అక్రమార్కులు రెచ్చిపోతున్నారు. భూమిలేని నిరుపేదలకు సాగు చేసుకుని జీవన్ సాగించేందుకు ప్రభుత్వం ఇచ్చిన అసైన్ భూములు పట్ట భూముల్లోని ఫామ్ హౌస్ లకు దారులు వేస్తున్నారు. అధికారులు హెచ్చరించిన అక్రమార్కులు మాకు ఎవరు అడ్డు అంతా మా ఇష్టం అన్న తీరుతో అధికారుల హెచ్చరికలు, ఆదేశాలను లెక్కచేయకుండా యధావిధిగా వారిపని వారు యతేచగా తీసుకుపోతున్నారు. దీనికి కారణం అధికారులు చట్టరీత్యా కఠిన చర్యలు తీసుకోకపోవడమేనని ప్రజలు విమర్శిస్తున్నారు.
కమ్మెట రెవెన్యూ పరిధిలోని సర్వే నెంబర్ 217లోని ప్రభుత్వ అసైన్డ్ భూమిలో నుండి ఫామ్ హౌస్ కు సుమారు 20 ఫీట్ల మట్టిరోడ్డు దారివేసి వెంచర్ లో ఫామ్ హౌస్ నిర్మాణాలు చేపడుతున్నారు. ఈ విషయం వార్త పత్రికలలో వచ్చిన కథనాలకు చివెళ్ళ మండల రెవెన్యూ అధికారులు ఎమ్మార్వో కృష్ణయ్య ఆదేశాల మేరకు చంద్రమోహన్ చర్యలలో భాగంగా ప్రభుత్వ భూమిలో వేసిన అక్రమ రోడ్డుకు ఇరువైపులా జెసిబి తో కాలువ తవ్వి రాకపోకలకు అడ్డుకట్ట వేశారు. పి ఓ టి చట్టం ప్రకారం
అసైన్డ్ భూములను స్వాధీనం చేసుకుంటామని అన్నారు. కాని అధికారులు చర్యలు చేపట్టిన కొద్ది రోజులలోపే ఇరువైపులా తీసిన కాలువను పూడ్చి ఫామ్ హౌస్ నిర్మాణదారులు యధావిధిగా రాకపోకలు కొనసాగిస్తున్నారు. అక్రమాలపై అధికారుల ఆదేశాలు నీటి బుడగళ్ల మారాయి.
అధికారుల తూతూ మంత్రపు చర్యలతో అక్రమార్కులు మరింత రెచ్చిపోతున్నారని ఆరోపణలు వినిపిస్తున్నాయి.
* అనుమతులు లేకుండా ఫామ్ హౌస్ నిర్మాణం
ఎలాంటి ప్రభుత్వ అనుమతులు లేకుండా పెద్ద ఎత్తున ఫామ్ హౌస్ నిర్మాణం కొనసాగుతుంది. చేవెళ్ల మున్సిపల్ పట్టణ ఊరెళ్ళ వార్డ్ పరిధిలోని సర్వే నెంబర్ 194లో హెచ్ఎండిఏ, మున్సిపల్ అనుమతులు లేకుండా పెద్ద ఎత్తున ఫామ్ హౌస్ నిర్మాణం చేపడుతున్నారు. 15 రోజుల క్రితం మున్సిపల్ అధికారులు వచ్చి పనులను ఆపివేశారు.అనుమతులు లేకుండా నిర్మాణం చేపట్టొద్దని హెచ్చరించారు. కానీ ఫామ్ హౌస్ నిర్మాణదారుడు మునిసిపల్ ఆదేశాలను బేఖాతార్ చేసి యతేచగా చక చక ఫార్మ్ హౌస్ నిర్మాణం కొనసాగిస్తున్నారు.అక్రమ నిర్మాణాలపై మున్సిపల్ అధికారులు కఠిన చర్యలు తీసుకోవాలని స్థానికులు కోరుతున్నారు.
ఈ విషయంపై చేవెళ్ల మున్సిపల్ కమిషనర్ ను వివరణ కోరగా అధికారులను పంపించి వెంటనే పనులు ఆపుచేస్తామని తెలిపారు. గతంలోని వారికి అనుమతులు వచ్చేవరకు పనులు చేపట్టవద్దని చెప్పమని, అయినా మళ్లీ పనులు చేపట్టడంతో వారిపై చట్ట పరమ చర్యలు తీసుకుంటామని తెలిపారు.
