చెన్నూరు మాజీ ఎమ్మెల్యే బాల్క సుమన్
రామకృష్ణాపూర్, నేటిధాత్రి:
రానున్న ఎంపీ ఎన్నికల నేపథ్యంలో ప్రచార నిమిత్తమై మంచిర్యాల జిల్లా కేంద్రంలో మే 4 న బీఆర్ఎస్ అధినేత కేసిఆర్ రోడ్ షో లో పాల్గొంటారని, నాయకులు కార్యకర్తలు పెద్ద ఎత్తున రోడ్ షో లో పాల్గొని విజయవంతం చేయాలని చెన్నూరు మాజీ ఎమ్మెల్యే, మంచిర్యాల జిల్లా బీఆర్ఎస్ అధ్యక్షులు బాల్క సుమన్ పిలుపునిచ్చారు. గురువారం క్యాతనపల్లి మున్సిపాలిటీ లోని బాల్క సుమన్ స్వగృహంలో మందమర్రి, జైపూర్ మండలాలు, క్యాతనపల్లి మున్సిపాలిటీ బిఆర్ఎస్ ప్రజా ప్రతినిధులు, ముఖ్య నాయకులు, కార్యకర్తలతో పార్లమెంట్ ఎన్నికల సన్నాహక సమావేశం ఏర్పాటు చేశారు. ఈ సందర్భంగా బాల్క సుమన్ మాట్లాడుతూ…. పెద్దపల్లి బీఆర్ఎస్ ఎంపీ అభ్యర్థి కొప్పుల ఈశ్వర్ ను భారీ మెజారిటీతో గెలిపించేలా నాయకులు సమన్వయంతో పనిచేసి కృషి చేయాలని అన్నారు. కేసిఆర్ రోడ్ షోను సైతం విజయవంతం చేయాలని అన్నారు. ఈ కార్యక్రమంలో నాయకులు కార్యకర్తలు పెద్ద ఎత్తున పాల్గొన్నారు.
