ఘనంగా చంద్రబాబు జన్మదిన వేడుకలు
తెలుగుదేశం పార్టీ జాతీయ అధ్యక్షుడు, ఆంధ్రప్రదేశ్‌ రాష్ట్ర ముఖ్యమంత్రి నారా చంద్రబాబునాయుడు 69వ జన్మదిన వేడుకలను పార్టీ మండల ప్రధాన కార్యదర్శి నాగెల్లి సురేష్‌ అధ్యక్షతన ఘనంగా నిర్వహించారు. చంద్రబాబు జన్మదిన వేడుకల సందర్భంగా పట్టణ కేంద్రంలో కేక్‌ కట్‌ చేశారు. ఈ కార్యక్రమానికి ముఖ్యఅతిథిగా టిడిపి తెలుగు రైతు జిల్లా ప్రధాన కార్యదర్శి అనిమిరెడ్డి నారాయణరెడ్డి హాజరయ్యారు. ఈ సందర్భంగా ఆయన మాట్లాడుతూ చంద్రబాబు పాలన ఎక్కడ నిర్వహించినా అభివృద్దే ధ్యేయంగా పనిచేయడమే ఆయన లక్ష్యమని అన్నారు. 69ఏళ్ల వయసులో కూడా ప్రజాసేవలో ముందుకు వెళుతున్న ఆయన మరోమారు అధికారంలోకి రావడం ఖాయమని ఆశాభావం వ్యక్తం చేశారు. ఈ జన్మదిన వేడుకల్లో తెలుగు యువత మండల అధ్యక్షుడు మేకల శ్రీనివాస్‌ యాదవ్‌, ప్రధాన కార్యదర్శి మహ్మద్‌ జూబేర్‌, నాయకులు సేహగల్‌ బాబా, రాజ్‌ కుమార్‌, రాము, తుమ్మల విజయ్‌, జాణ్సణ్‌, బంగారు ప్రశాంత్‌ తదితరులు పాల్గోన్నారు.
