భద్రాచలం నేటి దాత్రి
హైదరాబాద్ నగరంలోని చందానగర్ లో జరిగిన రాష్ట్రస్థాయి పవర్ లిఫ్టింగ్ పోటీలలో భద్రాచలం సిటీ స్టైల్ జిమ్ కు చెందిన ఇద్దరు క్రీడాకారులు బంగారు పతకాలు సాధించి ఈనెల 22 నుండి 26 వరకు మధ్యప్రదేశ్ లోని ఇండోర్ లో జరిగే జాతీయస్థాయి పవర్ లిఫ్టింగ్ పోటీలకు, భద్రాచలం సిటీ స్టైల్ జిమ్ కు చెందిన మహంతి వెంకటకృష్ణాజి ( సుధా జ్యువెలర్స్ అధినేత ) గాలి రామ్మోహన్ రావు ( నేషనల్ గోల్డ్ మెడలిస్ట్ ) ఎంపికైనట్లు భద్రాద్రి కొత్తగూడెం జిల్లా పవర్ లిఫ్టింగ్ అసోసియేషన్ అధ్యక్షులు భోగాల శ్రీనివాస్ రెడ్డి తెలిపారు. ఈ ఎంపికైన క్రీడాకారులు గతంలో అనేకసార్లు జిల్లా రాష్ట్ర మరియు జాతీయ స్థాయి పోటీలలో కూడా పలు మార్లు సత్తా చాటడం జరిగింది. సిటీ స్టైల్ జిమ్ కోచ్ జివి రామిరెడ్డి మాట్లాడుతూ, ఈ క్రీడాకారులకు ఉదయం రెండు గంటలు సాయంత్రం రెండు గంటల పాటు ప్రతిరోజు ప్రత్యేక శిక్షణ ఇస్తున్నట్లు తెలిపారు. ఈ ఎంపికైన క్రీడాకారులను పట్టణంలోని పలు క్రీడా సంఘాలు, పలువురు రాజకీయ నాయకులు, గ్రీన్ భద్రాద్రి అసోసియేషన్ సభ్యులు, మరియు , డాక్టర్ శివరామకృష్ణ ప్రసాద్, డాక్టర్ నరసింహారెడ్డి, ఫారెస్ట్ డిప్యూటీ రేంజర్ శోభన్ నాయక్, ప్రముఖ సంఘ సేవకుడు గాదె మాధవరెడ్డి, మరియు సిటీ స్టైల్ జిమ్ సభ్యులు అభినందించారు
