Health Center.
ఆర్థిక ఇబ్బందుల్లో అంబులెన్స్ డ్రైవర్లు
* 9 నెలలుగా పత్తాలేని జీతాలు
* బోరున విలపిస్తున్న అంబులెన్స్ డ్రైవర్లు
మహాదేవపూర్ జూలై 30 (నేటి ధాత్రి)
జయశంకర్ భూపాలపల్లి జిల్లా మహదేవపూర్ మండల కేంద్రంలోని సామాజిక ఆరోగ్య కేంద్రంలో పనిచేస్తున్న ఆంబులెన్స్ డ్రైవర్లకు 9 నెలలుగా జీతాలు రాక ఆర్థిక ఇబ్బందులలో కొట్టుమిట్టాడుతున్నామని ఒక ప్రకటనలో బుధవారం రోజున తెలిపారు. మండల కేంద్రంలోని సామాజిక ఆరోగ్య కేంద్రంలో గత సంవత్సరం నవంబర్ నుండి ఈరోజు వరకు జీతాలు ఇవ్వలేదని తెలుపుతూ అప్పట్లో కలెక్టర్ కి మొర పెట్టుకోగా డిఏంటి నిధుల నుంచి జీతాలు వచ్చాయని ప్రస్తుతం సిపిఓ జీతాలను ఆపేసిండ్రని తెలుపుతూ 9 నెలలుగా జీతాలు లేక కుటుంబ పోషణ భారంగా మారిందని ఆర్థిక పరిస్థితి ధయనియంగా ఉందని మా గోడు మన్నించి మాకు జీతాలు వచ్చేలా చేయాలని బోరున విలపిస్తూ ఒక ప్రకటనలో తెలిపారు.
