ఐసీసీ మెన్స్ వన్డే వరల్డ్ కప్ 2023 టోర్నీలో అన్ని జట్లు కూడా మూడేసి మ్యాచులు ఆడేశాయి. మొదటి 3 మ్యాచులు ఆడే సమయానికి మూడింట్లో ఘన విజయాలు అందుకున్న భారత జట్టు టాప్‌లో ఉంటే, రెండో స్థానంలో న్యూజిలాండ్ ఉంది.
మొదటి మూడు మ్యాచుల్లో అత్యుత్తమ ఫీల్డింగ్ నైపుణ్యం ప్రదర్శన టాప్ 10 ప్లేయర్ల జాబితాను విడుదల చేసింది ఐసీసీ. ఈ లిస్టులో విరాట్ కోహ్లీ టాప్‌లో ఉన్నాడు. విరాట్ కోహ్లీ మొదటి 3 మ్యాచుల్లో చూపించిన ఫీల్డింగ్ ఇంపాక్ట్‌కి 22.30 రేటింగ్ పాయింట్లు సాధించాడు. మిగిలిన భారత ప్లేయర్లు ఎవ్వరూ కూడా 15+ పాయింట్లు కూడా సాధించలేకపోయారు.
భారత జట్టులోని అత్యుత్తమ ఫీల్డర్లు రవీంద్ర జడేజా, హార్ధిక్ పాండ్యా, కెఎల్ రాహుల్‌లకు కూడా ఈ లిస్టులో చోటు దక్కకపోవడం విశేషం. మరో 3 మ్యాచుల తర్వాత మరోసారి ఫీల్డింగ్ ఇంపాక్ట్ లిస్టును ప్రకటించనుంది ఐసీసీ.
