మందమర్రి, నేటిధాత్రి:-
పట్టణ మున్సిపల్ కమిషనర్ గా ఎన్ వెంకటేశ్వర్లు పదవి బాధ్యతలు స్వీకరించారు. ఇది వరకు ఇక్కడ కమిషనర్ గా విధులు నిర్వహించిన గద్దె రాజు రామగుండం మున్సిపాలిటీకి బదిలీ కాగా, నేరేడుచర్ల కమిషనర్ గా విధులు నిర్వహించిన వెంకటేశ్వర్లు బదిలీ పై పట్టణానికి వచ్చారు. నూతన కమిషనర్ గా బాధ్యతలు చేపట్టిన వెంకటేశ్వర్లు కు మున్సిపల్ డిప్యూటీ ఎగ్జిక్యూటివ్ ఇంజనీర్ ఎం సుమతి, సానిటరీ ఇన్స్పెక్టర్ వి శ్యాంసుందర్, రెవెన్యూ ఇన్స్పెక్టర్ ప్రవీణ్ లు శాలువాతో సత్కరించి, పుష్పగుచ్చం అందజేశారు. ఈ కార్యక్రమంలో మున్సిపల్ కార్యాలయం సిబ్బంది తదితరులు పాల్గొన్నారు.
