ఘనంగా డాక్టర్ బి ఆర్ అంబేద్కర్ జయంతి వేడుకలు
వీణవంక, నేటి దాత్రి:
వీణవంక మండల పరిధిలోని పోతిరెడ్డిపల్లి గ్రామంలో భారత రాజ్యాంగ నిర్మాత డాక్టర్ బి.ఆర్. అంబేద్కర్ జయంతి వేడుకలను ఘనంగా నిర్వహించడం జరిగింది గ్రామ అంబేద్కర్ యువజన సంఘం ఆధ్వర్యంలో నిర్వహించిన కార్యక్రమానికి ముఖ్య అతిథులుగా గ్రామ సర్పంచ్ గజ్జల మొగిలయ్య గ్రామపంచాయతీ పాలకవర్గ సభ్యులు హాజరై అంబేద్కర్ విగ్రహానికి పూలమాలలు వేసి ఘన నివాళులు అర్పించారు.
అనంతరం కేక్ కట్ చేసి పండ్ల పంపిణీ, స్వీట్లు పంపిణీ చేయడం జరిగింది
ఈ సందర్భంగా గ్రామ సర్పంచ్ గజ్జల మొగిలయ్య మాట్లాడుతూ, డాక్టర్ బాబాసాహెబ్ అంబేద్కర్ రచించిన భారత రాజ్యాంగం ద్వారా అందించిన రిజర్వేషన్ల ద్వారా ఈరోజు నేను గ్రామ సర్పంచ్గా ఎన్నిక కావడం సాధ్యమైంది. కాబట్టి ఆయనకు నేను ప్రత్యేక కృతజ్ఞతలు తెలియజేస్తున్నాను. సమాజంలో సమానత్వం, న్యాయం స్థాపన కోసం ఆయన చూపిన మార్గంలోనే ముందుకు సాగాలి అని పేర్కొన్నారు.
ఈ సందర్భంగా పలువురు నాయకులు అంబేద్కర్ ఆశయాలను స్మరించుకుంటూ ఆయన సిద్ధాంతాలను ఆచరణలో పెట్టాలని పిలుపునిచ్చారు. ఈ కార్యక్రమంలో గ్రామ ప్రజలు యువకులు, నాయకులు, ఆశా వర్కర్లు తదితరులు పాల్గొన్నారు.
