Tag: Bathukamma rituals

నస్కల్ లో సద్దుల బతుకమ్మ

నిజాంపేట: నేటి ధాత్రి

నిజాంపేట మండలం నస్కల్ గ్రామంలో సద్దుల బతుకమ్మ పండుగ ఘనంగా నిర్వహించారు. మహిళలు ఉదయం నుండి బతుకమ్మలను పేర్చి గ్రామంలో గల ప్రధాన కూడలి వద్ద బతుకమ్మలను ఉంచి పండుగ నిర్వహించారు. నూతన పట్టు చీరలు ధరించి ప్రేమానురాగాలతో బతుకమ్మ పండుగ నిర్వహించుకున్నారు. ఈ సందర్భంగా పలువురూ మహిళలు మాట్లాడుతూ.. తెలంగాణ రాష్ట్రంలో
పూలను దైవంగా భావిస్తూ ప్రకృతిని కాపాడుతూ మహిళలు అత్యంత వైభవంగా జరుపుకునే గొప్ప పండుగ బతుకమ్మ అన్నారు. ఎంగిలిపూలతో మొదలై సద్దుల బతుకమ్మ వరకు తొమ్మిది రోజులు తీరొక్క పువ్వులను పూజిస్తూ జరుపుకుంటామనిఅన్నారు.తెలంగాణ సంస్కృతి,సాంప్రదాయాలకు పుట్టినిల్లని ఇక్కడ జరుపుకునే బతుకమ్మ పండుగ చిన్న,పెద్ద తేడా లేకుండా ప్రతి ఇంట్లో ఆనందంగా జరుపుకుంటారని అన్నారు. ఈ కార్యక్రమంలో గ్రామ పెద్దలు, గ్రామ సభ్యులు పాల్గొన్నారు