జైపూర్, నేటి ధాత్రి:
మంచిర్యాల జిల్లా జైపూర్ మండలం తేది:-08.02.2024 రోజున స్పెషల్ శానిటేషన్ డ్రైవ్ కార్యక్రమములో భాగంగా రెండవ రోజు షెడ్యూల్ ప్రకారం జైపూర్ మండలంలోని ఇందారం మరియు మిట్టపల్లి గ్రామ పంచాయతీలలో గ్రామ ప్రత్యేక అధికారి గారి అధ్వర్యంలో అందరి భాగస్వామ్యంతో శ్రమదానం నిర్వహించి గ్రామంలోని రోడ్డు ప్రక్కన పెరిగిన తుమ్మ చెట్లను, పొదలను తొలగించి శుభ్రం చేయడం జరిగింది. అనంతరం, గ్రామ ప్రత్యేక అధికారి గ్రామంలోని వీధి,వీధి తిరిగి త్రాగు నీటి సమస్యలు ఏమైనా ఉన్నాయా అని గ్రామస్థులను అడిగి తెలుసుకోవడం జరిగింది. మరియు గ్రామంలో నిర్వహిస్తున్న పారిశుధ్య కార్యక్రమాలను పర్యవేక్షించడం జరిగింది.
ఈ కార్యక్రమంలో
జి. అనిల్ కుమార్, గ్రామ పంచాయతీ ప్రత్యేక అధికారి ఎం పీ ఓ,
మిట్టపల్లి మాజీ సర్పంచ్ కుంటాల సౌజన్య,
పంచాయతీ కార్యదర్శి, ఏ. సుమన్,ఇందారం పంచాయతీ కార్యదర్శి
జి.ప్రవీణ్, ఏ ఎస్ హెచ్ ఏ కార్యకర్తలు, అంగన్వాడీ టీచర్, స్థానిక ప్రజా ప్రతినిదులు, గ్రామ ప్రజలు పాల్గొన్నారు.
