మందమర్రి, నేటిధాత్రి:-
సింగరేణి సంస్థ కళాకారులు కంపెనీ, కోలిండియా స్థాయి పోటీల్లో పాల్గొని, కోలిండియా స్థాయిలో సింగరేణి ఖ్యాతిని చాటాలని ఏరియా రక్షణాధికారి ఎం రవీందర్ పిలుపునిచ్చారు. వర్క్ పీపుల్స్ స్పోర్ట్స్ అండ్ గేమ్స్ అసోసియేషన్ (డబ్ల్యుపిఎస్ అండ్ జిఏ) ఆధ్వర్యంలో 59 వ వార్షిక క్రీడల్లో భాగంగా బుధవారం సింగరేణి ఉన్నత పాఠశాల మైదానంలో నిర్వహించిన కల్చరల్ మీట్ కు ఆయన ముఖ్య అతిథిగా హాజరైయ్యారు. ఈ సందర్భంగా ముందుగా నటరాజు కు పూజ నిర్వహించి, కార్యక్రమాలు ప్రారంభించారు. ఈ కార్యక్రమంలో క్రీడల గౌరవ కార్యదర్శి కార్తీక్, సమన్వయకర్త ఏ రవికుమార్, జనరల్ కెప్టెన్ టి చిన్నయ్య, మురహరి, జిపి చంద్రకుమార్, కల్చరల్ కెప్టెన్ డి సుదర్శన్, సింగరేణి మైదానం ఇంచార్జ్ నస్పూర్ తిరుపతి, కళాకారులు తదితరులు పాల్గొన్నారు.
