మందమర్రి, నేటిధాత్రి:-
సింగరేణి సంస్థ క్రీడాకారులు ఏరియా, కంపెనీ, కోలిండియా స్థాయి క్రీడా పోటీల్లో పాల్గొని, కోలిండియా స్థాయిలో సింగరేణి ఖ్యాతిని చాటాలని ఏరియా స్టోర్స్ డివైఎస్ఈ పైడిశ్వర్ పిలుపునిచ్చారు. వర్క్ పీపుల్స్ స్పోర్ట్స్ అండ్ గేమ్స్ అసోసియేషన్ (డబ్ల్యుపిఎస్ అండ్ జిఏ) ఆధ్వర్యంలో 59 వ వార్షిక క్రీడల్లో భాగంగా శనివారం సింగరేణి ఉన్నత పాఠశాల మైదానంలో నిర్వహించిన లాన్ టెన్నిస్ పోటీలకు ఆయన ముఖ్య అతిథిగా హాజరై, పోటీలను ప్రారంభించారు. ఈ పోటీల్లో సింగిల్స్ విభాగంలో మొదటి బహుమతి ఎస్ శ్రీనివాస్, రెండో బహుమతిని పి క్రాంతి లు కైవసం చేసుకొగా, డబుల్స్ విభాగంలో మొదటి బహుమతి ఏ రవికుమార్, పి క్రాంతి లు రెండో బహుమతిని ఎస్ శ్రీనివాస్, టి చిన్నయ్య లు గెలుపొందారు. లాన్ టెన్నిస్ వెట్రన్స్ సింగిల్స్ విభాగంలో మొదటి బహుమతి ఎం కిషన్, రెండవ బహుమతి జి శ్రీనివాస్ చారి లు కైవసం చేసుకొగా డబుల్స్ విభాగంలో మొదటి బహుమతి ఎం కిషన్, కెఎస్ రాజు,రెండవ బహుమతి జి శ్రీనివాస్ చారి, పి బానేష్ లు గెలుపొందారు. ఈ సందర్భంగా ఆయన మాట్లాడుతూ, క్రీడాకారులు క్రీడా స్ఫూర్తితో క్రీడల్లో పాల్గొని, ఏరియాకు, సంస్థకు మంచి పేరు తీసుకురావాలని ఆకాంక్షించారు. ఈ కార్యక్రమంలో క్రీడల గౌరవ కార్యదర్శి కార్తీక, సమన్వయకర్త ఏ రవికుమార్, జనరల్ కెప్టెన్ టి చిన్నయ్య, గ్రౌండ్ ఇంచార్జ్ నస్పూరి తిరుపతి, సీనియర్ క్రీడాకారులు, క్రీడాకారులు తదితరులు పాల్గొన్నారు.
