రాష్ట్రస్థాయి మోడల్ యునైటెడ్ నేషన్స్ పోటీలకు శంకర్ పల్లి మోడల్ స్కూల్ విద్యార్థిని ఎంపిక
శంకర్ పల్లి, నేటిధాత్రి:
హైదరాబాద్లోని హయత్ నగర్ మండల పరిషత్ ఆవరణలో రంగారెడ్డి జిల్లా స్థాయి సోషల్ ఫోరం ఆధ్వర్యంలో నిర్వహించిన మాక్ ఐక్యరాజ్యసమితి సమావేశంలో శంకర్ పల్లి మండల మోడల్ స్కూల్ విద్యార్థిని ప్రతిభ చాటింది.
ఈ పాఠశాలలో 9వ తరగతి చదువుతున్న వి. నందిని తన అద్భుతమైన ప్రదర్శనతో రాష్ట్రస్థాయి పోటీలకు ఎంపికైనట్లు పాఠశాల ప్రిన్సిపల్ శోభారాణి ఒక ప్రకటనలో తెలిపారు. సాంఘిక శాస్త్ర ఉపాధ్యాయురాలు వరసింధూర పర్యవేక్షణలో నందిని ఈ ఘనత సాధించింది. ఈ సందర్భంగా పాఠశాల ఉపాధ్యాయ బృందం మరియు సిబ్బంది నందినిని అభినందిస్తూ, రాష్ట్రస్థాయిలో కూడా విజయం సాధించాలని ఆకాంక్షించారు.