చందుర్తి, నేటిధాత్రి:
చందుర్తి మండల కేంద్రం జోగాపూర్ గ్రామం వాగ్దేవి ఇంగ్లీష్ మీడియం స్కూల్లో వసంత పంచమి నీ పురస్కరించుకొని సరస్వతీ పూజలు నిర్వహించారు.ఈ పూజా కార్యక్రమంలో విద్యార్థినీ విద్యార్థులు సరస్వతీ శ్లోకాలతో పూజను ప్రారంభించారు. వసంత పంచమిని పురస్కరించుకొని పాఠశాల కరస్పాండెంట్ రాజూరి సద్గుణాచారి మాట్లాడుతూ ఆ చదువుల తల్లి సరస్వతి దేవి యొక్క కృపా కరుణ కటాక్షాలు పాఠశాల విద్యార్థిని విద్యార్థుల అందరి పైన ఉంచాలని, భవిష్యత్తులో పిల్లలందరూ కూడా ఉన్నత విద్యను అభ్యసించాలని కోరారు. ఈ కార్యక్రమంలో పాఠశాల సిబ్బంది, విద్యార్థినీ విద్యార్థులు పాల్గొన్నారు.
