ప్రతీ ఉద్యోగికి పదవీవిరమణ తప్పనిసరి..
బ్రాంచ్ సీనియర్ మేనేజర్ వెంకట్ రెడ్డి
ఎల్ఐసి డి.ఓ వెంకటయ్యకు ఘనంగా వీడ్కోలు.
డి.ఓ వెంకటయ్య టీమ్ ఆధ్వర్యంలో గజమాలతో ఘన సన్మానం..
నర్సంపేట,నేటిధాత్రి:
విధి నిర్వహణలో ప్రతీ ఉద్యోగికి పదవీవిరమణ తప్పనిసరి అని నర్సంపేట బ్రాంచ్ సీనియర్ మేనేజర్ వెంకట్ రెడ్డి అన్నారు.లైఫ్ ఇన్సూరెన్స్ కార్పొరేషన్ ఆఫ్ ఇండియా నర్సంపేట బ్రాంచ్ లో బానోతు శాంత వెంకటయ్య డెవలప్ మెంట్ ఆఫీసర్ గత 34 సంవత్సరాలుగా పనిచేస్తున్నారు.ఈ నేపథ్యంలో సోమవారం డి.ఓ వెంకటయ్య పదవీవిరమణ పొందారు.ఈ సందర్భంగా నర్సంపేట బ్రాంచ్ ఆధ్వర్యంలో పదవీవిరమణ కార్యక్రమాన్ని చేపట్టారు.నర్సంపేట బ్రాంచ్ తో వరంగల్ డివిజన్ పరిధిలోని పలువురు అధికారులు, డి.ఓలు హాజరయ్యారు.బ్రాంచ్ సీనియర్ మేనేజర్ వెంకట్ రెడ్డి మాట్లాడుతూ ఎల్ఐసి వికాస అధికారి నిరంతరం పనిచేసే వ్యక్తి అని పేర్కొన్నారు.గత 34 సంవత్సరాలుగా నర్సంపేట బ్రాంచ్ కు ఒక ఫిల్లర్ గా సేవలు అందించారని వెంకటయ్య పట్ల కొనియాడారు.అనంతరం శాలువాలతో సన్మానం చేసి జ్ఞాపికలు అందజేశారు.అలాగే వరంగల్ జిల్లా ఎల్ఐసి ఉద్యోగుల ఎస్సి ఎస్టీ అసోసియేషన్ ఆధ్వర్యంలో సన్మానించారు.
డి.ఓ వెంకటయ్య టీమ్ ఆధ్వర్యంలో గజమాలతో ఘన సన్మానం..
ఎల్ఐసి నర్సంపేట బ్రాంచ్ లో గత 34 సంవత్సరాలుగా వికాస అధికారిగా విధులు నిర్వర్తించిన బానోతు శాంతవెంకటయ్య సోమవారం పదవీవిరమణ నేపథ్యంలో బ్రాంచ్ కార్యాలయంలో ఏర్పాటు చేసిన కార్యక్రమంలో వెంకటయ్య టీమ్ ఏజెంట్లు గజమాలతో ఘనంగా సన్మానించి జ్ఞాపికలు,బహుమతులు అందజేశారు.ఏజెంట్లు పడిదం కట్టస్వామి,రాక రాజలింగంలు మాట్లాడుతూ జీవితభీమా పాలసీల అమ్మకంలో ఏజెంట్లకు వెంకటయ్య ఇచ్చే ప్లానింగ్స్ పట్ల కొనియాడారు.ఈ కార్యక్రమంలో పెండ్లి రవి,శంకరయ్య,మర్థ గణేష్ గౌడ్,కందుల శ్రీనివాస్ గౌడ్,రఘుపతి,అనంతగిరి స్వామి,దాసరి కుమారస్వామి,రాజేందర్, పోశాల శ్రీనివాస్,చందు తదితరులు పాల్గొన్నారు.
ఎల్ఐసి యూనియన్స్ ఆధ్వర్యంలో…
ఎల్ఐసి ఏ.ఓ.ఐ రాష్ట్ర కోశాధికారి కొత్తపెల్లి రాంనర్సయ్య,వరంగల్ డివిజన్ కోశాధికారి మొద్దు రమేష్,నర్సంపేట బ్రాంచ్ గౌరవ అధ్యక్షులు ఆర్.చంద్రమౌళి,బ్రాంచ్ అధ్యక్షుడు పెండ్లి రవి,ప్రధాన కార్యదర్శి పడిదం కట్టస్వామి అలాగే ఎల్ఐసి ఎల్.ఐ.ఏ.ఎఫ్.ఐ డివిజన్ అధ్యక్షుడు పులి సుధాకర్, బ్రాంచ్ అధ్యక్షుడు వల్లాల శ్రీహరి,వైస్ ప్రెసిడెంట్ రాక రాజలింగం ఆధ్వర్యంలో పదవీవిరమణ పొందిన వికాస అధికారి బానోతు వెంకటయ్యకు శాలువాలతో ఘనంగా సన్మనించారు.ఈ కార్యక్రమంలో డెవలప్మెంట్ యూనియన్ వరంగల్ డివిజన్ ప్రెసిడెంట్ విజయ్ కుమార్ ,బ్రాంచ్ ఏఓ లచ్మ,ఏ.ఏ.ఓ శ్యాంసింగ్,హెచ్ జి.ఏ నిఖిల్,సుబ్బారావు,వికాస అధికారులు సురేందర్ రావు,శ్రీనివాస్,రాజు,ఐశ్వర్య,వినయ్ కుమార్,వినోద్ కుమార్,రమేష్,పలువురు అధికారులు,కార్యాలయ సిబ్బంది యునియన్ నాయకులు,ఏజెంట్లు పాల్గొన్నారు.
