రామకృష్ణాపూర్, నేటిధాత్రి:
క్యాతనపల్లి మునిసిపాలిటీ పరిధిలోని ఐదవ వార్డు అమరవాది, శేషు పల్లి ఏరియాలలో కొన్ని ప్రాంతాలలో నూతన విద్యుత్ స్తంభాలు ఏర్పాటు చేయాలని, విద్యుత్ లైన్లు సరిచేయాలని విద్యుత్ సమస్యల పరిష్కారం కోసం ఏర్పాటు చేసిన సమావేశంలో ఐదవ వార్డు కౌన్సిలర్ జిలకర మహేష్ విద్యుత్ అధికారులకు, కన్జ్యూమర్ ఫోరం చైర్మన్ నారాయణ కు వినతి పత్రం అందించారు. అధికారులు స్పందించి ఫీల్డ్ సర్వే చేపించి త్వరలోనే పనులు జరిపించేలా చొరవ తీసుకుంటామని హామీ ఇచ్చినట్లు కౌన్సిలర్ జిలకర మహేష్ తెలిపారు. ఎస్ ఏ ఓ రాజేశం, డి ఈ కైలాష్, ఏడిఈ మోహన్ రెడ్డి, ఏఓ శ్రీనివాస్, జే ఏ ఓ రమేష్, ఏఈ సుధాకర్, సిబ్బంది తదితరులు విద్యుత్ సమస్య పరిష్కార సమావేశంలో పాల్గొన్నారు.
